السلام عليكم خواتي
اول شي مبروك الشهر عليكم ولو انها متاخره بس للاسف انا ما ادخل النت وايد
بس عندي استفسار صغير لبنات العين
عرسي كان شهر 6 وفصلت الفستان عند مصمم سوري اسمه طارق مشنوق
وكلفني لكن الحمدالله كان عند حسن ظني :27:
والحين ابا حد منكم يساعدني اريد أأجره لانه ماخذ مكان في الكبت عالفاضي وانا واثقه انه بيتأجر لانه واااااااااايد حلو بشهادة اللي شافوه لكن وووووووين اوديه
ياليت اللي عندها خبره تقولي واذا في حد في العين يبا يشوفه يقولي..
اتريا ردودكم خواتي
قلبي_نساك @klby_nsak
عضوة
يلزم عليك تسجيل الدخول أولًا لكتابة تعليق.
Rose in the desert
•
حبيبتي في واايد حريم يأجرن في البيت أنا أعرف وحده في الشارجه إذا بغيتي رقمها بعطيج
shweegy
•
مرحبا الغالية...
مبروك مؤخرا على العرس...
بالنسبة للإجار... عندج نجود.. من الشارجة... هي من المنتدى.. تأجر فساتين...
وفي العين عندج لوميير... اللي عند قصر الحلويات... بس المشكلة إنها استبطرت هالكم من يوم...
روحي لها سبحان الله أجرته...
بس ع فكرة... قبل لا تقولين إنج تبين تأجرين.. دخلي عليها عادي وشوفي أسعارها...
لأنه ختيه فصلت عندها وكلفها تقريبا 6000 درهم.. (فستان عادي.. لملجة..)
بس يوم رحت أنا عسب أأجر فستان عرسي قالت والله احن أسعارنا ما تتجاوز الـ2000
مع إنه فستاني يجنن بشهادة الجميع...
فما بطول عليج الغالية... (قولي اشعقبه... عقب ما قلتي كل اللي في خاطرج؟؟!!)
إذا أجرتي فستانج في مكان خبرينيه ع الخاص عسب أأجر فستانيه...
وسمحي ليه إني طولت عليج...
مبروك مؤخرا على العرس...
بالنسبة للإجار... عندج نجود.. من الشارجة... هي من المنتدى.. تأجر فساتين...
وفي العين عندج لوميير... اللي عند قصر الحلويات... بس المشكلة إنها استبطرت هالكم من يوم...
روحي لها سبحان الله أجرته...
بس ع فكرة... قبل لا تقولين إنج تبين تأجرين.. دخلي عليها عادي وشوفي أسعارها...
لأنه ختيه فصلت عندها وكلفها تقريبا 6000 درهم.. (فستان عادي.. لملجة..)
بس يوم رحت أنا عسب أأجر فستان عرسي قالت والله احن أسعارنا ما تتجاوز الـ2000
مع إنه فستاني يجنن بشهادة الجميع...
فما بطول عليج الغالية... (قولي اشعقبه... عقب ما قلتي كل اللي في خاطرج؟؟!!)
إذا أجرتي فستانج في مكان خبرينيه ع الخاص عسب أأجر فستانيه...
وسمحي ليه إني طولت عليج...
اسبرانسا
•
فيه وحده اسمها ندى في الشارجه
ماشالله الفساتين الي تعرضها تحافظ عليها وعندها خياطه بالبيت وتعدل الفستان للبنت حسب رغبتها
ودايمن تنزل اعلان بالخليج الاقتصادي بقسم فساتين الافراح
ماشالله الفساتين الي تعرضها تحافظ عليها وعندها خياطه بالبيت وتعدل الفستان للبنت حسب رغبتها
ودايمن تنزل اعلان بالخليج الاقتصادي بقسم فساتين الافراح
الصفحة الأخيرة