بسم الله الرحمن الرحيم ,,
السلام عليكم جميعا ,, ببدأ بتعريفكم فيني
أنا عضوه معروفه هنا تجاوزت مشاراكاتي الـ 3000 مشاركه وما كتابتي بهالمعرف الا لمعرفه اقاربي واخواتي واخوات زوجي بمعرفي الحقيقي ,, فاحببت ان اسجل بمعرف آخر بايميل شخص يعز علي لاني لا املك الا ايميل واحد ,, الطريف في الامر انه عند التسجيل يكتب لي ان الايميل مسجل به مسبقا فقمت بطلب استعاده كلمه المرور عن طريق الايميل وتفاجات بالتسجيل القديم والحمدلله ان المعرف مهجور فأتستوليت عليه ههههه ,, واشهد الله وملائكته ان كل ما ساكتبه في هذه القصه احداث حقيقيه حصلت لمن تخط بيدها على الكيبورد ,, طبعا ساقوم بتغيير بعض التفاصيل البسيطه التي لا تغير في جوهر القصه للاسباب نفسها ,,
و سأكمل القصه بالعاميه وبلهجتي لانها اسهل واوضح ,, وشكرا مقدما لكل من فتحت موضوعي
انا متزوجه منذ فتره ليست بالطويله ,, والحمدلله من الله علي بالخلفه ,, انا عاطله و زوجي موظف في مكان مختلط ,, فيه من النساء والرجال من جميع الجنسيات العربيه والاجنبيه والشرق اسيويه و من كل بحر قطره ,, تزوجته وانا عارفه بهالشي وللان ماعندي مشاكل بخصوص هالشي والحمدلله
حياتنا مستقره نوعا ما ,, نحب بعضنا ونحترم بعضنا ونحاول مانقصر في بعض ,, الا من ناحيتي انا في العلاقه الحميميه الخاصه ,, أنا اكرهها وما احبها ,, نعم للاسف ما احب العلاقه الجنسيه والله وحده عالم بالاسباب ,, انا صحتي كويسه و زوجي كمان ,, احب اوضح لكم اني استثار بشكل طبيعي مثل كل الزوجات لكن وقت العلاقه تروح الاستثاره وتتبدل مشاعري فجاه وتطفي رغبتي ,, طبعا هالشي يبان علي رغم اني احاول كثير ما ابينه لكن ما باليد حيله
طبعا هذا فيض من غيض وهذا بعد ماتسهلت اموري وسويت عمليه فض البكاره بالمستشفى ,, نعم ولا تستغربو هالشي بعد زواجي بست اشهر سويت هالعمليه بعد ما باءت كل محاولاتي ومحاولات زوجي بكل الطرق الممكنه وغير الممكنه ,, وكان السبب من ناحيتي اكثر شي كنت اخاف جدا جدا من المحاولات وابكي واصارخ ,, احس الان لما اتذكر الاحداث اننا كأننا كنا معميين او مربوطين مدري كيف ,, اقول معقوله زوجي ماقدر يسوي لي هالشي وانا كمان ماقدرت اتحمله !! مع العلم ان زوجي صحيح جسديا وجنسيا ومايعاني شي الحمدلله وانا كذلك
آآه سنوات مرت من زواجي كنا يومي نختلف ونتهاوش على موضوع العلاقه الحميميه وما اخفيكم كانت سبب 99 بالميه من خلافتنا ,, طبعا باليوم الواحد نتهاوش اربع خمس مرات ,, وعلى نفس السبب ,, زوجي يبغى العلاقه وانا مو قادره اعطيه ,, اخاف اتضايق ما استمتع واثناء العلاقه افكر واقول متى ينتهي !! اسفه على التافصيل الجريئه لكن حالي حدني غصب اتكلم
الوضع الا الان مثل ماهو ,, يمر شهرين واحنا تجامعنا مره وحده ,, وتكون بالمضاربه بعد ما يستعمل معي كل اسلوب الين يطفش واجاريه عشان احبه واحسه اوقات بينفجر من كثر ماهو محتاج هالشي ,,
امنيه حياتي اكون مثل بقيه الزوجات ,, يجي اوقات اكون انا اللي ابيه مو العكس ونمارس علاقتنا بشكل طبيعي مره بالاسبوع ,, ابي بس مره بالاسبوع تكفي والله و زوجي حبيبي بيكون مبسوط
