الله يعينك

شوفي انا ماعندي بنات توهم اولاد وباقي ما دخلوا المدرسه

بس من الحين على انو عندي شغاله بس اقولهم كل واحد يرتب اغراضه الكبير كان دائما يرتب عمره خمس سنوات والصغير يخرب اذا رجع زوجي من الدوام اقول له تعرف اليوم وش صلح .... رتب غرفته ونظم العابه وفرش اسنانه حتى ساعدني بغرفتي بعد يقوم زوجي يسأل الصغير وانتا ساعدت ماما ينحرج والحين صاروا الاثنين يتنافسون على الترتيب والتنظيم

ولا اشوف شئ بالبيت طايح ماشاءالله تبارك الرحمن

بس بناتك لازم تعوديهم عاقبيهم احرميهم المهم لايتعودون على الاتكال والكسل بكرا تكبر ولا تنفع ببيتها

امسكيهم الثلاثه وقولي لهم انا اتعب كثير تخيلوا لو امرض و... و... لا قدر الله وش بتكون حالتكم
والسبب انكم ما تتعاونون معايا

وقولي لهم الشغل كله عليا ولو تقاسمناه احنا الاربعه بيخف الحمل .. اختاري من اسرتك او عائلتك بنات سنعات وقولي لهم ام فلان بس تمدح ببناتها مدلعينها ما يخلونها تحط يدها بشئ وانا ما كأني امكم

معليش طولت الكلام بس وربي حاسه بمعاناتك

انا اختي بناتها بعمر بناتك وربي ما سمنت اختي وتعافت الا من كبروا هالبنات صاروا مدلعين امهم وما تحط يدها بشئ

حتى الاكل اذا جات رايحه لناس تسوي وحده منهم كيك واللا حلى تفتخر فيهم وتقول هذا شغل بنتي فلانه / صاروا كلهم يتنافسون ع الشغل

انتي نفس الشئء علميهم الترتيب وخليك معاهم شجعيهم وممكن تحطي شغلهم او طباخهم هنا بالمنتدى وتقولي لهم شوفوا ردود البنات عليكم

شوفوا كيف الناس يحبون البنت الشاطره

والله يخليهم لك ويهديهم ويصلحهم