بسم الله الرحمن الرحيم
كيف حالكم يابنات أن شاء الله تماااااااااااااااااااااااام
قبل ماابتدي كلام عن تجربتي مع دواء الروكتان وهو للي مايعرفونة كبسولات
لحب الشباب (ولتبييض<<< ادري ان اغلب البنات بيستغربون)
تأخذ لمدة 6 أشهر أو أكثر حسب الحالة
المهم قبل ماابدأ
حابة أدعي لكل البنات الغير متزوجات أن ربي يرزقهم ازواج صالحين
وللمتزوجات أن ربي يوفقهم ويرزقهم الذرية الصالحة
ولكل تعبانة او مهمومة أن ربي يفرج همها ويشفيها يارب أميـــــــــــــــــــــــــــــــــن
عاد جاء دوركم كل من تقرأ موضوعي وتستفيد تدعي لي بتمام الحمل وبالتوفيق بحياتي الزوجية وبالستر دنيا وأخرة
أدري ماصار موضوع بسسسسسسسسسس عندي طاقة كلام اليوم وجالسة لحالي:(
المهم والزبدة أنا أخذت الروكتان قبل ثلاث سنوات
كان عمري 22
أدري كلكم تعدون بتشوفون كم عمري الحين صح:22: أكفششششششششششششششششششش
المهم وكان وزني 60
المهم أخذت الدواء لمدة 6 أشهر متواصلة ولايوم نسيت حبة مجتهدة ماشاء الله علي ومصدقة بعد
وكان ودي أحد يخطبني لأن حب الشباب كان مسوي لي أزمة وموقف الخطاب:(
وكانوا يقولون ماشاء الله هالبنية تهبل بسسسسس حب الشباب مفحط بوجهها ومسوي خمسات وستات
وسبعات<<<<<<<<<<<تلاحظون أنا قاعدة أنكت
المهم بدأت العلاج بحبة باليوم وسط الأكل
ومعلومة يابنات الروكتان لازم تاكلينة وسط الوجبة ولا يسوي مشاكل بالمعدة
المهم بعد أسبوع صرت أخذ حبتين باليوم
وأهم الأعراض اللي مرت علي خلال الستة أشهر
1:كاَبة ودوخة وغثيان
2:تعب عام بالجسم وكسل
3:تشقق شديد بالشفايف وجفاف بالعين
4:جفاف شديد بالوجة والحبوب بالبداية زادت بعدين صارت تجف
5:جفاف بالشعر ولو أجلس أسبوع مااغسلة مو مبين مع أنه كان دهني
6:طبعاَ هالأعراض يوم ويوم لاء يعني مو مستمرة
المهم الدكتور اللي صرف لي الدواء طبعاَ أستشاري سعودي كبير وبمستشفى حكومي
والعلاج مجاني مع العلم أن سعر الكرتون اللي يكفي 15 يوم بس ينباع بـ242ريال
المهم بعد 6 شهور من بلع هالحبوووووووووب:09: جفت الحبوب وبقت الأثااااااااار فقط
أنا سويت حفلة:icon28: وأنبسطت وأستانست وقلت وداعاَ لحب الشباب وأهلاَ بالعريس
المهم بعد العلاج عطاني الدكتور خلطة يسونها في المستشفى تحطينها بالثلاجة
وأدهن فيها وجهي مرة باليوم قبل النوم ولازم بالظلام الدكتور يقول هالخلطة ماتبي النور تبي الظلام كيفها هي حره!!!!!
المهم أستمريت عليها شهرين وبعدها عطاني ألدوكين فورت4% ورتن A وكريم ثالث نسيت أسمة لون العلبة أخضر
المهم أحطها قبل النوم وطبعاَ بالظلام!!!!!