اللي عندها حل لهالشي تفيدني الله يجزاها الجنه ,, وللعلم هالشي من بدايه زواجنا يعني ما اتوقع يكون ملل وفتور طبيعي ,,
نجي للب الموضوع واللي فوق كان بس مجرد تعريف بالوضع بيني وبين زوجي ,, ويشهد الله علي ان القصه اللي بأحكيكم اياها الان انمسحت تماما من بالي الا قبل يومين بالتحديد وانا افكر بوضعنا جات هالحرمه ببالي فجاه وتذكرت اللي سوته فيني والله حسيبها ,,
كان لزوجي صديقتين مميزتين جدا عن بقيه زملاء العمل واثنينهم **** ,, وحده فيهم مسلمه متدينه والثانيه مو متأكده لانها ما تتحجب ,, طبعا هالشي من قبل زواجنا فلنقل وحده منهم اسمها سارا والثانيه نيرما ,, نيرما احسبها والله حسيبها شديده التدين وحتى حجابها مثل حجابنا احنا يا السعوديات نقاب وكانت صديقتي انتقلت صداقتها من زوجي الي واعزها جدا الله يوفقها وين ماراحت ولها مواقف مشرفه معي ويكفيني وقفاتها معي يوم ولادتي العسيره ,, طبعا هادي متزوجه وعندها اولاد **** وسافرت ليلدها من غير رجعه الله يوفقها
اما سارا ,, آآه منك يا سارا ,, الله حسيبك ان كنتي ضريتيني انا او زوجي بشي والله لا يوفقك لك درب تمشيه ,, سارا كان زوجي متعلق فيها بشكل مستفز غريب ,, جات مواقف كنت احسها طبينه ,, بعد اسبوع من زواجنا اخذني زوجي اسلم عليها واتعرف عليها وكان لقائي الاول فيها غريب ,, انا عروسه ادلل نفسي بنفسي ,, اخدني زوجي يومها لمكان عمله و دخلني مكتبه ,, جاب لي كوفي وراح ,, انا وقتها كان معي نوع شوكولاته فاخر احبه بشنطتي ,, وكنت اعرف ان سارا كمان تحب هالشوكولاته ( من كثر كلام زوجي عنها وش تحب و وش تكره وكيف انها كانت ترسله يجيب لها هالشكولاتات من محلاتها حتى مطعمها المفضل اعرفه وطبعا زوجي ما يقصر الظاهر يوميا وهو جايب لها منه ) كان يحبها ويخدمها بشكل غريب ,,
على دخله زوجي وسارا علي بالمكتب كنت مطلعه هالشوكولاته من الشنطه لسى ما فتحتها ماسكتها دخل زوجي و دخلت وراه وخطف الشكولاته من يدي واعطاها لها !! عرفنا على بعض وسلمت عليها
برضو راح زوجي وتركني معاها واخدتني هي تسحبني من مكان لمكان وانا مثل النعجه وراها وتمشي بالقسم وتعرف علي الين دخلتني مكتب كله سعوديات انا انحرجت حييييل وهي تبربر وتطلعني وتمشي فيني ممرات وغرف الين دخت ومعد سرت اعرف انا من وين جايه ,, وهنا اختفت كانها فص ملح و ذاب وانا الف والف وادور ( هالمكان مافيه شبكات جوال ) الين بصعوبه لقيت طريقي وانا كل من مر جنبي سالته عن مكتب فلان ( زوجي ) الين وصلت له والقاها هناك جالسه عساها البلا و زوجي واقف ع باب المكتب ,, قلت له ضعت من اول ادور مكتبك ,, طبعا هو ماتوقع اني تايهه ع باله اني مثله حافظه المكان وطبعا ما انصفني منها
شوي اخذني زوجي نفطر بالكافتريا حقت مكان عمله ,, وتكفلت هي بالفطور لان هي شغاله بالمطبخ حق مكان العمل
مر اسبوع على هالكلام الا وهو يبدا اسطوانه جديده ,, يبغى ياخذ البوم صور زواجنا يوريه سارا ,, وبدا الزن وانا رااافضه تماما ,, كل يوم يزن و يزن سارا تبي تشوف صور زواجنا قلت له وش الفايده خلاص شافتني ويكفي ,, وانا آآه مني لما اتذكر تصرفاتي احس يبيلي تكفيخ ,, طبعا وافقت بعد زن كم يوم وانا للامانه ما كان ببالي شي ناحيتها ما كرهتها الا بعد موقف سوته فيني ,, يعني تقدرون تقولون كنت على نياتي ,,
