درة الشرقية @dr_alshrky

محررة

ارضع طبيعي وابي اعود طفلي انه يشرب من الرضاعه ؟؟؟

السلام عليكم

كيفكم بنات ..

انا سبق ونزلت موضوع عن الرضاعه ومانحلت مشكلتي

انا الحمد الله ارضع طبيعي وعمر طفلي شهرين ونص واحسه ابد مايشبع
وتعود انه يمص صدري حتى لو مافي حليب ويحب ينام عليه :44:

مشكلتي اني ماعودته على الرضاعه الصناعيه ابد حتى شاي الاعشاب كنت اتهاون اعطيه
وامي دايم تهاوشني تقولي عوديه ترى بتتعبين معه وانا اقول لا مصيره بيتعود
المشكله انه طفلي مايعرف كيف يمص حلمة الرضاعه وانا بجد تعبت
واضطر اني اطلع .. ويظل جيعان الى ان ارجع حاولت معه كثييير بس يبكي ومايرضى يشرب ويكسر خاطري واعطيه صدري

انا ماعندي مشكله اني ارضعه لكن ابي اعوده انه يشرب من الرضاعه في فترة عدم تواجدي او للظروف لاتقولون جوعيه جربت جوعته خمس ساعات يرفض يشرب ويجلس يصيح الى ان يدوخ وينام وهكذا

مدري المشكله من نوع الحليب خصوصا اني استخدم حليب ابتاميل
او من الرضاعه نفسها
شريت انواع كثيره بيجون وابل و شيكو و اخر شي nuk قالوا ان حلمتها قريبه من ثدي الام و مافي فايده
واكيد كل ماكبر طفلي بتكبر المشكله معه وبيرفضها اكثر

وش الحل علمووني ؟؟

66K

يلزم عليك تسجيل الدخول أولًا لكتابة تعليق.

تسجيل دخول

دعاء الخير • 14 سنة

حبيبتي انا طفلي كان نفس الشي بس الحين عمره ما شالله 6 شهور وصار يتقبلها ويشرب ماي منها ووبعوده يشرب عصير فيها
حبيبتي في بيبي شوب شي مرضعه حلمتها قريبا جدا من حلمة الام ما ادري هي الي عندج ولا لا بس هاي زينه
وصبري حبيبتي مصيره بيتعود حتى لو بعد شهر
الله يحفظه ويبارك فيه ويجعله قرة عين لوالديه ولكل من رأه

أم البواسل 2006 • 14 سنة

من واقع تجربتي ولدي الاول رفضها بتاتا من أول شهر حاولت مافيه فايده
وولدي الثاني عطيته الرضاعه وعمره أربع شهور وشوي وشربها على طول بس أخذت شهرين أعطيه عصير رضعه ورضعه سيريلاك أخلطه مع ماء بدل الحليب سيؤيلاك بالقمح ولما كمل ست شهور عطيته حليب بيبلاك
وعادي شربها وأنتي جربي وشوفي ضمي ولدك على صدرك وطلعي الرضاعه وتكون صغيره من صدرك ورضعيه كانك ترضعيه صدرك مع الوقت بيتعود ويشربهل بس لاتيأسي يمكن بعد أسبوع يشربها جربيها بالحليب الي قريب من حليب الام أنا في نظري ببيبلاك وخبرينا بالنتائج

يالله الخيرة • 14 سنة

كلام ام البواسل صحيح والله يعينك

درة الشرقية • 14 سنة

دعاء الخير :

حبيبتي انا طفلي كان نفس الشي بس الحين عمره ما شالله 6 شهور وصار يتقبلها ويشرب ماي منها ووبعوده يشرب عصير فيها حبيبتي في بيبي شوب شي مرضعه حلمتها قريبا جدا من حلمة الام ما ادري هي الي عندج ولا لا بس هاي زينه وصبري حبيبتي مصيره بيتعود حتى لو بعد شهر الله يحفظه ويبارك فيه ويجعله قرة عين لوالديه ولكل من رأه

حبيبتي انا طفلي كان نفس الشي بس الحين عمره ما شالله 6 شهور وصار يتقبلها ويشرب ماي منها ووبعوده...

اختي ممكن تقولين لي اسمها
هي nuk ولا؟

درة الشرقية • 14 سنة

أم البواسل 2006 :

من واقع تجربتي ولدي الاول رفضها بتاتا من أول شهر حاولت مافيه فايده وولدي الثاني عطيته الرضاعه وعمره أربع شهور وشوي وشربها على طول بس أخذت شهرين أعطيه عصير رضعه ورضعه سيريلاك أخلطه مع ماء بدل الحليب سيؤيلاك بالقمح ولما كمل ست شهور عطيته حليب بيبلاك وعادي شربها وأنتي جربي وشوفي ضمي ولدك على صدرك وطلعي الرضاعه وتكون صغيره من صدرك ورضعيه كانك ترضعيه صدرك مع الوقت بيتعود ويشربهل بس لاتيأسي يمكن بعد أسبوع يشربها جربيها بالحليب الي قريب من حليب الام أنا في نظري ببيبلاك وخبرينا بالنتائج

من واقع تجربتي ولدي الاول رفضها بتاتا من أول شهر حاولت مافيه فايده وولدي الثاني عطيته الرضاعه...

شكرا ام البواسل
بحاول اجرب طريقتك ويارب تفيد