بنات الموضوع كان رد لعضوة هنا اسمها انثى بس مافعلت خاصية الرسائل وقلت بنزل تجربتي عشان الكل يستفيد خاصة اني سألت ولا حد عطاني وجه
انا طبعا سويت ليزر في الزلال 3 مرات وهذي الرابعة بس هذي اول مرة اسوي بيكيني ذاتي "يعني انا اسويه لنفسي"
وعليكم السلام ورحمة الله وبركاته
هلا اختي توني جايه من موعدي عملت فل بدي بدون الظهر والصدر لان ماعندي شي بالنسبة للمنطقة الحساسة قالت لي الدكتورة خلي الجهاز عامودي على الجلد لا تميلينه واكبسي على الزر مرة وحدة مو اكثر ولا تعيدين على المنطقة مرتين عشان ماتحترق وامشي من اليمين لليسار بعدين العكس من اليسار لليمين لين تنتهي الجبهة اللي هي المقدمة وانتي واقفة "انا بصراحة يوم جلست لحالي سويتها وانا جالسة ومامشيت من اليمين لليسار كنت مرتبكة مررررة "
المهم هم يعطونك موس ومرايه وكريم وقلم تخطيط وكل شي بس انا اصلا قبل ما اروح تسبحت ونظفت المنطقة زين ونشفتها وحلقت وخططت يعني قسمتها على شكل مثلث كبير وفيه علامة زائد بعدين قسمت الى مربعات صغيرة عشان اعرف انا وش خلصت منه طبعا عملتها بقلم ابيض تبع العيون المهم اذا خلصتي الجبهه وبقي المنطقة الداخلية جيبي المراية وسنديها على ظهر السرير وانتي اجلسي مقابلها يعني على طرف السرير واجلسي جلسة تريحك والممرضة قالت لي حطي منديل على المنطقة الداخلية اللي هي الطرية او غطيها باصبعك السبابة وشدي الشفرة بالابهام ماادري فهمت علي ولا لا " وباليد الثانية استخدمي الجهاز ببطء لين تخلصين
بس انا ارتبكت مررررة اول شي لان الخطوط اللي رسمتها بعضها انمحى ثاني شي لاني اول مرة اسوية وخايفه ثالثا ما طالعت بالمراية ابد تصدقين كل شي قالته الدكتورة والممرضة نسيته وماسويت الا 40 ضربة وبصراحة ما عرفت اسوي اللي ورا دافعة ولا عرفت :unhappy: بالنسبة للألم عادي تتحملينه بالرغم اني ماحطيت املا لانهم يقولون اذا خوافة حطيه واذا على مسالة ينفع للبنت او المتزوجة اقولك ماله علاقة هذا تأيره على الجلد فقط اللي هي الادمه امن ان شاء الله النتيجة بدري اقولك خليها بعد كم اسبوع ان الله اعطانا عمر بس البنات مررة يمدحونها انا سويتها على كلامهم
ايه بنات باقي بعض الملاحظات على العيادة اول شي زحمة وبقوة ثانيا ماعملوا لي تخفيض عملتها ب2200 مع ان هذي رابع جلسة ثالثا طلعت من غرفة لغرفه عشان شي ضوء وشئ ليزر بس اللي قهرني انها طلعتني عشان تدخل وحدة تبع الضوء تقول معليش مدام بس انتي بنطول هذي سريع والجهاز الثاني خربان
والممرضة كانت حبيبة بس مو بروفيشنال لي حبة خال دايم يغطونها بقطعة خشب صغيرة قبل ماتمرر الليزر عشان ماتتحول لخلايا سرطانية بس هذي ضربتها ومشت
النظافة مو ذاك الزود مدري وش سالفتهم يمكن عشان زحمة مع اني دايم عندهم ماكانوا كذا ابدا
الدكتورة حبوبة وعسل هي مصرية بس ما اعرف وش اسمها
وبس ياحلوات هذي خلاصة تجربتي ان شاء الله تستفيدون وادعوا لي بالرجل الصالح والذرية الصالحة واي استفسار انا حاضرة
غادة انا @ghad_ana
عضوة نشيطة
هذا الموضوع مغلق.
اسماء الرياض
•
أنا اروح ادمه أحسن
امنيتي أشيل المنطقة الحساسة ذاتيا ,,,, بس كل اللي شالوا ذاتيا يقولون ماعرفنا وطولنا !!!! وانا مستحيل أخلي ممرضة تقرب من المنطقة الحساسة ,,,, أحس بتجيني عقوبة ومابتهنى في الليزر !!
تسلمين حبيبتي على ذكر تجربتك .
أنا شلت ليزر فل بدي بدون الظهر والصدر والبطن , عند جوفا .
تسلمين حبيبتي على ذكر تجربتك .
أنا شلت ليزر فل بدي بدون الظهر والصدر والبطن , عند جوفا .
fofo150
•
السلام عليكم اختي يسلمو كثيييييير على الموضوع المفيد كنت ادور عليه لي سؤالين مهمين ياريت تجاوبيني لاني ناوية ان شاء الله اجيب ليزر السؤال الاول اقدر اشيل المنطقة الحساسة كلها بالليزر بدون مااقرب على اللحم الي داخل طبعا وثاني سؤال انا في جسمي شامات صغار اقدر امرر الليزر عليهم ولا ابعد عنهم واغطيهم وشكرا
الصفحة الأخيرة