ويوم الصبح لما جا ماشي للدوام اخذ الالبوم معه ,, جاني البيت بعد نهايه الدوام بدون الالبوم ,, قلت له وينه ؟ قال بشنطه السياره ,, تطمنت وريحت بالي ( ابسط همومي انه يكون ناسيه بالدوام يشوفونه الرجال ) مر كم يوم ما اذكر بالزبط كم ,, اسبوع او اكثر او اقل ما اتذكر بالضبط ,, بس مو بعيد مره ممكن على اكثر تقدير اسبووعين ,, وانا متطمنه ان الالبوم بشنطه السياره ولا فكرت اطلبه منه ,, ولما جا وقت السفر لشهر العسل ,, ومع تفريغ شنطه السياره عشان نحط الشنط طلعه و وداه للبيت ,, انا كنت وقتها بالسياره خلاص ماشيين للسفر لكن قلبي نغزني و قلت لزوجي انا نسيت شي بالبيت بطلع اجيبه واجي ,, وانا اصلا طالعه بتفقد الالبوم لاني عارفه عدد الصور اللي فيه ,, طلعت وتفقدت وعديت وكانت المفاجأه ,, اربع صور لي ولزوجي مفقوده !! انهررررت ,, مو بس انهرت الا طاااار عقلي لان عرفت انها سارا ماخذتها ,, دقيت على اختي منهاااااااره وابكي وابكي واختي بغت تنجلط واحسها انبكمت مو عارفه وش تقول ( دا كله و زوجي ينتظرني بالسياره وازعجني اتصالات ) ونصحتني اختي ما اسافر الين ترجع الصور وهذا اللي سويته
نزلت لزوجي وناديته بحوش الفيلا ( ساكنه عند اهل زوجي ) وانهررررررررت وابكي بصوت عالي وابكي واصارخ وهو مصر انها ما اخذتها وان الصور بالدرج !! آآه بس
وتطلع خالتي ام زوجي ع الصوت واعلمها السالفه وهو يترجى فيني ما اعلم ( شفتو كيف انه خراط ماهي بالدرج وانها ماخذتها وبراضه بعد) بس انا خلاااص وقتها عقلي طار وتنبكم خالتي الثانيه ما تدري وش تقول وهي تطرده من البيت وتقوله لاترجع بدون الصور ( كان وقتها ليل ) وهو يقول شلون اجيبها منها هي الان بالسكن ومقدر ادخل لها واخذها ,, قلت له والله ان ماجات الصور الحين لا اسوي فضيحه ,, واتصل عليها الله حسيبها وقال لها جيبي الصور قالت بكره تاخذها مني ( بارده الوجه ) قلت له الان تجيبها منها مالي خص كيف ,, فكر واتصل على العسكري حارس السكن وقال له خذ الظرف من سارا وخله عندك بكره آخذه منك ( انا طبعا وقتها ماهمني انه يشوف الصور بس همي كيف آخذها منها وقلت اقل الشرين ان العسكري يشوفها ) وانا وقتها مسويه نواح بالحوش ويا خالتي متقابلين بالكراسي ونصيح وقالت لي ولايهمك والله ان ماجابتها لاروح لها بنفسي واهد السكن على راسها ووو وقالت لي بعد هالخبيثه كان فلان (زوجي) كل شوي يقولي يمه انا بتزوج سارا بس ماحد عطاه وجه ,, وقالت كلام كثير خلاني احسها شيطانه وكيف انه يوم ام زوجي تروح تسوي كشوفات تجي سارا وتتميلح لها وتخدمها و كيف تترك شغلها وتطيير لعند ام زوجي بمجرد تسمع انها موجوده مع ان مالها خص بالكشوفات حدها المطبخ عساها الطبخ
طبعا زوجي راح مدري وين الظاهر يم السكن وجانا بعد شوي وهو يقول الصور مع العسكري وانا خلاص تطمنت اهم شي مو معاها ( مع ان لها كم يوم عندها الله حسيبها ) مدري كيف مرت هذيك الليله والصباح راح زوجي وجاب الصور من العسكري ورجعت لي ,, بنفس اليوم سافرنا
