منو عندها فكرة عن زراعة الشعر الطبيعي...رجاء تساعدني...

لولوة الحلوة .. مساج الله بالخير .... شلونج ؟

الله ياجرج علي مصيبتج .. تمسكي وثقي بالله .. وان شاء الله يتبدل حال شعرج من حال الي حال احسن وكثيف وروعة .. ان شاء الله ويرزقنا واياج

شوفي .. اول شي .. صلي لله تعالي المعبود ركعتين ادعي الله يوقف تساقط شعرج وينبت ويكثف ويطول
ثانيا شوفي .. عن تجربه وبعد معاناه من السنه اللي فاتت من قبل رمضان بشجم شهر بعد . تساقط شعري ولي قبل شهر اعاني من الصلع .. الي ان توصلت الي شبه حل .. خفف تساقط شعري وهو

1. كليت مدة 3 اشهر حبوب فيتامينات - وتكون بس مره بالسنه يعني كل سنه اكلي 3 اشهر فيتامينات متكاملة فيها الزنك والحديد
2. استخدمي شامبو ضد القشرة .. استخدمت شامبو سكين كاب اول اسبوع ثلاث مرات وبكل اسبوع مرتين .. وتستخدمينه عقب الشامبو الاساسي لشعرج - يعني مره الشامبو اللي تسخدمينه ومره ثانية شامبو سكين كاب سعره خمس دنانير الا جم فلس

3. استخدمي امبولات اكرينال وخذيتهم من المنتدي ولاحظت خف التساقط بس مو شكل نهائي -مع التدليك 10 دقايق - مع استخدام الشامبو اكرينال لتساقط الشعر

4. اللي ساعدني اكثر وبديت فيه عدل هو ...... سورسير .. هير قروير .. hair grower
استخدميه مرتين باليوم بس خلي الوقت مضبوط يعني كل 12 ساعه .. بالنسبة لي استخدمه مره الساعة سبع الصبح لما بروح الدوام والمره الثانية الساعه ثمان الليل .. وما ادلك حيل .. مجرد توزيع للدواء علي الشعر لمدة دقيقه

سورسير فعلا وقف تساقط شعري واستخدمته من يوم الجمعه تاريخ 15/08/2003 وفعلا وباماانه واخلاص وقف تساقط شعري بشكل ملحوظ .. ونبت لي شعر صغار

جربي اللي قلتلج عليه وان شاء الله ينبت الشعر مره ثانية

وقصي اطراف شعرج وسوي لج برنامج لشعرج

علي فكره حاولي تسوين لج خلطة لشعرج كل اسبوع مره او مرتين .. تتكون من عسل سدر او حنه .. بيضة .. روب . زيوت او نوع من الزيوت

وتمنياتي لج بالشفاء العاجل


وصدقيني هذا اللي عرفته واستنتجته من خلال معاناتي من تساقط الشعر لمدة لا تقل عن سنتين
اساسا انا مثلج قالي الدكتور لي نهاية السنه بصلع 100% واني علي ابواب الزواج .. ومتفشله مادري شلون بفل شعري لانه يبي له وقت علشان يطول الشعر اللي نبت ويوصل لمستوي الشعر الباجي ......... لكني ما فقدت الامل واحاول منيه ومنيه .. ولا تقطعين الرجاء بالله



شافاكي الله عاجلا

دعواتج لنا وادعلي الله ينولني اللي في بالي ويوفقجني ويرضا عن الله .. امين امين امين


السلام عليكم

مشكوووووووووووورة يا الغالية على ردك....

ماقصرتي.....كفيتي ووفيتي....

الصراحة كلامك كله عدل....بس يبيله طولة بال .........وانا صبري نفذ........

وانا بعد بسن زواج........يعني اذا ما لحقت على عمري راح يخلص شعري....

احاول اطبق كلامك.....ان شاء الله يفيدني ويغنيني عن عملية زرع الشعر....لأن بخاطري يكون شعري طويل وكثيف...بس يبيله سنيييييييييين على مايصير طويل








مرة ثانية الف شكر لك.....
الله يوفقك وينولك اللي ببالك يارب....

السلام عليكم ورحمة الله وبركاته .................
أختي لولوالحلوه أسعد الله مساك :26: أختي سوي العمليه وتوكلي على الله لانى والله ياختي شعري خفيف جدا جدا
والله مابقى زيت أوخلطه ماسويتها مابقى دكتور مارحتله مافى فايده ياالله سويها وانا إنشاء الله وراك انا لانى ابي حل لمشكلت هاشعر ...........
بس ابي منك عنوان هذا المركز ..وهل احد جربها ونجحت ......والله يعافيك ويعافي جميع المسلمن الى مثل حالتنا
اممممممممممممممممممممممممممممين :24: :24:

انا سمعت انه زرع الشعر حرام
ليش ماتستخدمين الزيوت المكثفه جربي زيت الخروع
والله انه زين وينفع لحالاات الصلع
وسقوط الشعر

مرحبا بنات....

حبيبتي برنوصة....شكرا على التشجيع....
المركز موجود بدولة ...مو دول الخليج.....يعني هناك اسعارهم ارخص...واطباءهم شاطرين...
اذا تبين ادزلك على الخاص...



حبيبتي بريق النجمة......الزرع مو حرام....الوصل حرام....بدليل انه اكبر الدول الاسلامية تسوي هذي العملية...

الوصل مثل ما مسويته زينب العسكري....هذا حرام....
صدقيني تعبت من الخلطات....أبي ارتاح...

وشكرا على ردك....