كيفكم يابنات والله لكم وحشه العيد جاي وقلنا بننبسط بس اهل زوجي مايخلون الواحد يتهني بعيشته انا وزوجي طفشنا من طلباتهم المستمره وياريتها بمكانها
زوجي وضعه اقل من عادي ورانا ايجار ورمضان وسيارته يبي لها 3000 تصليح وهم ماغير ادفع ونبي وماتجي طلباتهم الا بوقت حساس
أبو زوجي من قبل 4 شهور طالب زوجي 5000 لولده الي من زوجته الثانيه يقول بياخذ سياره ونقصت الفلوس والولد راتبه 8000 ريال وقال له اذا نزل راتبه بيدفع لك ال5000 ولا جابهم وزوجي مايكلمهم أساسا مايحبوة لانه من ام ثانيه والي طلبهم ابوة وهو مايقدر يرد ابوة وراحت عليه الفلوس والحين طالع بطلعه جديده ابي 3000 ريال عشان العيديات بعطي العيال والبنات طيب الي يبي يعطي عيديات من جيبه مو من جيب غيره وبعدين 3000 ريال كثييره وزوجي متضايق مره يقول انا لو عطيته مابقدر اصلح السياره ولا حتي بنتهني بالعيد كنا بنروح 5 أيام المدينه وتكنسلت الروحه وامه داقه عليه وزيدتها تبي تروح الامارات مع بنتها وتبي 2000 ريال حق تتقضي من هناك وهي تستلم من الضمان ومن عيالها وزوجي مايقصر طيب يقولون رمضان وعيد والواحد محتاج القرش مافي أي تقدير ويدرون زوجي سيارته خربانه ويبي لها مبلغ للتصليح ومتاجر سياره باليوم 80 ريال وصار لها عنده أسبوعين كل هالمصاريف ولا احد يحس والله لو عنده وامورنا تمام التمام مايغلي عليهم شي لو ياخذو الفلوس يحرقوها طز بس ضروفنا ماتسمح حاليا اننا نقعد نوزع بس لا حياه لمن تنادي
انا مو زعلانه علي روحتي المدينه ولا علي الفلوس بس زوجي محزني والله يقطع قلبي وادري انه محتاج وانا قادره ابيع ذهبي بس ماببيعه خليه يحس شوي انه المصاريف الي يطلبونها مش ضروريه ابد بس هو مايقدر يردهم وانا مستحيل ابيع ذهبي وهو يقدر يعتذر منهم بأسلوب حلو تعبنا من الاستغلال الي يستغلوة لزوجي حتي هو متاذي بس مايقدر يردهم بس انا تعبت والي حاز بخاطري ليه مايطلبون من باقي عيالهم وش معني زوجي
اشوف سلفتي تقول لي زوجك طيب وقالتها بلسانها واهبل تري امه عندها بس انتو ماتردونها بنك مفتوح فمابتقول لا لدرجه مره كانت ماخذه من زوجي 1500 الا سلفتي تقول لي اشترت ذهب لبنتي الصغيره بهالفلوس وانا انحرقت الف يعني انا ساكته وأقول ماعليش يبر امه وابوة واخرتها فلوسه تروح علي فشخره وذهب وهدايا وووش اسوي انا صح او لا دايم اسكت نفسي وأقول فلوسه وهو حر فيها ويسوي الي يبيي بس لما اعرف تروح علي خرابيط وبيتي ناقصه كماليات افقع اموت انقهر
عطووووني حل اكيد كثير نفس مشكلتي ساعدوني تكفون قبل لا انفجر من القهر
fatoomah123 @fatoomah123
كبيرة محررات
يلزم عليك تسجيل الدخول أولًا لكتابة تعليق.
توق55
•
الله يعينكم ويصلح حالكم يارب
عقل
•
هونيها وتهون وما يضيع شي عند الله
اللي تزرعونه اليوم تحصدونه بكره
يمكن الله يفتح لكم ابواب الرزق بسبب هالاعمال وبر الوالدين
اللي تزرعونه اليوم تحصدونه بكره
يمكن الله يفتح لكم ابواب الرزق بسبب هالاعمال وبر الوالدين
خليه هو يطلب من أمه وابوه عشان يبطلوا هو بقلهم يا أبوي لو سمحت ديني الف وأمه بعد يا ما دينيني خمسمئة لما اخر الشهر كذا اعتقد بتوصل الرسال
الصفحة الأخيرة