hnoood

hnoood @hnoood

عضوة جديدة

ابي شوركم ياأمهات : (

الحمل والإنجاب

السلام عليكم يسعد صباحكم

انا باخر التاسع وكنت اراجع بمستوصف وبعدين اخذت تحويل لمستشفى دله عشان ابولد فيه باذن الله امس كانت اخر مراجعه لي بالمستوصف لاني مسويه متابعه وخلاص خلصت منهم ولله الحمد انا صراحه مامشي احس بخمول وجسمي تعبان وغير كيذا رجولي متنفخه المهم قالت لي الدكتوره انتي واضح انك ماتمشين كسوله تعرفون عاد المصريات لاهايطن شوي قالت لي امشي كثير وكثري جماع واشربي زنجبيل وقرفه الله يعني بس قسم بالله هم
ويوم 13/5 اللي هو على السبوع الجاي ادخل العاشر وانا حاليا مافي اي بوادر ولاده قالت لي اذا اخذتي من للعاشر ثلاث ايام خلاص توكلي على الله وروحي المستشفى واخذي طلق صناعي يوم قالت كيذا الا وبطني يمغصني شوي تروعت قلت دكتوره خايفه اضر نفسي ولا البيبي قالت ماضر الحريم اللي قبلك خلاص مستنيه إيه انتي داخله العاشر انتي والبيبي مستعدين ومافي حاجه تخوف قوي قلبك

تكفون بنات احد يوصفلي الطلق الصناعي كيف الآمه وشلون يحطونه انا بكريه وغير كيذا بروح المستشفى براسي مامعي احد مثلا يطبطب علي اللهم زوجي من بعد الله وانا ادري انه بيدربي راسه معي مايدري وش الطبخه زيي اهلي ساكنين بعيد عني وامي الحين شايله همي وانا ماولدت كيف لو اعلمها اني رايحه ابولد اصلا مراح اقولها وش تنصحوني اخذ على كلام الدكتوره مع ان الوحده اذا قعدت مع هالدكتوره ترتاح نفسيا كلامها ماشاءالله يجيب الطماأنينه والله اني خايفه من هاللطلق الصناعي مادري هو مثل الطلق الطبيعي ولا وش الوضع ؟؟؟؟؟؟؟؟؟

يااااارب يسرلي ولادتي وعلى كل مسلمه

دعواتكم
19
2K

يلزم عليك تسجيل الدخول أولًا لكتابة تعليق.

تسجيل دخول

روز ماري البابا
روز ماري البابا
اختي الفاضلة

توكلي على الله وما تخافي

الطلق الصناعي نفس الطبيعي ، انا جربت هيك وهيك

الطلق الصناعي عبارة عن تحميله مهبلية تضعها الدكتورة لك ، شوي مزعج هذا الامر - مزعج مش مرعب
بعد هيك راح تبدأ تيجيك مغصات مثل الدورة ، وبعدين تشد لتصبح طلق ولادة

اذا مش راح تأخذي ابره الظهر ، اتفقي مع الدكتورة تعطيك ابر مسكنة للألم لما يشد الطلق
وكمان الكمام بيريحك شوي

