امجآد

امجآد @amgad_37

عضوة فعالة

إبتعدت عن زوجي وتحسفت 😁!

الأسرة والمجتمع

اسعد الله اوقاتكم ي حريم .. بحاول اوصف لكم سالفتي باختصار
انا زوجي مغترب في بريطانيا و لنا ثمان شهور متزوجين وانا الآن حامل بالشهر الخامس .. المهم زوجي شمالي شرقي مرا مرا عنيد وحريص عالترتيب والنظافه بالبيت < وهذا من حقه بس حيل يتعبني وانا كنت وحام ، وراعي عزايم ويبي طبخ ونفخ طول الوقت
المهم اني نشبت في حلقه عشان انزل عند اهلي ارتاح لين الولاده و كان رافض ويصبرني دايم بس قدر الله ان صارت بيننا مشكله وانا لساني طويل وزعل مني ونزلنا السعوديه .. واحنا في المطار تفاهمنا واتفقنا اني اخذ هالفتره نقاهه لين ارتاح وهو بعد ياخذ وقته بعيد عني
( يعني صار اللي كنت ابيه )


طبعاً تراضينا وصرنا زي العسل وهالكلام قبل شهر ، ونتراسل كل ليله ويكلمني وكل شيء تمام
بس احسه حيل اخذ راحته مع اصحابه وبدأ ينساني مايراسلني لازم انا ابدأ واحس لا مبالاه منه يعني ارسلت او ما ارسلت مافرقت معاه ، و صرنا نتمشكل بالمكالمات
حاجه تقرف ..


ويوم جيت عند اهلي رجع طبعي القديم مع خواتي ومشاكلي معهم ويقولون لي مستحيل تتركين اطباعك الشينه وعصبيتك < مرا ندمت اني تركت بيتي والمده مرا طويله يبي لي وقت لين اولد بإذن الله. ، راح يزهقون من


ايش اسوي ارجع اطلبه يحجزلي؟ مع انها صعبه
والا اصبر وانا حاسه اني بديت اخسره واخسر خواتي بسبب اعصابي اللي ما اقدر اضبطها؟ وحتى لو رجعت معاه متأكده راح ترجع مشاكلنا القديمه لأنه عنيد وانا نفس الشيء


ابي اطور شخصيتي ابي اكون حليمه واتحمل بس مو قادره قسم بالله مو قادره !


عارفه كلامي مو حيل مرتب بس اللي تقدر تحكي كلمه زينه ياليت تقولها وبدعيلكم ❤❤
23
9K

يلزم عليك تسجيل الدخول أولًا لكتابة تعليق.

تسجيل دخول

=SOSO=KSA
=SOSO=KSA
هلا يالغاليه ..بالنسبه لي أشوف يحجز لك وترجعين
المده مره طووويله ..معليش شوية تنازل إيش المشكله
لو طلبتي منه يحجز لك وإنك إشتقتي له ومن ذا الكلام


بالنسبه لشخصيتك لازم واحد منكم يخف شوي عن
عناده والغالب الزوجه هي إللي تخفف من عنادها عشان
تمشي الحياه ..فأحسن تتفاهمين معه وتتفقون سوى إن
كل واحد يحاول يتنازل عن رأيه وعناده مره بكذا
بتتعودون ع بعض ..


أطلبيه يحجز لك أخاف من كثر البعد والمده ماعاد يفرق
معه بعدك وتوك حديثة زواج يعني مو مشكله الترتيب
والنظام شوية صبر وهو رح يتعود عليك وإنت بتتعودي
عليه ..
والله يتمم لك حملك ع خير ويصلح مابينكم
لينا الجميلة
لينا الجميلة
دام انتو اتفقتو على ان تجلسي عند اهلك لحد ماتولدي خلاص لاتطلبي ترجعي الان موحلوة في حقك . والحمدلله انتو تفاهمتو وتراضستو مابينكم خلاف
يمكن لو رجعتي الان مع الحمل وشغل البيت وطلبات الزوج راح تتعب نفسيتك اكثر ويزيد الخلاف , ريحي عند اهلك وحاولي تضبطي اعصابك وعليك بالدعاااااااااااء وكثرة قراءة
القرآن وكثرة الذكر والاستغفااااار وبأذن الله راح تحسي بالاطمئنان والسكينة وراح ترتاحي نفسيا انا كنت زيك كذا عصبية وما اطيق كلمة من احد بس الحمدلله الان افظل بكثير تقربي من ربك وراح ترتاحي
الله يوفقك ويسهل لك ولادتك ويرزقك طفل سليم معافى
kyvy
kyvy
ارجعي بيتك قبل ماتندمين اكثر
اطلبيه يحجز وصلحي اخطائك
والمده اللي قضيتيها عند اهلك
علمتك اخطاك
وانتي عارفه زوووجك عنيد
خلاص تعلمي كيف تتعاملي معه
صعبه تجلسي عند اهلك الى ان تولدي
روحي عنده وراح يحس فيك ويحن عليك
ويحس بمسولية البيبي اكثر
البعد يولد الجفا
ان قال ليش غيرتي رايك قولي اشتقت لك حيل
منوش أم شعر منكوش
  • الله يفرج همك.
دلوعة زيزو
دلوعة زيزو
احسلك ارررررررجعي
لسى توووووكم ماكملتم سنه طبيعي في عناد واختلاف وجهات
اول سنه زواج تكون كذا متوترة
لأنك لسى متعودي عليه وهو كمان ماتعود عليكي
مع الايام تبدون تتأقلمو
خلاص يصير يعرف طبعك وانتي كمان


ارجعي قوليلوووو مشتاقتلك ماقدر اصبر
وجيبيلك شغاله فترة الحمل تساعدكي


وماني شايفه بالموضوع شي يستاهل الزعل
تحملووو بعض ياقلبي