ولله ولله بحاجه لكم

والله انا مو من جده



بس حبيبتي ليه ربط المعده ناس وزنهم اكثر منك بكثير ونحفو بدون عمليات



لاتتهوري فكري واستخيري

ولاتزعلي اني اقول رأيي ترى والله من خوفي عليك لان كل اللي في المنتدى اعتبرهم اخوات لي

والله يعينك ويساعدك

شكرا حروف قلبي
بس انا ماقدر اسوي رجيم ماعندي عزيمة
كذا مره سويت وفشلت
وحلم حياتي اصير وزني 55 كيلو

البندري بقولك شي حتى ربط المعده يبيله اراده وتحكم بنوعيه الاكل واسالي الخبيرات

الي يفيد باذن الله عمليه تحوير المعده لكنها خطره ولا اتمنى لاحد انه ينحد عليها وهي ميزتها

انه اي شي تاكلينه يروح للامعاء على طول بس كمان تحتاجين تخففين كميه الاكل عشان

ماتتعبين سوي بحث هنا وبتلاقين تجارب كثيره لكن صدقيني الربط لازم معاه ريجيم

ربط المعده امر يساعدك على السمنه بس ماينهييا الى الأبد انا مسويته وبعد سنه واكثر رجعت 10 كيلو من وين ..من التخبيص

مع ربط المعده يلزمك ريجيم دائم وتحكم بكمية الأكل

اسألي الله العون والعزيمه والقوه واستخيري قبل ماتبتدين...

انا اعتبرها عامل مساعد بس ماهي حل نهائي...ومع كيذا ناس كثير اعرفهم استفادوا من العمليه وانا شخصياً نزلت 35 كيلوا والحين زدت 10 كيلوا

احسن الدكاتره ما اعرفهم بجده

بس بتستفرغين كل ماكانت لقمتك كبيره او مامضغتي كويس وبتنحرجين في المطاعم والعزايم لأنك بتستأذنين للحمام كل ماغصيتي بلقمه

وبتظطرين تتحايلين على هالحزام بشرب مشروب ساخن لتسهيل البلع وهنا بيرجع وزنك

اذا بتسوينها بترتبطين بنظام السوائل مدة شهر وبعدين المهروس..وبعدين يلزمك المضغ الجيد وتصغير اللقمه وتاخذين وقتك في الأكل وتمتنعين عن السكريات والدهون..وتمارسين رياضه عشان تحصلين على جسم يرضيك ويبعدك عن الترهل

من الحين اقولك

جربي نظام عدم الأكل بالليل واشربي منقوع اعشاب
ومنها هذا

زنجبيل طارج مقدار ملعقتين مبشوره
كمون حب كلعقتين
كمشه صغيره نعناع
وشاي اخضر

انقعيهم في ماء دافي والأفضل ترمس

من الصبح فكي ريقك على كاس ماء بحرارة الغرفه واشربي من المنقوع..وبعد نص ساعه افطري وابدي يومك..واشربي منه بعد الأكل بساعه او ساعتين...وفيه ناس جربوا يشربوه قبل الوجبه ب20 دقيقه

وانا منهم

نطي الحبل

امنتنعي عن الغازات تماماً

استبدليه بعصير انانس خالي من السكر مع نصف ليمونه معصوره مع الأكل

ان قدرتي لا تاكلين ولا تشربين الا بعد 2 ساعه من الأكل

وبتشوفين تغيير جذري بوزنك وصحتك

الله يوفقك ويختارلك اللي فيه صالحك

نسيت اقولك
ان الله اراد وسويتي العمليه لا تستهيني بالماء والمنقوع وعصير الأناناس بيساعدك كثير بعد الله


وان كانت فصيلة دمكo انصحك ابتعدي من الخبز والمعكرونه والرز..والسكريات

وهالله هالله باللحوم والجبن اي نوع والخضار

ونامي وانتي جوعانه وشرط تصيرين مانيكان