كيفكم ان شاء الله مناح
جبت لكم موضوع بالمره مغبر من ايام المظاهرات الغبيه بالرياض من صورت الرحله وانا احمل بالصور ماتضبط معي يارب اليوم مااتحطم
رحلتنا طبعا كانت لشقراء فقط زياره وسياحه >>>> باريس وانا مدري سياحه اجل
بسم الله نبدا وعن الهذره الزايده
ماشين في امان الله وحفظه بس فجأه شهقت مامتنا بغى يطق فيها عرق يوم انها شافت لوحه مخرج فادق<<ثادق
رحمناها ولفينا مع المخرج
نصينا مزرعة اخوالها طبعا ماكان فيها احد غير العمال
وهذولا استقبلونا ماقصروا لاخلا ولا عدم
هنا بغت تطيح المرجوجه قعدت البيت بس تليناها مع شوشتها
بعد صلاة المغرب طلعنا من ثادق مارين بمشاش مدري وش اسمها مجبورين علشان نطلع لطريقنا بس اخونا المصون كسر بيارتهم ...تكرمون .... بالسياره وانحشنا يوم انهم لحقونا عيالهم :angry2:
الحمدلله وصنا شقراء استقبلتنا الحبيبه وتقهوينا عقبها جابت كبستها الجميله تسلم ايديها
من بكره جهزنا عزبتنا منطلقين للبر
هذولا جيرانا بالبر
طبعا طول ماحنا بالطريق الجو مطر بس خفيف
مامدانا ننزل من السياه الا كل وحده تتمايل من قوة الهواء والمطر بس ظلينا مقاومين لما تقهوينا نص البياله شاهي ونصها مطر طعم خيال
هذي صورة الغيمه فوقنا بعدها رجعنا البيت البرد زاد والمطر قوى مره
جهزنا عشانا وشوينا بالحوش وتعشينا
عباره عن دجاج مشوي ومقلقل وفيليه سمك وحتت مقبلات الله يديمها علينا من نعمه
بكره بعد صلاه العصر مشينا منطلقين للرياض الحبيبه بهذي الاجواء طول الطريق
بهالاجواء جانا برد يجنن
الحمدلله ع السلامه وصلنا للرياض ونشوف الدوريات كلياتها بطريق الملك فهد وننطلق لشارع العليا العام عاوزين نشوف وش سوو خرفان سعد الفقيه
بس المفاجأه ياربي لك الحمد
موجودين بكل خطوه الله يديم علينا نعمة الامان بديرتنا
وانتهت رحلتنا الجميله اوي اوي