بنات ادعوا لي ,, زوجي طلقني بدون ما يقول لي ليه,,

بسم الله الرحمن الرحيم
اللهم أجرني في مصيبتي واخلفني خير منها
امين

يا بنات ادعوا لي الله يجزاكم خير
لاتقولون الله يلم شملكم ولكن قولوا الله يكتب لك الخير ويرضيك به
ويخلف عليك يارب

يا اخواتي انا علاقتي بزوجي فوق الممتازه
ومتفاهمين
عدا المناقر العادي اللي يصير بين كل زوج وزوجه
عمرنا ما تزاعلنا اكثر من ساعات زعلنا ما يكمل يوم
والسبب ان زوجي يحبني وانا احب ارضيه قد ما اقدر

هو عصبي جدا جدا
شي لا يمكن وصفه
يوم الخميس قلت له انت ليه ما تمسك يدي ما تطالع عيوني ما تدلعني
وقلت هالكلام من باب الدلع و الرغبه فيه اكثر
خانقني بعدها بدون سبب
قال لي كلام اول مره اسمعه منه مع اني متاكده انه يحبني مره
قعد يقول لي انا متحملك و انتي تنافخين علي و تبين هذا انا وهذا اللي اقدر عليه
واذا ما تبين روحي بيت اهلك
انا طارت عيوني
انا زوجي من كثر ما يحبني ما يخليني انام الا عنده في البيت يعيي علي انام عند اهلي
واذا نام برا البيت لظروف شغل يجي بكره يقول لي ما عرفت انام انا غلطان اخليك ومن هالكلام

والله انا مصدومه مره مره مره
عمري ما فكرت ابد انه يقول لي هالكلام
من الصدمه طلعت كنت معزومه وبعد العزيمه رجعت مع اهلي لبيتهم ونمت عندهم

جا الجمعه ما كلمني الرجال
ارسلت له رساله الساعه 9 بالليل انام عند اهلي ؟
ورد علي كتب براحتك
انا استغربت وش فيه ميب عوايده

السبت دقيت عليه من الصبح قلت انت فيك شي سلامات
طب فيني شي فضيع انا مدلعك وهذا مو وقته وانا معطيك وجه ومن هالحكي
لما جت الساعه 5 معد قدرت اصبر دقيت عليه مره ثانيه قلت له وش فيك انت وين تبي نوصل
قال اذا تبين بيتي البيت مفتوح واذا ما تبينه كل واحد يروح لاهله
واذا بترجعين ترجعين بشروط تحترميني و ما تراديني ولا تكسرين كلمتي ومن هالحكي اللي مدري وش سببه
انا ما اكسر كلمته ابد ولا عمري غلطت عليه بس مدري وش قاعد يقول
قلت له انا مقصره معك انا مسويه لك شي قال لا بس انتي تتذمرين
تعرفون ليش اتذمر علشان قلت له اجلس معي وامسك يدي وحن علي يعني كلامه موب منطقي كن فيه شي الرجال موب صاحي
المهم انا قلت له شوف انا حقوقك بعطيك اياها كامله بس انا ابي حقي كزوجه احترمني لا تصارخ علي ولا تعصب علي وعاملني زين
مابي منك شي ابببببببببببببببد لا مصروف ولا سفرات و عزايم ولا شي
بس ابي تعاملني زين
سكر السماعه في وجهي

بعدها بساعتين دقيت
قلت له ليه تسوي كذا وين بتودي حياتنا مافيه شي يستاهل
قال يا بنت الحلال انا طلقتك ,, تبين شي

ببساطه
اذا انا غلطانه لا تلوموني مع اني ما اشوف اني غلطت بس ادعوا لي وساعدوني
انا راضيه فيه وعايشه معه واساعده في كل شي من مصروف البيت الى مصروف السفر الى الاجار كل شي اقدر اساعده فيه اساعده
وعمري ما منعته لا من نفسي ولا من شي
واعرف انه يحبني

بس مدري وش صار في يوم وليله انقطع نصيبي معه وطلقني بهالبساطه
يا بنات والله الرجال هذا زوجي من 11 شهر فقط لكن غالي عندي مره
بس طلاقه لي كسر شي جواي ما ادري وشو
صدمه خاصه ان مافيه سبب يستاهل

يارب اذا فيه عين انك تكشف ضره وتشفيه وتعافيه وترده لي رد جميل
واذا كان طلاقه لي خير لي وله انك ترضيني يارب بتدبيرك
لاحول ولا قوة الا بالله
انا يا بنات اللحين خايفه
احس اني مقبله على حياة ما ادري كيف بتكون
ادعوا لي الله يخليكم