زوجي والحمل .... نفسيتي تعبت

الأسرة والمجتمع

السلام عليكم 
أنا من زمان متابعتكم بصمت وهاذي اول مره انزل موضوع 
أنا يابنات متزوجه وعندي طفلين وطبعا كأي حياه زوجيه فيها الحلو والمر وماتخلا من المشاكل بس مشكلتي اللي بكتبها الحين تاعبه نفسيتي مشكلتي بختصار زوجي لما حملت الحمل الاول كان عادي ويمكن ماحسيت مع التعب والحمل مشكلتي بدات فالحمل الثاني لما وصلت الشهر الخامس وبدا بطني يكبر بطل زوجي يقرب مني طبعا والمتزوجات فاهمين ايش اقصد مع أني دائماً اتشيك والبس واتعطر بس مافي فايده كان يعطيني ظهره وينام ولما كنت ألمح كان يتعذر عشان مايعورني مع أني مااشتكيت ابدا المهم وبعد ما ولدت رجع عادي بس أنا تم الموضوع فبالي لان مافي رجال يصبر عن زوجته ست سبع شهور ومره كنا جالسين وسألته مع أني كنت مستحيه فكان جوابه صدمه لي قالي ان بطنج كان كبير انصدمت الصراحة من جوابه لان هو كان يزن علي احمل المهم أنا تعقدت وجلست ثلاث سنوات أخذ مانع ومن كثر مازن علي مره ثانيه حملت ونفس الشي لما صرت فالخامس بطل يقرب مني ولما مره جاني ماقدر يكمل العمليه وجلس شهرين ماقربني وانا الحين فالسابع وجاني من يومين ونفس الشي ماقدر يكمل والله احس أني تعبت ونفسيتي تعبت طيب أنا ايش ذنبي هو يزن عالحمل ويقرف من شكلي مع ان بطني مؤ كبير عادي حجمه ايش اسوي معاه في وحده منكم نفس وضعي اوسمعت عن زوج نفس زوجي ادري مشكلتي مالها حل بس أنا كتبت الموضوع للفضفضه وياريت محد يسمعني كلام جارح
18
19K

يلزم عليك تسجيل الدخول أولًا لكتابة تعليق.

تسجيل دخول

مولوده بدبي
مولوده بدبي
ياأختي لاتتضايقين ولا تزعلين نفسك وإن شاء الله تولدين بالسلامه ...
بقولك شي غيرو الوضعيات بحيث انو يكون بطنك مايضايقه إن شاء الله فهمتي عليه
basma.0770
basma.0770
كانك تتكلمي عن الي عندي بس الفرق ان زوجي تركني 9شهور لان الطبيبه منعتنا اول 4شهور بعدها بطني بده يطلع ولما صارحته قالي بكل بساطه شكل بطنك وجسمك السبب هيه حالة نفسيه مومتقبلك .
يعني ايش تعملي مالك غير الصبر ليما تجيبي وبعدها اكتفو بلي عدكم وعيشي حياتك
ام راشد جت .كم
ام راشد جت .كم
فيه طرق اخرى للوصال
ابحثو بالنت عن وضعيات خاصه للحمل
lolo 110
lolo 110
يا قلبي فكري بضناك الي جاي ولا تفكرين بشيء ثاني
في كثير رجال مثل زوجك فلا تلوميه مو بيده
المهم نفسيتك لا تتعب لان البيبي يتاثر بحالتك
الله يسعدك ويقومك بالسلامة
Nouvelle
Nouvelle
وعليكم السلام


عادي جدا وياكثر اللي مايحبون شكل بطن الحامل ,,,,


فتره وتعدي ان شاءالله


والله يقومج بالسلامه