ربنا يهونها عليك وتقومي بالسلامة

تقبلي تقديري
hnoood
hnoood
اختي الفاضلة توكلي على الله وما تخافي الطلق الصناعي نفس الطبيعي ، انا جربت هيك وهيك الطلق الصناعي عبارة عن تحميله مهبلية تضعها الدكتورة لك ، شوي مزعج هذا الامر - مزعج مش مرعب بعد هيك راح تبدأ تيجيك مغصات مثل الدورة ، وبعدين تشد لتصبح طلق ولادة اذا مش راح تأخذي ابره الظهر ، اتفقي مع الدكتورة تعطيك ابر مسكنة للألم لما يشد الطلق وكمان الكمام بيريحك شوي ربنا يهونها عليك وتقومي بالسلامة تقبلي تقديري
اختي الفاضلة توكلي على الله وما تخافي الطلق الصناعي نفس الطبيعي ، انا جربت هيك وهيك ...
كلامك يريح الله يريح قلبك حبيبتي ويسعدك شاكره لك اختي روز
ورندي
ورندي
الطلق اذا كان تحميله عن طريق المهبل هادي بالعكس مايالم ولا شي جربته على بكري مع اني متخوفه منه من كلام الحريم انك تشوفين الموت صراحه ماشفت منه اي مضره بالعكس ولاده عاديه وافكر اخذه هالمره بعد لكن مع ابر مسكنه لان الالم لابد منه هذي ولاده مو حي الله لكن فيه حريم يقولون الطلق اللي بالحقنه في المغذي هي اللي تذبح عاد انا ماجربت
الله يسهلك يا اختي الولاده الميسره والسهله وكل الحوامل يارب
asiatic lily
asiatic lily
الله يسهل عليك ولادتك لاتخافين ولا شئ ..
جيبي كتاب الافاده فيما جاء في ورد الولاده كتيب كبر كفك من المكتبه كله بريالين يهبل مره من تتدخل الحرمه التاسع تقرااااه لين تولد كله ايات الولاده والتخفيف وادعيه مرررره حلو حتى في المستشفيات موجود ..اقريه ..
كلي تمر وزنجبيل اشياء حاره وامشي كثيررر .. اجتهدي مره ..
وان شاء الله يجيك الطلق عباره عن الم في الظهر ومغص اسفل البطن .. ويزود عليك ويشششد كل كم ساعه
واذا ما حسيتي بشئ روحي المستشفى ب الوقت الي قالت لك الدكتوره ويكشفون عليك وعلى الطلق عندك وكذا
واذا احتاج يحطون لك طلق .. عاد ياتحميله يا في الوريد مدري ..
انا جربت الي في الوريد يحطونه لي مع المغذي
وكل كم ساعه تزود الجرعه ...
صررااااحه فرررررررق عن الطبيعييييي
الفرق وششش ؟؟
الطبيعي يجيك الالم ب التتدريج
يعني الاسبوع كله تحسين ان ولادتك قربت تجيك مغصه في بطنك
والم في ظهرك ويخففف
لين يحمى مررررره ماعاد تستحملين تروحين مستشفى يكشفون يقولون لك ولادددده يلااا تنويم
ويضل معك طلللق لين يجي الطفل ب السلامه
الطلق الصنااااعي لااااااا
تروحين بوقت محدد مراجعه مثلا مافيك الا العاااافيه
مجرد انتي متأخره يقولون لك خلاص لازم تنويم ونعطيك طلق
ويحطونه لك ويبدءءء يشتغل عاااد الوووجع بدون مقدمااات تحسينه
الم الم الم ليييين يفتح الرحم وتولدين


بالحالتين الم كله فيك فيك هههههه
بس الفرق واحد ب مقدمااات
والثاني لاااا بلحظاات
مثل ماقلت لك اهم شئئئ الكتاب اقريه ورب العالمين يخفففف عليك
وب السلامه ياررررب
nada kh
nada kh
الله يهون عليك قلبي ذكرتيني باللذي مضى بكريه و قالو لي طلق صناعي
ولله ياني خفت خوف كل عظامي ترتعش وكتشفت الموضوع ما يستحق كل هالخوف

حبيبتي صلي ركعتين لـ الله قبل تروحي المستشفى اطلبي منه الهون و التيسير
وامك لا تعلمينها وحتسبي هذا من باب البر بالوالدين علشان ما تحاتي وقولي ياربي ما علمتها برا فيها
فرحمني يا الله

صدقيني الموضوع سهل انا سمعت من الحريم انو الفحص موتن حمر و يوم جربته ولله ثم ولله شي لا يذكر
نغزه بتجربينها اكيد و بتذكرين كلامي بس رخي اعصابك وقتها وخذي نفس عميق لا تشدين نفسك

اما الطلق الصناعي حاجه يحطونها بالمهبل ما توجع ابد ابد بس شعور مزعج مثل ما قالو لك يعني مثل
حرقه لا تذكر تحسين مثلها كثير بالايام العاديه لو كان معك التهاب بسيط بالبول و احيانا تصير بعد الجماع
شي لا تحطينه في بالك من انسانه مجربه الطلق الصناعي قبل سبع شهور

بعدها تجيك تقلصات مثل الدوره اول كم ساعه عاديه جدا لكن للامانه بعدها يشد معاك ولله لا يكلف نفس الى وسعها
الله عارف قدر تحملنا وما يكلفنا فوقه

لا تخلين اول طلقك منسدحه لا امشي بيريحك ويخفف التقلصات شوي
وفي كمام و ابر مسكنه لا تاخذينها من البدايه خليها من بعد الاربعه سانتي

انا كان معي زوجي بس و قتها تمنيت حتى هو ماهو موجود لانه وترني زوجي من النوع الي يشيل هم
و يتوتر مرا زادني توتر

و الامر سهالات يالغاليه و صدق الم بس وراه نعمه و سعاده باذن الله وهالنتفه من تشوفين عيونه او عيونها بتنسين
كل الالم و تقولين يارب متى الطلوق الجايه بس

الله يهون عليك و يسهل لك

اي ترا بيحطون لك من بعد سته سم طلق ثاني بالمغذي بس سهالات ان شاءلله

نامي كويس قبلها و افطري زين شي صحي لاني من الخوف ما نمت ولا اكلت و تعبني هالشي اكثر من الطلق
ما كان فيني حيل

وبتجين تقولين قصتك ان شاءلله بعدها و تقولين مثل كلامي كنت خايفه و شايله هم بس طلعت سهالات من رب العالمين