قبل فتره كنت اتصفح منتدى ...
والليل كله وانا على هذا الموقع الى آذان الفجر ...
المهم يوم اذن صليت ونمت ...
عاد تالي رجعت اتصفح النت ،، وصدمت وتفاجاءت ،،
بوفاة احدى العضوات .. كانت البارح بالليل داخله ...
الوقت اللي كنت اتصفح فيه ؛؛ هي كانت تتصفح ... :(
ويوم اذن الفجر انا صليت ونمت ... وهي برضوا صلت وبعدها توفت ..
وموتها كان فجاءه ..
يارب رحمتك شعور ما أقدر اوصفه ،، وانا أقرأ تحت اسمها
( انتقلت الى رحمة الله )
اسأل الله ان يغفر لها ويرحمها ..
عاد كانت مشاركاتها وردودها في آخر ليله لها،،
كلها بفضل الله زينه سوالف ومزح وشكر ووو
الحمد الله هذا من فضل الله عليها ...
تخيلو لو لاسمح الله يكون الرد الاخير
سب وشتم ...؟؟
والا دفاع عن باطل وأمر محرم ... ؟؟
والا حش بالقرايب وسبهم ..؟؟
والا كان (( كلام في عرض شخص ؟؟))
فان كان(الكلام صحيح) فهذه غيبه ... وان كان(الكلام تهمه ) فهذه بهتان ...
يعني كذا والا كذا بتكون آثمه ..
اخواتي ياحبيباتي اللي جالس يصير بالمنتدى أمر خطير
حنا ضامنين متى بيكون آخر دخول ومشاركه لنا ..
طيب مافي أحد ضامن متى يومه .. ليش ردودنا كذا ..؟؟
ردود تفجع اللي تسب أسامه بلادن واللي تدعي عليه
واللي تكفره واللي .....؟؟
طيب انت تكرهينه ليش تعطينه من حسناتك ؟؟
هل تتوقعون الكلام عنه هذا ما من ورآه أثم ؟؟
حتى لو بنظرك انك ماتهمتيه ؟؟ وهذي حقيقته ؟؟
طيب برضوا انت آثمه ووقعتي بالبهتان ...
وعن أبي هريرة رضي الله عنه أن رسول الله صلى الله عليه وسلم قال :
(أتدرون ما الغيبة قالوا الله ورسوله أعلم قال ذكرك أخاك بما يكره
قيل أفرأيت إن كان في أخي ما أقول قال إن كان فيه ما تقول فقد اغتبته
وإن لم يكن فيه ما تقول فقد بهته )
رواه مسلم
وعن أنس رضي الله عنه قال قال رسول الله صلى الله عليه وسلم :
(لما عرج بي مررت بقوم لهم أظفار من نحاس يخمشون بها وجوههم وصدورهم
فقلت من هؤلاء يا جبريل قال هؤلاء الذين يأكلون لحوم الناس ويقعون في أعراضهم )
رواه أبو داود
قال الرسول صلى الله عليه وسلم :
"إِنَّ الرَّجُلَ لَيَتَكَلَّمُ بِالْكَلِمَةِ مَا يَرَى أَنْ تَبْلُغَ حَيْثُ بَلَغَتْ يَهْوِي بِهَا فِي النَّارِ سَبْعِينَ خَرِيفًا."
حيث صحيح
والا مواضيع الجنادريه والدفاع عنها ...
وسب ومضاربات عشان ايش ؟؟
عشان نقول ان الاغاني والرقص اللي حاصل امر عادي ؟؟
اقل شي اذا انت مقتنعه الحاصل فيها وتأيدين ...
لاتكتبين وتدافعين عشان الاثم ؛؛؛
كلنا عندنا ذنوب الله يغفر لنا
بس اذا الشخص يحس انه مذنب ومنكسر ؛؛
اهون من اللي يعصي ويكابر ؛؛
نسأل الله حسن الخاتمه ؛؛
صدقوني لو كل ماكتبنا رد توقعنا يكون الاخير ؛؛؛
كان ماشفنا الهوشات والسب والاتهامات ..
وبتشوفون الصبر والحُلم اللي عندنا ...
بس الغفله عن الموت سبب كل بلا فينا .
:39:
والله لو ماأحبكم وخايفه عليكم زي ماني خايفه على نفسي
مانزلت الموضوع ..؛؛
احذر لسانك ايها الانسان ؛؛؛
لا يلدغنك انه ثعبان ؛؛؛
رجاء اخواتي اتمنى مايكون بموضوعي ولا رد
عن بلادن ،،، ولا الجنادريه
معروف ان في مؤيدين ومعارضين
اذن بلاش نعيد ونزيد فيها ؛؛
اسأل الله ان يشرح صدورنا لما يحب ويرضى ..
وان يحسن خاتمتنا ... ويجمعنا بالفردوس الاعلى
بنات اللي شاكين بالقصه ويتوقعون للاسف اني اكذب ..؟؟
احب أقول لكم
والله ثم والله ان القصه صارت في منتدى نسائي مشهور..
بس ودي اعرف وش الغريب بالقصه ؟؟
يوم انكم تسألون صدق والا ...؟؟
واسمحوا لي
اللي يبون يعرفون اسمها ..؟؟
اقول لكم آسفه جدا ..
يمكن لها ام اخت قريبه والشي هذا مايبونه ؟؟
لاني مانزلت الموضوع واقول ادعوا لها ..
لا انا اقول قصتها فصعب اذكر الاسم ..
فرناز @frnaz
عضوة شرف في عالم حواء
يلزم عليك تسجيل الدخول أولًا لكتابة تعليق.
طوق كريستال
•
كلام في الصميم الله يجزاك خير
جزاك الله خييير حبيبتي
كلامك عين الصوااب الله يهدي الجمييع.
والله يرحمها وجميييع موتى المسلميين....
كلامك عين الصوااب الله يهدي الجمييع.
والله يرحمها وجميييع موتى المسلميين....
الصفحة الأخيرة