فكره حلوه للمحافظه على الاكل

الملتقى العام

بسم الله الرحمن الرحيم..
السلام عليكم ورحمة الله وبركاته..
اتمنى الجميع يكون بخير ..وهو يقراء ماكتبته..

يابنات ياحلوين ..أنا لاحظة شئ تدمع له العين ..يضيق صدري بشكل ماتتوقعون مدري يمكن لاني متعوده على هذه الشئ
المهم هو بعد الانتهاء من الاكل اشوف ناس كثير على طوووووووول على زباله ..او في الثلاجه لم يعفن واذا عفن كماان على الزباله..يعني كل الطرق تؤدي لزباله (اعزكم الله)

من يوم عرفة نفسي ..وأهلي وامي الله يخليها تسوي هذه الحركه..والحمد الله مرره حلوه ومفيده بجد..

علمت وحده من قريباتي هذه الطريقه يوم سوتها قالت وينك عني من زماان ..تقول أرمي النعمه وقلبي معها مدري
إيش أسوي فيها
الطريقه:
جيب لك كيس وحطيه في مطبخك إذا خلصتي من ضف السفره إجمعي الأشياء الساقطه من الأكل..وحطيه بالكيس..وكل يوم غيري الكيس
جيبي كرتون وحطيه في الحوش أو أي مكان المهم يكون قدر الأمكان خارج البيت ..
كلما امتلى الكيس إلي في المطبخ فضيه في الكرتون إلي في الحوش مثل ماقلت قبل..
الفائده:
1-تأكل الطير والعصافير منه يكون لك آجر إطعام ولا تنسي حديث الرسول(" في كل كبِد رطبة أجرٌ".)(متفق عليه)
2- وهو أاهم شئ انو النعمه تكون مكرمه ولا نضعها في الزباله في الوسخ مهما كان ولو فتات الخبز
والله غيرنا يتمنى يشم ريحته موب يأكل وحنا الأكل في زباله وفي الشوارع ..كرمو النعمه..
الذي اعطاك النعمه قادر على إزالتها..
3-فيه قطع كبيره من الأكل ويمكن الطير مايأكله..كمان مافيه مشكله ..جيبي كيس
وفضي الكرتون فيه..إربطي الكيس وطلعيه في الشارع ..فيها ناس يأخوذها لغنمهم(الماشيه)..واذا بغيتي تبعونه كمان موب مشكله..في ناس تشتري للماشيه حقتهم ..عاد أنت اختاري
والله ماكتبت هذا الموضوع إلا من كثر القهر فيني اشوف اي شخص يرمي الاكل ويوطيه برجله..وانا اغمض عيوني
بناااااااااااااات أتمنى تنشروا الموضوع قدر الامكان إنسخي الموضوع وأرسليه عبر الإيميل عشان تعم الفائده وتذكري(أن دال على الخير كفاعله)..
وان شاء الله تعجبكم الفكره وطبقوها
ولي عندها اي اضافه ياليت تفيدنا
ماابغى إلإ دعوه في ظهر الغيب...
منقووووول..
5
773

يلزم عليك تسجيل الدخول أولًا لكتابة تعليق.

تسجيل دخول

متفائله رغم الهموم
جزاك الله خير.....والله انا الخبز حاطة له سلة خاصة لكن المشكلة في بقايا الرزوالاشياء السائلة ؟؟؟؟؟
XالزعيمهX
XالزعيمهX
جزاك الله خير
اثير الورد
اثير الورد
مشكورة الله يسعدك والله حالة تضيق الصدر صدقى
**أم عزو**
**أم عزو**
موضوع مهم وبقول لكم طريقتي اجمعه بكيس بالفريز
وبعد فتره ياخذه ابو الشباب للبر
بنتي هي دنيتي
بنتي هي دنيتي
موضوع مهم وبقول لكم طريقتي اجمعه بكيس بالفريز وبعد فتره ياخذه ابو الشباب للبر
موضوع مهم وبقول لكم طريقتي اجمعه بكيس بالفريز وبعد...
طريقتك حلوه
وكنا نطبقها
واللحين الحمدلله جارنا راعي ماشيه
نجمعها له وياخذها
والحمدلله