~¤¦¦§¦¦¤~ شكـــــــر خــــــاص ~¤¦¦§¦¦¤~

خواتي اسمحوا لي افتح هاي الصفحه عشان اقدم شكري للغاليات اللي تعاملت وياهن

من خلال منتدى العروض التجارية لاني وايد حبيتن واحس نفسي قصرت وياهن

خواااااااااااتي اشكركن وجزاكن الله خيرا

واخص بالشكر مجموعة بنات العين كلهن لتعاملهن الراقي واسلوبهن

خواتي سحابة خير -غيوض - Romanove - UM_MAHRA - نبض ابوها - لولو الصغيرة - بنفسج 2006-زايـ بنت ــد - شوق وذوق - شمس خلف السحاب - TAMY -جي جي 30 - ربة بيت -راس المعزّة .... Lady dream- سوفنير - واقول لهن بارك الله فيكن واحبكن موووووت ومالي غنى عنكن وانشاء الله ما نسيت حد

وشكر خاص للاخت لولو الصغيره لانها جمعت كل منتجاتي في موضوع واحد حطيته في توقيعي واقول لها شكراااااااا الغاليه


والاخت الغاليه الخنساء مشرفة القسم لانها اضافة منتجاتي الباقيه لموضوع الاخت لولو الصغيرة واقول لها مشكوره عيني وبارك الله فيج

والاخت ام الغزلاني من بوظبي واقول لها ماشالله عليج اخجلتيني بأسلوبج وياريت كل العرب مثلج ... اتمنى من كل قلبي اعرفج اكثر

سلمى الرميثي من بوظبي... واقول لها شكرا لاسلوبج الرائع في التعامل وواخلاقج العاليه واتمنى اتعامل وياج على طول

الاخت الغاليه وناسه و من بوظبي وقريبتها Toota واقول لهن ماشالله عليكن خواتي اسلوبكن راقي و سامحوني على التاخير وعلى الخطأ في الحساب ويوم تبون شي اتصلوا عادي اي وقت ...

الاخت الغاليه الفصول الاربعه واقول لها مشكوره حبيبتي ومشتاقين نسمع صوتج
اتصلي بليز ...

الاخت الغاليه ام حموكا من بوظبي واقول لها ساااااااااااامحيني على الخطأ اللي صار في الطلبيه
طرشتي لي قيمة 12 حبة ديرماكول وانا طرشت لج 6 حبات بس
افتشلت والله فيج وعقب كل ما ابغي اطرش تصير لي ظروف والله واتحملتيني
والحمدالله طرشت لها الست حبات الباقيات بعد واتاخرت عليها
ولا اشتكتي صدق صدق متفشله فيج لين الحين والسموحة منج يالغاليه

والاخت الغاليه رفجة عرب من بوظبي واقولها فدييييييييييتج انتي وربي يوفقج انشالله

الاخت الغاليه صدى زايد من بوظبي واقول لها استانست وايد بالتعامل وياج واتمنى التواصل دايما

معاني الحروف ( من عمان ) واقول لها ساااااااااامحيني عذبتج وايد واستحملتيني
واسلوبج ماشالله عيبني واتمنى التواصل دايما ولا تزعلين مني

والاخت layaldidy ( من عمان )
واقول لها اختج حبووووبه سكر حبيتها ماشالله عليها واتمنى التعامل وياج دايما
وانشاء الله يكون بينا تعامل وتواصل دايما

الاخت الغالليه مثايل 777 من بوظبي واقول لها شكراااااا على الاسلوب الراقي اخجلتيني وانشالله دوم يستمر التعامل بينا

الاخت الجوهرة من دبي واقول لها ساااامحيني لاني ما وضحت لج ان التوصيل بيكون عليج وانشالله يكون بينا تواصل


واشكر خواتي الغاليات ام سلامه وفراوله سويت لانهم صار بيني وبينهن سوؤ فهم

وما زعلن مني واقول لهن السموحه منكن خواتي والله يديم المحبه بينا



والخوات اللي ما ذكرتهم سامحوني لاني اتذكر الاسامي وانسى النكات وما اقدر احط اساميكم على العام

واقول لكم شكــــــــــــــــــــــــــــــــــــــــــــــــــــــــرااااااااااااااااااااااا واحبكم موووووووووت

وسامحوني لاني مب تاجره بروفيشنال يعني اغلط في الحساب وفي الطلبيات وعادي لو لقيتوا غلط بلغوني

واهم من التجاره اني كسبت خوات احبهن ويحيوني واتمنى التواصل هذا يدوم انشاء الله

والسموحه من الجميع على التقصير ومستعده لتلبية طلباتكن اي وقت ورقمي عندكن وان بغيتن شي اتصلن او مسجن

مسجن = طرشن مسج :heart: