معلمة متدربة :

طيب حبيبي ... ليش واجهتوها ؟؟انتم الان خليتوها في موضع الدفاع عن النفس ...احرجتوها وقامت تبعد هذا الشيء عنها .. ترى عادي لو سوت كذا ..يفترض انكم طنشتوا الموضوع وسويتوا نفسكم ماشفتوا .. لانها جتكم في بيتكم ولمحت لكم انها فيها عين .. مافهمتوا تلميحها ( كان من الافضل انكم اعطيتوها قشر الفصفص او توضيتوا واعطيتوها الماء ) عادي يعني ايش المشكلة ؟؟ العين تجي من الانسان طبيعي جدا العين حق .. وحتى تجي من الرجل الصالح .هذه العين ..ممكن تجي من الاخت او الام او الاب بدون تعمد ... عادي جدا لكن الحسد مختلف اللي هو تمني زوال النعمة ..يعني مقصود هذا محرم. ترى كثير من الناس في اجتماعات الاستراحات ياخذوا من بعض اثر الغسل والفناجيل والكاسات وهم يضحكوا ,مافيه زعل ولا حاجة ,,متفقين على هذه الطريقة بشكل عام بدون ما يخصصوا شخص معين انه حسدهم ..يعني ياخذوا من الجميع .. الان انتم عقدتوا المشكلة .. بصراحة تصرفها هي سليم :يمكن شافت رؤيا يعني تنبهت في الحلم ( جت وزارتكم بكل ادب واشتكت لكم , واخذت بكل ادب من الدربزين وحتى ما حبت تجرحكم او تسبب حزازيات ,,سوت نفسها تتكئ على الدرج ) لكن لما حسستوها انكم شفتوها وانها مخطئة .. اندفعت وسبتكم ...صح ؟؟ هنا بعد هي اخطات .. عموما : انتم اخوات ومن بطن واحد سواء من الام او الجدة.. غلط تحرجونها ..ياناس لموا الارحام على بعض وتغاضوا عن الهفوات البسيطة .. ترى هذا الجيل يخوف اذا كنا احنا نسوي كذا ؟؟ كيف جيلنا وجيل ابنائنا وجيل احفادنا ؟؟ انتي حبيبتي تخيلي نفسك مكان جدتك اللي انجبت امك وخالتك : لو انها تدري عن هذه الاحداث هل يسرها الشيء ام يضيق صدرها ؟؟ تخيلي انتي بعد تقريبا 50 او 40 سنة اواكثر.. بناتك واخواتك وبناتهم يرضيك يحدث كذا بينهم ؟؟ ..ياناس هذا خطر ,, تحملوا بعض وتنازلوا شوي عن الاخطاء .. اتمنى تكوني فهمتي يالغالية قصدي .. وادعي الله ان يريك الحق حقا ويرزقك اتباعه ويريك الباطل باطلا ويرزقك اجتنابه . ان اريد الا الاصلاح ماستطعت وما توفيقي الا بالله ..

طيب حبيبي ... ليش واجهتوها ؟؟انتم الان خليتوها في موضع الدفاع عن النفس ...احرجتوها وقامت تبعد هذا...