السلام عليكم ورحمة الله وبركاته
كيفكم يا بنات
انا ابتكلم لكم عن تجربتي وكيف حولت حياتي من قمة الحوسه الى الترتيب وبالتالي الراحه النفسيه .
اول شي اعطيكم نبذه عني وعن شخصيتي
انا متزوجه وعندي ولدين صغار واحد يدرس وواحد ما يدرس
وانا موظفه ودوامي نوعا ما طويل
عندي بيت خاص فيني متوسط الحجم لا كبير ولا صغير
وعندي شغاله وسواق
شخصيتي متسرعه وعجوله وابي كل شي تماااااااااام وما ارضى الا بالافضل
واذا ما حصل لي الافضل خلاص ما ابي شي وارفض كل شي وهذا اللي دمرني
يعني الدنيا عندي يا ابيض يا اسود
وزياده على كذا عصبيه
من بداية زواجي كانت حياتي كلها حووووووسه ووقتي كله ضايع وما انفذ اعمالي في وقتها مستحيل
وحياتي مع زوجي كلها مشاكل وبعد ما جبت العيال زادت الحوسه والمشاكل ولما نقلنا للبيت صارت الحوسه حوستين :eek:
وفي يوم وقفت مع نفسي وقفه صراحه وزي اللي جاني الهام من رب العالمين سبحان الله
جلست افكر في نفسي :
ليش انتي كذا يا ام فايز؟؟؟؟؟؟؟؟
1- اذا جيت اروح مناسبات انا آخر من يوصل دائما متاخره وعلى كذا ليتني مرتبه
بالعكس الشعر اي كلام واللبس ما تصلح الا قبل الحفله بدقيقتين ومشبك هنا ومشبك هناك ههههه
وما اكتشفت انه ما عندي شنطه تناسب الفستان الا آخر لحظه واحيانا اطلع السوق بنفس يوم الحفله ادور جزمه وانواع الحوسه
والميك اب حوسه وزيادة على كذا الوجه اسود من التاخير وهواش زوجي في السياره هههههه
-2-مصروفي يخلص اول 6 ايام من الشهر والباقي اجلس اهش الذباب ههههههه
-3- صلاتي دايما متاخره وزياده على كذا انقرها نقر الغراب والعياذ بلله وما اقرأ الا قليل
- 4- عيالي مو مرتبين وملابسهم حوسه اشتري ملابس كثيره واتنحاس ما ادري وين بنطلون هذا ووين شراريب هذا ووقت الطلعه يكرم المرء او يهان ههههههه
ما جلس معهم وقت كافي الا اذا كنت أأكلهم او ادرس الكبير وكل الوقت هواااش عليهم
-5- زوجي ما ا جلس معه واذا جلست معه طلباتي ما تخلص ما عمري جلست معه الا عندي طلبات
ما اتزين له والسبب انه ما يهتم فيني
يطلع للدوام وانا نايمه حتى الفطور ما اصلح له
-6- اذا رحت السوق احس اني ضاااااااايعه ما ادري وش ابي اروح ابشتري شي معين وارجع بمئة غرض ما احتاجه
-7- بيتي انواااااااااااااع الحوسه مع ان عندي شغاله بس ما اتابعها واراقبها
اثاثي مهمل والسبب ان البيت ما اعجبني وابي اطلع منه ابي بيت افضل
-8- دايم بيتي ناقض اغراض ومقاضي مو لقلة المصروف انما لعدم ترتيب الوقت وتعيين يوم لشراء اغراض البقاله
يعني باختصار وقتي وفلوسي ضايعين وحياتي مو مرتبه ودائما اناظر للمستقبل ما اناظر وش اللي عندي الحين وهذا مسبب لي مشاكل مع زوجي
فقررت !!!!!!!
اني لازم اغير كل شي
واول شي قررت اني اغيره هو
راسي
اي نعم راسي !! ( ان الله لا يغير ما بقوم حتى يغيروا ما بانفسهم )
لازم اغير اللي اقدر عليه من شخصيتي لازم اغير تفكيري لانه هو السبب الرئيسي للمشاكل
وجلست مع نفسي وقلت انتي الحين يا ام فايز عندك كل شي ولله الحمد والمنه بس ما تشوفينه !!
تركضين ورى الافضل لا انتي حصلتي الافضل ولا انتي استمتعتي باللي ربي عطالك
عندي بيت بس مهملته عشان بيت في المستقبل ما ادري يحصل لي او لا
عندي اطفال بس مهملتهم بكرى بيكبرون واتحسر على عمري
عندي زوج بس مهملته الله يستر عاد من الرجال :30:
عندي شغاله بس اللي ما عندهم شغالات مرتبين اكثر مني
واهم شي اهم شي قاعده اركض ورى دنيا فانيه ونسيت الدار الحقيقه اللي فيها الخلود الحقيقي ما اركض وراها ..
يعني اول شي غيرته بنفسي هو اني اطمح بشكل معقول مع الرضى والقناعه بالموجود
التخفيف من العصبيه وان الدنيا ما تستاهل واذا في موقف حصل لي عصبني اتعوذ من الشيطان واقول في داخلي الحمد لله اللي جت على كذا ثانيا
يعني لو ولدي مثلا كسر حاجه اقاوم الفكره السلبيه على طول بفكره اسوأ منها واقول الحمد لله اللي ما انسكرت على رجله او في يده وانجرح وصارت له عاهه او شي .. هالطريقه مره فادتني كثيييير
لو زوجي تركني وطلع وما طلعني ذاك اليوم نتمشى اذا رجع اكون معصصصصصصبه :angry2:اتعوذ من الشيطان واقول الحمد لله انه بخير ورجع لنا ما صار له شي بالطريق والطلعه بدالها طلعه
واذكر الله
(( الا بذكر الله تطمئن القلوب ))
يعني ثاني شي غيرته البعد عن العصبيه
علمت نفسي اخذ وقتي وافكر واقارن واتمهل في الشراء وفي اتخاذ كل قراراتي
اول شي سويت لي ميزانيه
يعني زوجي يعطيني مصروف معين
25 % للمقاضي
25% لي ولعيالي
25% للبيت
25% للطواريء
وما اتخلى عن هالخطه مهما حصللللل
واذا ما قدرت اشتري شي الشهر هذا اشتريه الشهر الجاي
واخلي فيه اولويات لكل شهر
واذا مر الشهر بدون طواريء اطلع امشي عيالي او اعشيهم برى بنص القيمه
يعني اكافيء نفسي نهاية الشهر ههههههه
والنص الثاني اوفره
ومن بعدها بدات بكل جوانب حياتي
وللموضوع بقيه مع الصور :26: