السلام عليكم ورحمة الله وبركاته
قبل شهر تنومت في المستشفى بعيد عنكم وكان معي وحده بالغرفه واسولفان وياها سوالف سطحيه المهم هي جلست بس يومين اليوم الثالث اخوها جا يطلعها بدل زوجها لانه كان عنده عمل زوجها فمرت عليه تتوادع مني فطلبت رقمي انا انجنيت مااحب اعطي رقمي الا لوحده لي زمن معاها ذي ماجلست معها الا يومين قلت ؛الرقم مو لي لزوجي قالت عادي اعطيني ادق عليك واحفظي رقمي ودقي علي لبعدين قلت ايفه والله زوجي بيزعل ومايبغى رقمه يتوزع قالت بالله والله نفسي اتواصل معاك طيب دقيقه وراحت اخذت قلم من اخوها وجت كتبتلي رقمها على علبة المناديل وقالت بالله دقي علي والله اني ارتحتلك وحبيتك قلت خير ****لله والله رميت الرقم ومادقيت اش يدريني عنها هي ماتعرفنا الا من يومين وسوالف عاديه نسيتها بعدين مره رحت مشغل واسولف مع وحده في المشغل ومااكذب عليكم طلبتني رقمي حتى ذي ونفس عذري الاول انا ماقلت لزوجي عن المواقف هذي قبل مده يوم ولدة والله حرمه طلبتني رقمي عشان تقول تدور لولدها عروس وتبغى تكلمني اذا اعرف بنات او عندي اخوات وماعطيتها واخاف واستحي اذا تعذرت لاني احسبه عادي توزيع رقم الجوال من كثر الحالات الي مرت علي كل وحده توزع رقمها لاي كان بدون ماتخاف يجيها ازعاجات عليه وماتدري عن الانسانه الي اعطتها اش وضعها انا نزلت هذا الموضوع ابغى اسال
عادي تعطين رقمك اي وحده ارتحتي بس معاها في السوالف ومدة تعرفك عليها بس دقايق ؟؟
وهل ممكن تصير علاقتكم قويه من بس لقاء سواء في مستشفى او سوق او حديقه عامه وممكن انكم تتزاورين معاها ؟؟
انا ماعيبت على الموضوع بس عني ماقدر اوزع رقمي لاي وحده تعرفت عليها لدقايق واتمنى اسمع ارائكم في الموضوع هذا وتحياتي للجميع
صافي القلب عليك @safy_alklb_aalyk
محررة ذهبية
يلزم عليك تسجيل الدخول أولًا لكتابة تعليق.
صافي القلب عليك
•
سبحان الله وبحمده عدد خلقه ورضا نفسه ومداد كلماته
%براءه%
•
لالا مستحيل اكون علاقات واعطي رقم جوالي لمجرد وحده ارتحت معها فترة دقايق
لازم اكون عارفتها شخصيا من هي انتبهي تكوني علاقات صداقه لمجرد انك ارتحتي معها!!!
لازم اكون عارفتها شخصيا من هي انتبهي تكوني علاقات صداقه لمجرد انك ارتحتي معها!!!
لا طبعا مااعطيهارقمي مستحيل بس صديقتي تقول تعرفت على وحده بالمستشفى واخذت رقمها وطلعوا للمنتزه مع بعض
الله يعطيكم العافيه جميع لن نفس الحكايه لوحد قريبتي سالتها تقول عادي اذا وحده ارتحتلها اعطيها رقمي ونكلم بعض اشكركم على المرور
الصفحة الأخيرة