Dandosh :

صباحكم فل :) من كتر ما عندي شغل مو مجمّعة شو قرأت .. بس جالكسي مالح برافو عليك طلعت مدبرة اكتر منا كلنا و بتفكري أحسن من الكل ما شاء الله تبارك الله .. هيك صح 100% .. توكلي على الله وامشي بالمخطط :) الله يسلمك اول ملاحظة مستغربة انكم بتحكو عن العرب أجانب :) والله احنا عرب مش اجانب هههه تاني شي .. احنا بصراحة مدبرين لو قارنتينا بأهل الخليج ، لكن لو قارنتينا بالاوروبيين والأمريكان (الأجانب) رح تلاقي كله على فاشوش .. فعلا هم اللي بيعجبوني بالتدبير لانه كل شي مخطط اله من سنة ومن سنتين وما في شي عندهم بيجي فجأة ... يعني دايما حاسبين حساب كل شي حتى اجازاتهم مخططين لها من الصيف اللي مضى .. اما احنا مشكلتنا سوء التخطيط والتدبير للأسف .. يعني الحمد لله دخلنا عالي لكن مصاريفنا كتيرة ولما يزيد معنا مبلغ حلو من التوفير أهم شي نفكر فيه هو (كيف ادلل نفسي وأكافئ نفسي على التوفير) و انا اوووولكم بهالناحية الصيف الماضي اتفقنا ما في سفر لانه سافرنا على عيد الاضحى وعلى الصيف اللي قبله .. بس فجأة بشهر 7 لقيت انه معنا مبلغ ما توقعنا يتوفر معنا حوالي 10 الاف ريال و كنت تعبانة من كتر الشغل والضغط .. وزوجي كان بيطلع له اجازة قصيرة لو طلب طبعا طاروا العشر الاف في خمس ايام قضيناها في طابا بمصر ... الحمد لله مو ندمانين ابدا بالعكس انا بحس هادي الفلوس استثمار لانك ريحتي نفسيتك وعلمت اولادك على شغلات جديدة عليهم و بنفس الوقت جددت نشاطك ترجعي لشغلك و انت فرش .. فما بعتبرهم خسارة ابدا لكن الملاحظة انه احنا ما بنتحمل نشوف معنا فلوس زيادة يا ترى ليه :) طولت عليكم كالعادة .. اذا بديت احكي لازم حدا يسكتني :)

صباحكم فل :) من كتر ما عندي شغل مو مجمّعة شو قرأت .. بس جالكسي مالح برافو عليك طلعت مدبرة اكتر...

Dandosh :

ما شاء الله عليها جارتك والله انها فهمانة الله يحميها ويباركلها .. مشكلتنا في الأردن أسعار الأراضي نار ناااار .. والأراضي الرخيصة في اماكن مستحيل تنسكن .. صحراء متلا أو منطقة مكتظة جدا (شعبية) .. من فترة رخصت الأراضي في منطقة بيننا وبين العراق و العالم كلها هبت تشتري مساحااات كبيرة الحمد لله ما تهورنا وشرينا مع انه والله والله كان في أسعار بالهبل .. الدونم 500 ريال !! بس ما شرينا والنتيجة هلا الكل بده يبيع ولو بخسارة .. واحد اشترى 700 دونم بيقول لو بنص السعر أبيع انا راضي بس ما عاد حدا يشتري هناك.. يعني العقار 100% استثمار ناجح لكن بالعقل مو اي عقار بينشرى ولا اي ارض بتجيب ثمنها مهما كانت رخيصة

ما شاء الله عليها جارتك والله انها فهمانة الله يحميها ويباركلها .. مشكلتنا في الأردن أسعار...