حميــة (( مصـــرقعة )) .. !

مساء الخير للتختوخات..

للأسف كنت ومازلت حقل تجارب لأنوع مختلفة من الحمية..

وفي فترة من حياتي كنت مشتركة مع اخصائة تغذية وكانت تعطيني حاجتي اليومية من السعرات بحيث ماتتعدى 1200 سعر حراري

حتى تقلصت الكمية لـ 800 بس..

لكن بعد سنوات وتجارب زي ماذكرت..اكتشفت إن أفضل حمية هي اللي تعطيك 1200 سعر حراري باليوم..

والأجمل..إنك أنت تختارين اللي بتاكلينه مهو يفرض عليك من خلال ترتيب أو جدول..أو متابعة مع اخصائية

واتباع للقاعدة الذهبية بكتاب (أستطيع أن أجعلك نحيلة) واللي يردد مؤلفه جملة (كل ماتريد لا ما تعتقد بأنه يجب عليك تناوله) ..

بحيث إنك تاكلين أي شي ولكن لاتشبعين..بس الناس اللي مايقدرون يسوون كونترول نقول خلوكم على حسبة السعرات أفضل و (أسلم)..


أبعطيكم مثال بسيط ولاتضحكون :) وجربوا وتعالوا ردوا..

فرضا اشتهيتي سنكرز الحجم الكبير..فيه 330 سعر حراري..ممتااااز كوليه مع قهوة المغرب

اشتهيتي برجر من ماكدونالدز بيغ ماك مثلا ..فيه 550 خليه عشاك..

المجموع 880

تعشي شريحتين توست مع جبن شرايح قليل الدسم فيه..الساندوتش فيه (200)

بقى 120 صح؟

كولي حبتين فاكهة ..


الإجمالي

1200

ويوم الخميس مفتوووووح بس حاولي ماتتجاوزين 2500 سعر حراري..


وتنبيه هااام

هذي الحمية تناسب اللي اوزانهم من 65 وفوق..

لأن الوزن كل ماقل استلزم منك تقليل السعرات..


وبكون معكم بإذن الله مع مزيد من الأمثلة .. وللرد على أي استفسار..

وربي يرزقني واياكم قوة الإرادة..