أستمريت عليها شهرين بعدها يابنات
تعالوا شوفوا أختكم سوسو.....................بياض نعومة ولاحبة بوجهي ولابظهري
بشرتي صافية بدون مسام شييييييييييييييي خرافي
شي مو معقوووووووووووووووووووول:23:
رحت للدكتور قلت خلاص قال خلاص قلت مشكور السلام عليكم
طبعاَ صرت مااعرف شي أسمة كريم أساس أو بودرة أو شي روج وكحل وشوي بلاش على الخدود
وصايررررررررررره واااااااااو
ياطويلات العمر أستمريت على هالحال سنتين وبعدها بدأ الأستهبال
بدأت ترجع الحبوب على خفيف يعني ودها تطلع بس مستحية
وبعد ماتزوجت صارت الطامة الكبرى بدأت تطلع زي أول
سويت تحليل قالوا هرمون الحليب مرتفع عالجنا هرمون الحليب ونفس الحكاية
ماكان عندي أي مشاكل صحية وهي ملتهبة
رجعت للدكتور اللي عالجني تدرون وشششششش قال
عادي أصلاً من قالك أن حبوب الشباب تختفي على طول ماتختفي الا إذا كبرتي بالسن
وهالأدوية هذي حلول مؤقتة سنة سنتين وترجعين نعطيك نفس الكورس 6 شهور بيأكلني السم والمرض ويرجع يصرف لي الكريمات يعني كأنك يابو زيد ماغزيت
قلت للدكتور والحل قال أرجعي خذي العلاج بس أبوقعك أنتي وزوجك على ورقة أنك ماتحملين الا بعد شهر على الأقل من تركك للعلاج
يعني 6 شهور روكتان 4 شهور خلطات يعني 10 شهور وشهر راحة يعني صارت سنة
اباكل موانع للحمل وأبكل السم الروكتان
قلت معصي مابيها مابيها:06: والله بيغنيني عنها
مايستفاد من القصة...........لكل أخواتي البنات لاتتعلقون بالروكتان نتائجة وقتية يعني سنة سنتين او أقل
له مضار فضيعة على الكبد والمعدة يعني لازم تسوين تحليل دم طول مدة العلا تقريباَ كل شهر
من أكبر مسببات حرقة المعدة وألتهابها لأنه قوي مره والدليل أنه يؤخذ أثناء الأكل
يسبب تشوهات للجنين واللي تاخذة وهي متزوجة لاتفكر تحمل الا بعد ماتوقف علاج على الأقل بشهر
هالدواء مايصرف بهالطريقة الا عندنا وللأسف الشديد
أخر شي نصيحة لأخواتي..لاتهملي التحليل قبل وأثناء العلاج
وتأكدي أن هالعلاج وقتي وليس دائم
ولاتنسين تقرأين النشرة اللي تجي بالكرتون فيها كلام فضيييييييييييييع لو قريتية صدقيني ماراح
تاكلين هالدواء
على فكرة الروكتان ينعم ويبيض ((((((((((ويزيد شعر الجسم والوجة ويطلعلك شعر بأماكن ماكان يطلع فيها شعر)))))))))))ولاتهون خلطة ألدوكين فورت طبعاَ تخلي الوجة أبيض ومليان شعر
اللي أستخدمتها تلاحظ هالشي
أسفة على الأطالة أتمنى أنكم أستفدوا ولاتنسوني من دعائكم
يلزم عليك تسجيل الدخول أولًا لكتابة تعليق.
واااااو
•
مشكوره حبيبتي0000وجزاك الله خير
مليحه
•
مشكوره وفعلا اغلب الاعراض لاحظتها على زوجي بس ماكان عنده حبوب شباب كان دني بشكل لايطاق وخفت الدهون بشكككل كبييييير وارتاح شويه ورجعت على خفيف لان طبيعة الجسم كذا ماتتغير يمكن الحاجه تخف لكن تماما تختفي لا
يعطيك العافية على هالمعلومات
وانا كمان استخدمتها بعد الولادة 3 شهور وبطلتها لاني خفت اني احمل فوق اللولب وساعتها لا بشرة ولا غيرها بتنفعني اذا تشوه الطفل
وانا كمان استخدمتها بعد الولادة 3 شهور وبطلتها لاني خفت اني احمل فوق اللولب وساعتها لا بشرة ولا غيرها بتنفعني اذا تشوه الطفل
مشاء الله عليك تبارك الله انا استخدمتها ماجابت نتيجه مره عادي خفت الحبوب شوي بس مع اني طولت استخدمها الله يعين
الصفحة الأخيرة