كيف يالغوالي عساكم بخير يارب ...
عشانا قبل كم يوم كان على السريع ..
دجاج بتتبليه الوالده زودت عليها ثوم مهروس وفلفل اسود مطحون وبشر الليمون ..
التتبيله ..
بعد مانغسل الدجاج طبعا بدون جلد وانقعها بخل شوي وليمون
على ماجهز التتبيله وهي عباره عن
عصير ليمونه كامله او نص حسب الرغبه..
بشر ليمون مقدار ملعقه ..
بهارات مشكله او اي نوع يعجبك ..
ثوم مهروس ..
فلفل اسود..
ملح..
اخلطيها مع بعض ودخليها الثلاجه لمده ساعه او نص سااعه اذا مستعجله..
واقليها بزيت حار وبالعافيه ..
<< الطعم روعه انصح بتجربته
-------------
رز بعدس او مثل مايقولون اهل الحجاز معدس ..
ننقع رز وعدس مع بعض انا حطيت
كاسه عدس..
كاستين رز ..
لاني ماودي يصير العدس اكثر
امي تحط العدس والرز مقدار واحد
وبالقدر بصل مقطعه نحركها مع زيت واول مايصير لون البصل ذهبي نكون شاخلين الرز والعدس نحطه على البصل ويكون عندك ماي مغلي جاهز من الغلايه حطيت الماي وحطيت ملعقه كمون وفلفل اسود والملح وملعقه صغيره مرره كركم..
ولازم الماي يكون حد الرز يعني اعلى منه بشوي عشان مايطلع الرز مهرووس ونغطيه ..
ونخليه على مهله يطبخ على مانسوي سلطه خضرا ..
صورة للعشاء بالكامل ..ومعليش مافي ترتيب مستعجلين بسم الله عليهم كانو ميتين جووع ..:35:
-------------
واخيرا سويت كيك بخليط البيتي كروكر بنكهه الليمون بصواني السليكون شريتها من الهزازي وكنت متخوفه والحمدلله نحجت الطريقه ولله الحمد وهذي النتائج ..
وكان في صينيه على شكل راس تويتي وشكل دب بس ابو الشباب ماعطاني فرصه اصورها ..
---------
الحمدلله الذي اطعمنا وسقانا وجعلنا مسلمين ..
دعواتكم يالغاليات ..دمتم بخير ..:26: