أمنية عمري
أمنية عمري
مرااااااااااااااااحب يا أمنية . . . شوفي عزيزتي . . بداية بقولك ان الخضار المجمدة مو حلوة ولذيذة زي الطازجة وإذا أول مرة تسوين الرز لا تخاطرين وتدخلين خضار ولا شي ثاني سويها كبسة عاديه ولما تضبط معاك مرة بعد مرة ابدي تفنني وسوي رز بخضار وسوي برياني و و و . . . وأنصحك بإستخدام نوعية زينه من الرز ترى صار الرز انواع كثيرة وشي منه مغشوش بعطيك احسن نوع استخدمته ولا عاد ابي غيره (( بنجابي المهيدب )) بسمتي أبيض خطيييييييييييييييييييييييير لذيذ وخفيف ويستوي علطول ولا يبي موية كثير ينقع نص ساعة بس والله طعمه اوكي صلحيه كبسة زي ماقلت لك . . * كشني بصلة مقطعتها صغار على زيت بسيط * حطي عودين قرفة مع حبة ليمون اسود * بعد مايذوب البصل حطي نص دجاجة خليها تطبخ نص ساعة تقريبا ثم طلعيها وكبي الرز بمقدار 2 كاس منقوع نص ساعة زي ماقلت خلي كمية الموية تغطي الرز لا أكثر ولما يشرب شوفي انتي اذا الحبة شوي يابسة مو متشربة حطي ماء ولا تغفلين ابد عنه لأنه بسرعة يتشرب ويستوي وآخر شي حمري الدجاجة بالفرن وقدميه . . . ممكن تحطين عليه كشنه أو حمسة بصل وزبيب تعطي الرز مذاق حيل حيل طيب وبالعاااااااااااااااااااااااااافية على قلوبكم . . الخضار اسلقيها واخلطيها مع الرز بس عادي يصير طعمها احلى شي الخضار المقلية هي اللي طعمها اووووووووكي . . ودمتي سالمة غانمة
مرااااااااااااااااحب يا أمنية . . . شوفي عزيزتي . . بداية بقولك ان الخضار المجمدة مو حلوة...
ألف شكــر لك أختي منى على النصائح الحلوة ..


وأكيد الطازج مافيه أحلى منه .. بس هو جاب خضار مجمدة الله يهديه ماعمري استعملتها ..

ووهقني فيها .. عشان كذا قلت ودي اسوي فيها رز بالخضار ..


ومشكوووووووورة على شرحك للطريقة بالتفصيل ..

الله يوفقك ويسعدك ويحقق لك مناك ..
نجدية شرقية
نجدية شرقية
بس لا تنسين تصورين طبخك
وتورينى عمايل ايدك
بالتوفيق