كل وحدة تدخل وتكتب طريقه حشوها لسموسه حتى الكل يستفيد ولكم دعوات عن الافطار

وياليت كل وحدة تكتب لنا طريقنه ترتيب السموسه

هذي انا دايم اسويها وافضل شي وهي حاااااااااار يادوب مطلعتها من الفرن


سمبوسة البيتزا
جبن مزارولا مبشوره كوب
جبن كرفت ازرق علبة وسط مبشوره
كوب زيتون اخضر الشرايح بس نفرمه خشن
بصله متوسطه مفرومه ناعم
حبة فلفل اخضر مفرومه ناعم
علبة مشروم مفرومه خشن شوي
رشة اوريغانو
تخلط مع بعض مثل السلطه
وتحشى بالعجينه

لذييييييييييييييذة



يالله وينكم جعت ههههههههههههههههههه

حشوة سمبوسه لذيذه
جبن كرافت مبشور
شبت مقطع صغار
وكزبرة مقطعه ضغار
تخلطينهم مع بعض بهدين ترشينها بفلفل اسود
اكليها وادعي بتيسير دراستي ويسخرلي

انا بصراحه احب الحشوة الكلاسيكيه بس دجاج وجزر وبطاطس صغااااااااار انا عندي كذا تاخذ العقل
وامي يعطيها العافييييييه مررره يحبون الناس حشوتها كل من ذاقهاااا انهبل عليها

وهي ....بصل وثوم محموس ثم اللحمه فوقها حتى تسوي ثم البهارات والملح وفلفل اسود
تطفي عنها وتكون مجهزه خضرة صغيره مقطعه ومقلييه (بطاطس وجزر وفاصوليا)
ثم الكزبرة وبقدونس وبصل اخضر مفروومين نااااعم وشوية شبث
وامي تحبها حااااره فاتضيف معها فلفل مفرووووم
تحشيها وتقليها

الحشوه اللي دايم نسويها حشوة اللحم المفروم
وطريقتها ذكرتها الاخت الورد الخجول
والطريقه الثانيه وهي حشوة الدجاج مرررره لذيذه
يسلق الدجاج ويقطع قطع صغيره
يحمس البصل بشوي زيت وشوي ثوم اذا حبيتي
ونضيف له فلفل رومي وشوي فلفل حار نحركها شوي عالنار ليما يذوب الفلفل
بعدها نضيف البهارات(( كمون _فلفل اسود_زنجبيل مطحون_بهارات مشكله_كركم))
ونضيف له الدجاج ونحركها مع بعض ونغطيها 10 دقايق بس وبعدها نحشي بها السمبوسه
وندهن السمبوسه بشوي زيت وندخلها الفرن جدا لذيذه جربوها وادعولي

وفيه بعد حشوة الجبن السايل مع الزيتون الاخضر والاسود لذيذه