بنات تكفون الحقوا علي 000 بموووووت

بنات تذكرون خرافه يقولونها عجا يزنا وحريمنا الكبار إن الرفله داعي لها الرسول – لان دايم الرفله قايم حظها
فعلا إنا أشوف المرأة الرفله في بيتها وعيالها وحتى رفله في شكلها ولبسها حظها قايم وزوجها لا يعرس عليها ولا يشوف غيرها


يابنات انا بالشهر الفضيل اقسم لكم ان الله إعطاني جمال انا دايم حديث جماعتي باللبس والأناقه ولااتكيت وفوق هذا ماعندي بخرابيط الحريم وسوالف نقصان العقل – الله عطاني عقل راجح انا امي وأبوي يستشيروني في كل صغيرة وكبيرة –
حتى حماتي أم زوجي مرآة حارة وشرانية عرفت اشلون اكسبها الحين هي تحترمني وتقدرني وإذا جا قهوة او عزيمه تقوم بنتها وتقعدني جنبها فالمجلس

يتقولون وش عندها هذي تمدح نفسها – إنا أبي أحطكم فالصورة أبيكم تتخيلون هالمراة اللي هي إنا يشلون ناجحة في حياتها – ماعندي إلا بنت وولد مرتبين ونظافة شقتي تجنن صحيح صغيرة بس لمساتي فيها- جامعية ومثقفه وموظفه وراتبي يمشي وأساعد زوجي في حياته وأعينه ولا أثقل عليه– إنا كل عيد زواج احتفل مع زوجي وإذا طلعت من أنفاسي لازم إنا وياها نسوي بارتي خاص فينا – ما أقعده من النوم لا بتدليك لازم أدلكه – حتى المسبح ساعات أسوي له مساج بالزيت وبعدين ادخله الحمام واحممه—

وإذا مرة جمعتين لازم اسوي سهرة طاوله مفرش مشروب بارد واكل خفيف—إنا كذا فآلتها مأخذه الدنيا سهالات وصراحه اسويها لنفسي قبل اسويها له – ما احب الروتين استمتع بكل دقيقه في حياتي –
تصدقون حتى لما تزوجت وتركت بيت اهلي امي وحريم اخواني يقولون فقدنا جوك وحركاتك – كنت اتفق مع حريم اخواني فالشهر مرة كل وحدة اجيب طبقين ونجتمع ونفرفش ونرقص والله تقولون بوفيه خمس انجوم –
وحده من حريم اخواني خاطبتني لخوها بس ما صار نصيب عاد لما تزوجت تقول لأمي ياكبر حظ افلان اللي بنتك جات في بيته؟؟؟

والكل معتقد اني سعيدة وزوجي مدلعني ويموووت فيني ؟؟ بس ايتهم يدرون ؟؟


انا قلت هذا كله ابي احطكم في الصورة00 رغم هالمواصفات زوجي يخوني –
اهو عنده تلفونين واحد رئيسي والثاني يوم سالته يقول حق الدوام المهم اني تعبثت في الثاني لقيت بلاوي بنات يكلمن زوجي ويماسجنه واللي فهمته انه متعرف عليهن من الشات – والله اني اقرا الرسايل ويدي ترجف واخل الحمام ابكي لين يصفى راسي مابيه يشوف ولا اب اعيالي الصغار يشوفوني كذا—
واللي قهرني وحدة الظاهر انه مواعدها في مجمع لانها دز لها يقول اخاف امك حست يوم انا وراكم 00 قالت عاد الحيوانه لا امي مسكينه وبسيطة حسبي الله عليها في هالشهر الفضيل—
بنات وحده من خوياتي تقول يووووه عادي عقب النت كل ارجالنا يغازلون وحنا صابرين وش نسوي اتحداك ما فيه رجال عمرة ما كلم – معقوله يا بنات تكفون قولوا ارجالكم كذا وانتوا صابرات 0؟؟؟

بنات هذي الامور اكتشفتها من 6 اشهور وللحين الجوال عنده ولما افتح الرسايل القاه ماسحها وجواله قام يغلقه وله رقم سري معناه انه خايف وللحين يخربط –
اتصدقون مره اخذ جواله ونزل الساعه وحه فجرا يوم دقيت عليه لينه انتظار – عاد يوم جاني لينه متخربط وقول يوم دقيت كنت اكلم شركة الاتصالات شوفوا جاوب قبل اساله؟؟؟

بالله عليكم ليش مراة مثلي يحصل لها كذا – كل اللي اسويه له وجازيني كذا 00 تكفون ردوا علي تجاوبوا معي تراني بديرة واهلي وامي بديرة لا بغيت ازورهم لازم اسافر—ماعندي احد ولا علمت احد وحتي زوجي اهو حاس اني شاكه بس انا ما واجهته – لاني ان واجهته ماراح اقعد عنده وانا مابي خراب بيتي 0