عشاء يرفع الراس وباقل وقت ممكن

اذا وصلك الخبرالساعة 1الظهر اتصل عليك زوجك وقالك يابنت الحلال عندنا 12 نفر عالعشا اليوم ومافي شي بيجي من برا
وش بتسوييييييين؟؟؟
شوفي الصور وبعدين اعلمك









1. الرز طبعا تبين رز يبيض الوجه وبنفس الوقت مستعجل جداً


خذي دجاجتين من الفريزر اغسليهم عاد وانتي براحتك تبينهم بكبرهم في الصحن والا مقطعين وارميهم في قدر مع هيل وقرنفل وخليهم يطبخوا الى ما يستوون خلاص
وتروحوا شايلة الدجاج حاطته بصينية وداهنته بزيت ومدخلته الفرن يتحمر
وارمي 6 كاسات رز على مرقة الدجاج وخليها تطبخ عاااااااادي كنها رز ابيض طبيعي مافيه اي شي
واذا استوى الرز ولعي جمرة عالنار وخليها الى ما تشعلل وغطسيها قدر زيت صغير ودخليها بسرعة في قدر الرز الكبير وخلي الرز يكتسب نكهة الجمر والكل طبعاً بيحسبه مندي متعوب عليه
وفي السفرة رشي عليه حلقات بيض مسلوق وبصل وزبيب يعني اعطيه برستيج ترا الرجال مايطالعون الا الرز اول شي



--------------------------------------------------------------------------------
2.
السلطات


-سلطة لبن بالخيار: ابشري خيارتين واخلطي معهم علبة لبن زبادي وشوية ماء وثوم وملح وفلفل اسود وليمون مع رشة نعناع ناشف
-طرشي جاهز من السوق او امبه هندي او يكون عندك مخللات انتي مسويتها من زمان
-سلطة خضراء عااااااادي ما راح تاخذ معك وقت


--------------------------------------------------------------------------------


3.الفطاير


جيبي لك لحمة مفرومة او دجاج مفروم وحمسيه عالنار مع بصل وثوم واخر شي حطي عليه شوي اندوفود (كاتشاب اندونيسي) بيعطيه نكهة خراااااااافية
وافردي البف باستري واحشيها بهاللحمة بأي طريقة تبين
ولا تنسي تدهني الوجه بالبيض وتدخليها الفرن ما تجي ثلث ساعة او نص بالكثير الا وهي مستوية


--------------------------------------------------------------------------------




4. البيتزا



العجينة عبارة عن:
3 كاسات دقيق
3 ملاعق حليب بودرة
ملعقة خميرة فورية
نصف ملعقة سكر
ربع كاسة زيت
1 بيضة
واعجنيهم بالموية الدافية لحد ماتوصلي الى الملمس المطلوب وغطيها بكيس ودخليها على فرن دافي 10 دقايق تخمر او اتركيها برا لمدة نص ساعة
افردي العجينة بصينية وانثري فوقها كل شي عندك بالمطبخ
مرتديلا-زيتون-مشروم-فلفل رومي-سلامي-ببروني-ذرة
وحطي عليها شوية كاتشباب مع صلصة طماطم محلول بموية وبهارات بس تكون الصلصة شوي ثقيلة مو خفيفة
واذا تبغي تتفنني اقطعيها من الناص وسويها كأنها اقطاع دائرية مثل اللي بالصورة
ايه صح نسيت الجبن الموزاريلا ويستحسن ترشي بالمناطق المكشوفة شوي جبن بارميزان لونها يطلع حلو مع حرارة الفرن
ودخليها الفرن بالكثير ما راح تاخذ ساعة الا ربع وهي مستوية


--------------------------------------------------------------------------------

5.خبز بالثوم


جيبي صامولي واقطعيه شرايح بالورب
وادهنيه جبن كاسات مع بقدونس وثوم وبهارات وزيت زيتون
ودخليه الفرن 5 دقايق بسسسسس تحمير وانتهينا

--------------------------------------------------------------------------------


6.صينية صدور او اجنحة الدجاج بالفول السوداني



اسلقي الدجاج وبعدين رصيه بصينية وصبي فوقه زبدة الفول السوداني الناعمة اللي تكوني من اول خالطتها بشوية موية وصلصة صويا ودخليه الفرن يتسبك شوي


--------------------------------------------------------------------------------

7.كفتة بالطحينة



كوّري لحمة مفرومة مع بصل وثوم وبقدونس الى كوّر معقول حجمها واقليها بالزيت وبعدين اخلطي
طحينة مع خل وثوم
واضيفي فوقها علبة لبن زبادي وملح وفلفل اسود
وصبيها في صحن فوق الكفتة وزينيه بالصنوبر المقلي


--------------------------------------------------------------------------------




8.سمك وروبيان مشوي



جيبي السمكة ونظفيها بالدقيق والموية زين واغسلي الجمبري زين وشيلي الخط الرمادي اللي بظهره
وجيبي كيس زبالة اسود كبير وحطي فيه
علبة صلصة
ملعقتين عسل
خل
زيت زيتون
ورق غار
اي بهار يخطر على بالك <-------شوفوا التقنية بس كيف
فلفل بابريكا
بصل مفروم
طماطم مفروم
كزبرة مفرومة
كاري
وغطسي الروبيان والسمك في الكيس لمدة ثلث ساعة وبعدين طلعيه من الكيس حطي السمك بصينية وقطعي فوقه حلقات بصل وبطاطس وكوسا وجزر وحطي بفم السمكة بطاطسة كاملة بقشرها لزوم الزينة بس...دخليه الفرن لمدة بالكثير نص ساعة ويطلع عندك احلى سمك ولا عمو حمزة

اما الروبيان حطيه بأسياخ واشويه اما بالفرن او على شواية الكهربا ماياخذ ولا 10 دقايق


--------------------------------------------------------------------------------

9. ايه صح نسيت الشوربة



يمدحون الشعيرية
اسلقي لحمة او حتى لو موية بماجي مع بصل وصلصة وارمي عليها شعيرية وخضار مجمدة ويصير ولا اقدعها شوربة
--------------------------------------------------------------------------------



10. الحلا اللي يقهرك انه يعزم لك ضيوف فجأة ويبون حلى بعد


جيبي توست وقطعي اطرافه ورصيه بصينية وسوي خلطة نشا وموية وموية ورد وقشطة فوقه وغرقيه شيرة وفستق مبشور وهذا عندك عيش سرايا مبتكر

وجيبي كيك سويس رول امريكانا رصيه في صينية وبعدين خذي كم حبة مارس سيحيها مع اصبع زبدة وصبيه فوق السويس رول وهذا احلى حلى طلع عندك


وصحة وعافية


صح في عصيرات

والا خلاص بيبسي وسفن اب يكفي


--------------------------------------------------------------------------------



نجي لما هو اهم من هذا كله
اللي هو





مالك الا انك تغسل كل طبق بوقته وقت تجهيز العشا
كل ما فضيتي من شغلة في يدك اغسليها على طول
ومواعين العزيمة ابدأي شيلي حبة حبة واغسليها
يعني على دفعات مو مرة وحدة ترا ممكن لا قدر الله تروحي فيها

وبعدين طبعاً ابوكم بيدفع ثمن العزيمة غالي من تأوهك اخر الليل او انه ممكن توصل لاقدر الله لماهو ادهى وامر
بس بعيد الشر عنكم جميعاً

وصحة وعافية

منقووووووووول