مشكووورة

بس إنتو عارفين ان بذي الطريقة تخلو إللي ما شاف المسلسل يشوفة

كل البنات إللي فتحو مواضيع عن ذي المسلسلات غرضهم الاول النصح بس إلا ماكانت تجي وحدة وتمدح فيهم

وانا وحده صارلي زيي كذا

عمري ما شفت لا مسلسلات مكسيكية ولا تركيه بس بعد كلام البنات هنا في عالم حوا عن سنوات الضياع قلت خليني اشوفة وصرت متاابعة له

الله يغفرلي ويغفرلنا جميعا

الله يجزاك ألف خير..اليوم باذاعة القران نبه الشيخ عن هذا الشي وقال أصبحت المرأة والزوج يشوفونها سوى ويالله هو يقووولها شوفي الحلوه ذي ونفس الشي هي تقول شف الحلو هذا...وقال مايدرون انو هم مستعدين يعني ماراح يطلع بمظهره الطبيعي لازم يتجمل لكي يكون بأحسن صورة ويالله هالمراهقات تبدأ بالتعلق والعشق...

جزاك الله كل خير

أنا مااعرفت شئ عن المسلسلات هذي الا من المنتدى
لانه اكثر منتدى اشارك فيه
كان على بالي سنوات الضياع مسلسل خليجي
ويمكن لاني نادرا مااتباع التلفزيون فمااهتم كثير
سواء خليجي او تركي
واشوف ان كثرة الطرح تلفت الانتباه حتى للي ماايعرف شئ
وصدقوني بعد فترة راح تصير عادية جدا
وتطلع موضة جديدة ويتابعها الناس وبشغف و هكذا
يعني المشكلة في سطحية الاهتمام والفكر
سواء مراهقين او حتى بلغوا سن كبير
صار كل شخص يهمه ايش يتابع وايش يلبس وايش يحط نغمة جوال
واي مول يمشي له و .....و......و...
الله يهدي الجميع

مشكورة عزيزتي بارك الله فيك ونفع بما تكتبين

انا شااايفه انه الكل حاط حيله على هالمسلسلين من جد شي عجيب !!!! يعني الحين الخراب ماراح يصير مصدره الا هالمسلسل ياناس كبروا عقولكم شوي وتفتحتوا .. الخراب استغفر الله موجود منذ ابد بعيد لاتنسون النت فيه خراب والتلفزيون فيه خراب والجوال واالبولوتوث يعني جت على هالمسلسل .... ووالله اللي حريص على نفسه وعلى عياله ماراح يخلي اي شي يغير في فكرهم والا سلوكهم .... انا طبعا مو مع انا ضد هالمسلسلات لكن اللي احب ابينه لكم انه الخراب موجود وعلى قولتهم شعشع اي صار له فروع واغصان وامتد يعني مصدره اكثر من شي ... كم وحده ماعندها دش في بيتها لكن مخليه مع بنتها جوال ومقاطع البلوتوث شي يعور القلب والام ماتدري بالله عليكم هذا مو خراب كم من ابو مانع ولده عن الطلعات لكن تعالي شفي اشرطه السوني وماله الا اخر هذا مو دمار .. يعني لاتحطون حيلكم في هالمسلسل وتقولون والله راح يندمرون عيالنا ... كل وحده تجلس ووتفكر بعقل وراح تشوف انه للخراب والدمار انوااااااااااع وياكثرها مااقتصترت على هالمسلسل ..... والله يحمينا يارب ...

..
طيب عزيزتي قلبي روان
مااظهرت التصرفات الخاطئة والفساد والاتحلال الا من دخول الفضائيات
هي مااظهرت مباشرة لكن بعد مرور السنوات
اول ماكان ن يجي لقطة خادشة للحياء كان الاهل كلهم يغيروا المحطة او القناة
لاننا مو متعودين نشوف زي كذا
لكن الحين شوفي الوضع بكل برود الاب والام جالسين مع اولادهم ويطالعون
في اشياء مخلة
ومااصار احد صار ينكر لقطة او مشهد
غير كذا الحرية التامة للابناء في المشاهدة وقلة الاهتمام والحنان
هي اللي ضيعت مراهقين ومراهقات الحين
وللأسف صارت أخلاق المجتمع تتحدد بعرض الفضائيات
والحراب موجود بس نقدر نحد منه ومن انتشاره