لان الشرع ماحدد اللون الاسود
اهم شي تكون ساترة وماتلفت الانتباه
يمكن هنا يكون الاسود يلفت الانتباه اكثر
لكن في ديرتنا بالعكس تلقين اللون مثلا البيج يلفت الانتباه



ولانه هنا مايعرفون الحجاب بالذات اللون الاسود
لاتقولون منتشر ..والكل صار يعرفه
الى الان مازال الحجاب شي غريب عند اكثر الناس
لكن في السعودية متعارف عليه فعادي يعني





اما بخصوص لو فيه مصمم ياليييت كان ماتعبنا لاجينا نسافر

ابرجع مرة ثانية عشان اقولك

الستر والتعفف تقرباً الى الله وليس خوفاً من الناس ...

انا في ديرتي حتى عيني اغطيها عن الناس ..
بس هني في الغربة لبست نقاب وعباية كتف كله اسود بأسود .. والله احس فيني شي غلط من اطلع، شي ناقص مني !!

خلوا اللي يشوف يشوف .. يعني هم كل واحد او وحدة يلبسون لهم هالصليب عندهم انهم يمثلون دينهم .. وما يهمهم غيرهم من الديانات يشوف او مايشوف.. بكيفه اليهودي وبكيفه المجوسي وغيرهم .. خلاص عندهم مسيحي وغصباً عن الكل !

بالعكس اشوف كثير من الاجنبيات من يشوفوني يفرحون يعني علامات التعجب والتقدير واضحة في عيونهم .. وكم وحدة كلمتني انها مستانسة حيل مني واذكر ايطالية وقفتني وقالت لي انا واثقة انج حلوة مع اني مااشوف ويهج .. واني احترم الاسلام لهالشي وتقديرهم للحريم .. وتقربج الى زوجج بهالشي .. قلت لها انا عشان ربي مو عشان زوجي اسويه .. تقول وهذا افضل بعد !
ووحدة في السوبر ماركت وقفتي تقول لي ذكرتيني بأيام حلوة يوم كنت بالسعودية زوجي يشتغل هناك وكانوا الحريم هناك كلهم يلبسون جذي .. > مع اني مو سعودية بس لان اشكالنا وحدة احنا الخليجيات ..

وغيرها وغيرها كثير ..

يعني من نصادف مواقف اللي ينظرون بحقد او تعجب وكذا .. بالمقارنة مع مواقف اللي يحترموننا ويقدروننا فالمضايقات ذيك ننساها وما تسوى شي !
يعني ماراح ينقص من طولنا نص شبر لو طالعونا بحقد !!!!
خليهم يطالعون من اليوم لين باجر .. والله انا اسوي نفسي ولا كأن احد حواليّ !! > ومرة هالشي زاد من حقد بعضهم بس ماقدروا يسوون شي هههه احسن عسى يحترق قلبهم ..

***

بالنسبة للمصمم ،، فيه بتركيا كثيير مصممين ازياء اسلامية .. وازياءهم والله اشوفها حلوة .. بس مستحيل ألبسها !!

الله يثبت قلوبنا على التقرب له من خلال سترنا وعفافنا حباً وخوفاً من الله .. موب من الناس ..

بالنسبه لي البس البيج واي لون المهم تكون ساتره
او الجاكيت الطويل


ارحم من العبايات السوداء اللي طالعين فيها اللي تقولين فستان زواج


ربي يثبتنا على دينه

قصدج فساتين الزفاف صارت ارحم من عبي الكتف هالايام .."اذكر ان فستاني كان ناعم مايوصل مواصيل هالعبي" :p
الله لا يبلينا نلبس وحدة ويسخر منا اللي يسوى واللي ما يسوى ..

انا البس بني وبيج ورمادي مع طرح ملونه وما جربت الاسود ولا افكر اجربه احسه ملفت للانظار فملون احسن هذا احساسي