سبحان مغير الأحوال لله الامر من قبل ومن بعد آمنت بالقضاء والقدر

السلام عليكم ورحمت الله وبركاته
وانهدم بيتي :icon33:
خلاص قررت اخذ عفشي واروح لاهلي:44:
بعد عشرت خمس سنوات ونتاجها بنت وولد اكثر شي حرقني الأولاد ًبس الى حد هنا يكفي إهانات سبحان الله كانت حياتنا هادئه فيها مشاكل بس مو هذي التافهه الهادمه (رب كلمة تهوي بصاحبها سبعين خريف في النار) في يوم جميل واحنا رايقين أنا وزوجي كلمني انه يبغى اختي لاخوه من حبه لي وانا ايدته وتمت الخطوبة ولكن جاء الرد من اهلي بالرفض مع خالص الاحترام لان اهلي يحبونه ولكن هو بدا العداء لي ولاهلي انقلب 390 درجة صار مايطيق يشوفني ويسب ويشتم وغير انه من كثر ما سب اهلي والله كفرهم والله أني لما وافقت على الخطوبة شرطت ان حياتنا ما تتأثر مهما كان الرد قال أكيد وطلع كل الوعود في الهوى :mad:
ومنعني من اهلي
 وآخر قرار انه لو زارني أبوي يبي ينادي الشرطة وش رايكم
طبعا أنا زعلت + زعلي من اول وسكوتي على الإهانات سبب انفجار واخذت أولادي ورحت لاهلي ورجعني الوالد وماصدقني اااااااه وتأسفه من زوجي واصلح بينا يحسبه رجال على العهد ورجعني زوجي ويسب في أبوي تخيلو
قليل الشيمة وصبرا صار يعاملني مثل الشغالة
اخر شي لي من اهلي شهر ونص ترجيته اشوفهم قال خلاص اخوك يجي يأخذك ورحت وجاني اليوم الثاني الظهر
ويقول خلاص انسي اهلك من زينهم وأبوك والله ليشوف المستشفيات اللي مايعرفها نفسي اعرف وش سوى أبوي
المهم سكت واخذت قول المثل مالك الا خشمك ولو كان اعوج بس ترى مو دايم ينفع
راجعت نفسي وقلت العمر واحد وانا لي اربعه شهور على إهانات وهو ولايندم حتى ولايحس حاكرني في البيت :09:
وقلت لو شتمني والله ما اسكت وقررت أصير قويه
ورجع من سهرته مبسوووط يبغى يكمل وناسته ويسب فيني كالعاده ويحسبني اسكت قال وش فيك قلت ما فيني شي قال وليش تردين بقلة أدب وانفجرت
واخذت اغراضي وقلت ودني عند اهلي او بروح قال انقلعي وورقتك بتسبقك قلت والله الفكه منك غنيمة
الحمدلله على قضائه وقدره والله أني ما حزنت عليه الحمدلله لأني قلت العمر واحد وما يستاهل اصرفه عليه خليه لطاعه الله
وش آرائكم وآسف للاطاله بس أبغى افضفض الحمدلله الذي له ملك السموات والارض يغير ولايتغير مايبقى على حال واحد الا الله :26: 
الايمان بالقضاء والقدر مهم جداً وهو يخفف من صدمة وقع المصيبة