الحمل بعد الاربعين

انا احس الحمل واحد بعد الاربعين ولاقبل المهم انك تهتمي بغذائك وبنفسك وبحركتك لانو اكيد جسمك اضعف من وحده اصغر
انا الوالده الله يحفظها ويخليها لنا حملت بعد الاربعين والحمدلله جابت لنا اخت واصلاً ماحسينا بحملها واختي ماشاء الله عليها مافيها اي شي وهذي الان عروس وست البنات
فماتخافي ووكليها ع الله وراجعي عند دكتوره شاطره

حبيبتي اهم شيء انج تتابعين الحمل ، وتعملين تصوير خاص بالموجات فوق الصوتيه بين الاسبوع ال١٣ والاسبوع ١٦ علشان تتطمنين انه الطفل طبيعي ، لانه بعد سن الاربعين تكثر المشاكل والتشوهات في الأجنة ، بس اذا عملتي التصوير وكان كل شي أوكي ، فان شاء الله حملج بيمر بيسر وسهولة ، ولا تنسين عمل فحص السكري ضروري جداً

عادي جدا الحمل في سن الاربعين الى 48
اصلا هذا السن طبيعي تحمل فيه المرأه 
وتجيب 4اطفال و5 واكثر بعد 

استغرب منكم
الا اذا كنتي تقصدين انه خلصتي الاربعين ودخلتي في الخمسين 

وبرضو كثير اعرفهم حملوا واعمارهم بين 49-53 
وجابوا اطفال طبيعين جدا 


توكلي على الله هذا رزق يتمناه الكثير من النساء
وادعي ربك يكون متعافي

ولاتهملي المراجعات والكشوفات
والله ييسرلك

يانااااس وش هالخرافات مانزل الله بها من سلطان
كلام الدكاترة يسوي فيكم كذا كلام الغرب ينسيكم كلام ربكم

الله عزوجل هو من يحدد لنا وش نجيب مو السن
كم بنت توها باول العشرينات جابت مشوهين ومعاقين
وكم ام من امهاتنا الاولين ماوقفت خلفه الا يوم وقفها الله بعد سن الاربعين والخمسين وكل عيالها رجال وحريم مافيهم شيء
ماشوف امهاتنا واقاربنا من العجز وقفوا حمل عشان كلام الدكاترة الغربيين تقل هم يعلمون العيب
التشوهات والاعاقات مو بالسن هذا من الله يرزق من يشاء الصغير والكبير
بس مايعرفون الدكاترة شيء من علم الغيب ينسبونه للكبر

ياختي احملي وثقي بربك مو بكلام الغرب اللي مايدخل لا جنه ولا نار يمكن يدخل نار بس مايدخل جنه :D

وين فوضوا امركم لله وين توكلوا على الله
قال تعالى {وَمَنْ يَتَوَكَّلْ عَلَى اللَّهِ فَهُوَ حَسْبُهُ } وقال تعالى، {فَتَوَكَّلْ عَلَى اللَّهِ إِنَّكَ عَلَى الْحَقِّ الْمُبِينِ}


لاتوقفين عن الحمل جيبي الين الله يوقفك
بنات عمي ماتزوجوا الا بسن الثلاثين وماشاءالله فوق الاربعين وهي تحمل وتجيب وتوم عشان تلحق عمرها وماشاءالله تبارك الله كلهم يهبلون ماشاءالله ماراح توقف الا اذا الله وقفها
وامي ماوقفت حمل الا يوم وقفها الله

اكيد عادي
خديجه بنت خويلد مرت الرسول عليه الصلاة والسلام كم عمرها لما أنجبت السبعه!
أهم شي دعاءك
ثم تابعي