هذي الطريقة جربتها بالصدفة .. وريحتني كثيييييييييييييييير ... يمكن حد منكم يعرفها أو جربها .. ما أدري .. بس أنا اكتشفتها عن طريق الصدفة ..
أكيد تعرفون مطارة الماي .. نحن نسميها مطارة في الإمارات .. ما أدري انتوا شو تسمونها .. المهم ..
هذا شكلها ..
وفي منها النوع اللي يستخن في المايكروويف .. والنوع اللي ينحط فيه مويه ساخنه ..
عادة نحن نستخدمها على البطن والظهر وقت الدورة .. وهي فعلا مريحة ..
بس أنا مرة بالصدفة حطيتها على الأرض .. وحطيت أقدامي عليها ..
والغريب الغريب الغريب .. إن ألم الدورة بهالطريقة يخف .. وتحسين براحة عجيبة ..
يمكن لأنه مثل ما هو معروف للكل .. القدم فيها نهايات الأعصاب .. وهي مسئولة عن تخفيف الألم في أعضاء الجسم ..
المهم ..
أول ما تحسين بآلام الدورة .. سخني الماء وحطيه بالمطارة و حطي أقدامك عليها لمدة ما تقل عن ربع ساعة حتى يبدا الألم يخف شوي شوي ..
وكل ما يبرد الماء .. فضيها وعبيها ماء ساخن مرة ثانية وحطي أقدامك عليها ..
وممكن تستخدميها بالتناوب حتى يكون الأثر أكبر .. يعني شوي على البطن وشوي على الظهر وشوي تحت الأقدام ..
وإن شاء الله ترتاحون من الحبوب والمسكنات اللي مالها داعي ... :cool:
و بالصدفة بعد :a_smil17: وأنا أدور على الانترنت .. لقيت شي أسهل من المطارة .. وهو جوارب أظن إنها تتسخن بالمايكروييف وتستخدم .. بس ما جربتها .. ويمكن تلقونها في الصيدليات .. إن شاء الله إذا لقيتها وجربتها أخبركم ..
واللي منكم تجرب طريقة المطارة تحت الأقدام لتخفيف ألم الدورة .. وتنفع معاها الطريقة تدعيلي أول شي :laugh2:.. وبعدين تسجل تجربتها هنا ...
وتقبلوا تحياتي ...
مشكورة يعطيك العافيه