زوجي دايم يهيني وكل مره اسكت

كل مره اسكت عن اهانات زوجي لي علشان عيالي ماحب
اشوفهم متضايقين اخرتها يتهمني بشرفي
كنت ابكي علا زوج اختي اللي مات كانت فاجعه الله يرحمه
اختي منهاره من كثر البكا علا زوجها وكل خواتي
واخواني حتا الرجال بكوا عليه زوجي لما شافني
ابكي جا قال ليش تبكين عليه هلكثر قلت ابكي علا
كل شي علا زوجها الي راح وتركها وعلا عيال اختي
الي تيتموا قال ياالله بس لاشوفك تبكين قلت ليش
مابكي بدال ماتعزيني وراح نام وارسلي رساله الصبح
علا الوتساب كاتبلي فيها والله العضيم مانمت امس
وانا افكر كل دموعك هذي علا زوج اختك اكيد انك تحبيه
انا اوريك والله لاكسر راسك واربيك واعلمك اشلون تبكي
علا الغريب طبعن انا ماسكت ويوم جيت الصاله تهاوشت
معاه وحلفت مارح اعديه له وماني ماسحه الرساله
وراح استنا العزا يخلص وبوريها ابوي واخواني
ياخذولي حقي منه اليوم الثاني جا يحاول يلطف الجو
وقام يقول بعزمكم علا مطعم ورحت معاه علشان عيالي
مابي انكد عليهم الاجازه ويوم رجعنا سلم علا راسي
وقال تعوذي من الشيطان وانسي الموضوع طبعن
رجعت اتكلم معاه عادي بس من ورا قلبي بس كلمته هاذي
جرحتني والي زعلني اكثر ماتصل ولا عزا ولاهمه
صرت اخاف كل ماكلمت اختي وبكيت يشوف عيوني
ويسويلي مشكله كل مابكيت اروح بسرعه اغسل وجهي
واحط مكياج خفيف علشان لا يزعل مادري استنا العزا
يخلص واروح اشتكيه لابوي ولا اسكت تعبت من
تصرفاته وعصيبته اهله عندهم عزيمه كبيره وقالي بنروح
ماقدرت اقوله مابي اروح علشان لاتكبر المشكله والله
مالي خلق اروح في قلبي حزن مايعلم فيه الا الله
اختي اخذت حبوب منومه وبغت تروح فيها مانمت من يوم
مات زوجها وانفجعت زياده وكل ماتذكرته وتذكرت عياله
قلبي يعورني لاحول ولا قوة الا بالله