احترت مع خطيبي !

السلام عليكم و رحمة الله و بركاته ....
حابة افضفض و اكتب مشكلتي الي مأرقتني و ارجو منكم تعطوني حل مناسب ، بداية انا من دولة خليجية و كنت ادرس في جامعة مختلطة و من هناك حبني زميل لي و صارحني ان وده يخطبني و بالفعل بعد التخرج مباشرة جاب اهله و ملكنا ، و هو شاب الكل يشهد بأخلاقه و كريم جدا معي و مع اهلي و يحبني جدا ، بس مشكلتي اني ما ابادله نفس مستوى الحب و هو حاس و عارف بهالشي و مشكلتنا بسبب هذا الموضوع ، و هو شخص جدا جدا حساس ، و يبيني اصير مجنونة في حبه و اكسر كل القيود و العادات عشانه و هذا انا ماقدر اسويه بسبب اني طول عمري عاقلة او يمكن ما احبه لدرجة اسوي هالشي ،في الآونة الاخيرة طلب مني أشياء .... و رفضت طبعا قلت له بعد العرس و زعل مني و قام يطنشني يقول انا ما طلبت رغبة في هالاشياء الحين بس حق اثبت انك ما تحبيني و لا 5% من حبي .
انا تعبت من معاملته الجافة و تطنيشه و اخاف يستمر لبعد الزواج ع هالحالة ، لأن كلامه يخوفني احيانا يلمح ان هو يستمر و ساعات لا ، و بعد قلت له اذا ما تبي نستمر ننفصل من الحين احسن و كأني زدت الطين بله ، زعل زود و قال انه عمره ما فكر و لا يفكر يتركني هذا بس تفكيري لأني ما احبه ، أنا تعبت و احترت من اسلوبه و معاملته و للحين زعلان مني.