بارِعهـ
بارِعهـ
توكلي على الله يااختي وإن شاء الله مع المحاولة بتنجحين .. والبنات ماقصروا عطوك طرق كثيرة
اللي أبي أضيفه عليهم إذا طلعتي الدجاجة تحمرينها قبل تحطين الرز بمويتها حطي ملعقة صغيرة كمون مطحون وشوي فلفل أسود وملعقة صغيرة بصل ناشف مطحون وربع فنجال سكر وزيدي الملح على حسب رغبتكم وذوقي طعمه إذا وصل للملوحة اللي تحبون حطي الرز ..
وألف صحة وعافية
حواء سمراء
حواء سمراء
ذكرتيني بنفسي والله ثم والله
كان طعم طبخي ماصخ مافيه طعم ولا ريحه ولا حتي شكل حتي زوجي قالي انا اكل لعشان اسد جوعي
وقعده الحق على عمري ورحت ادخل اقسام طبخ واتعلم والحمد الله تعلمت اشياء ماكنت اعرفها
روحي للاقسام طبخ واختاري لك طبخه سهله على قدك ولا تستسلمي حولي ثم حاولي
ضوء الدنيا
ضوء الدنيا
جربي الكبسه هدي رائعه.....

قطعي بصل وحمريه ع خفيف ثم حطي الدجاج و3 حبات طماطم وملعقه صلصه وقلبيهم وبعدها حطي الماء حطي بهارات انتي طاحنتها لا تاخدي مطحون جاهز ابد فلفل اسود كمون كزبره حب كلها تكون حب وانتي اطحنيها انتبهي لها الشي وخليها تطبخ ولا تنسي الملح
الرز انقعيه قبل انا افضل رز الوليمه انقعيه اول ماتحطي الدجاجه طبعا لما تنضج الدجاجه خرجيها واشويها بالفرن قبل لاتحطيها امسحيها بزيت ورشه ملح او صلصه وصفار الزعفران او ترشي عليها بهارات الي تحبي
الرز تحطيه ع المرق طبعآ المرق بيكون الكميه الباقيه هي الي بتكفي لطبخ الرز يعني لاتكثري مويه من البدايه عشان لا تضطري تكبي من المرق تكون مركزه افضل لما تحطي الرز حطي معاه فلفل رومي نص حبه وابشري حبتين ثوم ورشه صغيره فلفل اسود واضبطي ملحه ادا ناقص زوديه هالاشياء بتعطي رزك نكهه وريحه رووووووعه المرق يكون فوق الرز 2 سم فقط اضغطيه 8 او 10 دقايق وبتكون عندك احلى كبسه
جربيها وبتعجبك وبتعجب زوجك كثييير
اما طبخ اللحم اطبخيه عادي مع ماء وبصل عود قرفه كم حبه هيل وانقعي الرز لما تنضج اللحمه تاخدي المرق وحاولي تصفيه من الدهن وتحطي الرز عليها وتبشري بصل صغيير و2 ثوم وفلفل رومي مقطع ورشه فلفل اسود وبس اللحم بتحمريه بالفرن امسحيه بصفار الزتعفران وملح وبهار وبس

افتحي المنتدى جربي والله البنات ماقصرو الله يوفقهم ولا تنسي تجربي كبستي
بالتوفيق عزيزتي....
Katie
Katie
الدجاج اشتريه مقطع وجاهز جيبي دجاج اليوم كميه كويسه وعبيهم باكياس وعلى الفريزر
واللحم نفس الشي اللحام خليه يقطع لك تبين اضلاع ولا ستيكات ولا هبره اللي تبينه اطلبيه ويسوي لك اللي تبينه وعبيه باكياس وبالفريزر
طريقة التنظيف بالنسبه للدجاج شيلي الجلد وبعدين افركي الدجاج بملح ودقيق وبعدين غسليه وبعدها انقعيه في مويه فيها شوية خل وخليه ينقع عشر دقايق وبعدين غسليه وحطيه بصفايه عشان تنزل المويه
وتنظيف اللحم بنفس الطريقه طبعا
اما البهارات لومي ورق غار هيل قرفه فلفل اخضر حار
حطي من كل نوع حبه خصوصا انكم شخصين بس يعني مايحتاج تكثرين
اما طريقة الكبسه منتي مضطره تتقيدين بطريقه معينه
مثلا احمسي بصل مقطع جوانج وفص ثوم مفروم وبعدين حطي هيل مطحون رشه وكركم وكاري وكل البهارات اللي عندك حطيه منه رشه وبعدين حطي الدجاج وقلبيه لحد ماياخذ النكهه وبعدين حطي الرز فوقه والمويه والملح وحركيه شوي عشان يتجانس وخلاص خليه يطبخ
صراحه الرز فيه له مليون طريقه وطريقه
مره سوي رز بالجزر والبازيلا والدجاج
ومره رز بلحم وصلصه حمرا
واذا تبين نصيحتي جيبي رايس كوكر مررررره مريح ويضبط لك الرز انا احط الرز المنقوع ومعاه الحمسه بصل وبهارات ودجاج واحيانا احط خضار وبعدين اصب المويه واسكر عليه كلها ربع ساعه ويطلع الرز مفلفل ونكته تجنن
واحسن نوع رز هو باب الهند اللي كيسه بلاستيك ورز تيلدا اما الرز الاسمر ماجربت الا الشعلان والحمد لله حلو
رحيل 19
رحيل 19
ارمي مع الدجاج فلفل رومي وحطي بهارات مشكله وكمون مطحون وثوم  انتي يمكن تقللين البهارات والفلفل 
خلي مقدارك للبهارات والكمون 1 ملعقه حلا وربعها فلفل ونصها كسبره مطحونه 
طريقتي 
1_بصل مقطع اكشنه مع 3 ملاعق زيت 
2_وبعدين احط الدجاج والفلفل الرومي والثوم 
3_احط الملح والبهارات المشكله والقرفه و القرنفل والهيل والكمون المطحون والكسبره المطحونه 
4_اقلبها زين لحد ماينشف مويا الدجاج واحط الطماطم المطحون وملعقه صلصه طماطم العلالي واغطي القدر واخلي الى مايتسبك الطماطم يصير مثل صلصه البيتزا تقريبا 
5_ اصب مويا حارة الى مايغطي الدجاج واضغطها بالقدر ثلث ساعه وبعدين اضيف الرز