أجامل وابتسم واضحك وأنا في داخلي مقهور
أحاول اكتم أحزاني ورا صدري واخبيها
****
أحاول اكتم همومي واخبيها وأنا مجبور
وأحاول قد ما أقدر أبعد عن حراويها
****
لو إني كنت بنطقها مع إنها واقفة بالزور
ولكن لازم اكتمها ولا ابين معانيها
****
ولو بعض البشر تدري وتكشف خافي المستور
أببلش في شماتتها وابتعب من حكاويها
****
طبيعة ما تفارقهم طبيعة من قديم عصور
ورا حكي القفى تطرد وتنبش في خوافيها
****
وإذا طاح الرجل مرة وصار من الزمن مكسور
تجيله طعنه بظهره تفاجئ مادرى فيها
****
تفاجئ مادرى باللي بيصير ومن وراه يدور
وخابت هقوته فيهم بعد ماكان هاقيها
****
لجل هذا كتمت الهم في صدري وأنا معذور
همومي في وسط قلبي اخبيها واخليها
****
واذا زاد الحزن فيني كني وحيد بعالم مهجور
كأني بدنيتي وحدي وكل الناس جافيها
****
واذا ودي أبوح بهم أبد ما اكتبه بسطور
همومي بس في نفسي ألحنها واغنيها
****
مصير الهم يترحل وأعيش بدنيتي مسرور
مصير الهم ينساني ونفسي مايعنيها
****
مصير القلب لو يظلم يجي يوم ويشوف النور
مصير الناس تتبدل وتتغير مماشيها
****
اذا صار الذي ودي أبيح خافي المستور
واخلي الناس تدري بي وبهمومي أبكيها
****
ولكن بكتم همومي واخبيها عن الجمهور
وطبع الهم ما يهنى بغير ضلوع راعيها
م
ن
ق
و
ل
وديعة @odyaa_1
محررة
يلزم عليك تسجيل الدخول أولًا لكتابة تعليق.
أجامل وابتسم واضحك وأنا في داخلي مقهور
أحاول اكتم أحزاني ورا صدري واخبيها
كلماااات بقمة الروووعه
تقبلي مروري
أحاول اكتم أحزاني ورا صدري واخبيها
كلماااات بقمة الروووعه
تقبلي مروري
الصفحة الأخيرة
كلمة روعة قليلة عليها ..
تسلم يمينك على النقل ..
اسمحي لي احتفظ فيها ..
تقبلي مروري ..