سرت ما آمنه على صوري وطلعت من عينه الاولي والتالي ,, و وقتها ايام الخطوبه آخذ مني صور شخصيه لزوم جواز السفر ,, وقال لي بعدها بفتره صورك مع سارا ,, طبعا ما عطيته وجه لان احسبه يستهبل بس بعد هالسالفه رجع لبالي كلامه عن الصور الشخصيه وطربقت الدنيا على راسه وهو يحلف ومصر انه يمزح وان حقين الجوازات اخذو من كل الصور وعجزت الى الان اعرف منه حق او باطل بخصوص الصور الشخصيه واذا كانت معاها فعلا او لأ ,,
اهي الان سافرت بعد هالقصه باقل من سنه والى الان اكره اسمها او حتى ذكراها ,, يارب ان كانت ضرتني فانصرني عليها وان كنت ظلمتها فاصفح عني واغفر لي
الان بنات ايش رايكم بالقصه ,, ولا في الخيال صح ,, هل فيه زوج بعقله يدي صور زوجته لزميلته ؟ لا وتقول له ابغى صور مدام عشان ذكرى ,, من متى وهي تعرفني عشان الذكرى الله حسيبها ,, طبعا اكاد اجزم ان له صور معاها اكيييد هاذي مايبي لها كلام مع انه يقول لا بس كذاب بعينه ,, مثل ما حلف وكذب بصوري
اعذروني بنات على كثر الهذره لان لسى بقلبي كلام وابي اطلعه لكم ,, واللي فيني انا اعتقد بنسبه 70 بالميه انه شي روحي لكن السؤال هل هو منها ولا لأ ,, لان يا بنات تجيني احلام غريبه عن قطط سوداء تحاول تأذيني ذا غير الحيوانات والاشكال الغريبه اللي اشوفها تاتيني مثل ما ياتي الرجل زوجته بالاحلام ,, والله ثم والله ثم والله اني ارى حيوانات من اسد وحمار وارى مخلوقات بأشكال غريبه جدا بعضهم رؤوسه مثلثات وبعضهم اناث الوانهم غامقه مثل العوددي والموف الغامق اراهم يجامعونني في المنام ,, واحس باحساس الجماع الطبيعي وانا نائمه ,, هل هذا هو الاحتلام ؟؟
غالبا ما يجيني هالمنامات بوجود زوجي ,, الا مرتين او ثلاث جاتني هاي المنامات وهو نايم جنبي
افيدوني الله يسعدكم ,, اعطوني حلول ,, جاوبو على اسئلتي ,, والله لادعي لكل من ترد على موضوع لكل من تدعي لي ولو بالغيب ,,
بنت من ذاهب @bnt_mn_thahb
عضوة جديدة
يلزم عليك تسجيل الدخول أولًا لكتابة تعليق.
مترفة
•
الله يشفيك ارقي نفسك وماعليك من السبب هي او غيرها اهم شي تعالجي يمكن عندك حسسسسد لان ا***يموتون على السعوديين
اختي الله يشفيك شفاء لايغادر سقما
انتي وضعك غير طبيعي ويمكن فيك مس او سحر عليك بالرقيه بعد الاتكال على الله واللجوء اليه بتذلل
لاني اسمع واقرا كثير ان اللي عندك مس او سحر
ابدأي الرقيه من الان لاتهملي نفسك
انتي وضعك غير طبيعي ويمكن فيك مس او سحر عليك بالرقيه بعد الاتكال على الله واللجوء اليه بتذلل
لاني اسمع واقرا كثير ان اللي عندك مس او سحر
ابدأي الرقيه من الان لاتهملي نفسك
اقرئي البقره وشغليها بلبيت وخلي زوجك يسمعها واقري على جك مويه واشربي منه انتي وزوجك
طبعا لاتعلميه انك قريتي عليه وكمان بخي منه ع زوايا البيت ومفرش نومك
والمسك الاسود بعد ماينام زوجك ححطي منه
تقربي من الله وتصدقي واذا قدرتوو انتي وزوجك تروحي لشيخ يكون افضل
طبعا لاتعلميه انك قريتي عليه وكمان بخي منه ع زوايا البيت ومفرش نومك
والمسك الاسود بعد ماينام زوجك ححطي منه
تقربي من الله وتصدقي واذا قدرتوو انتي وزوجك تروحي لشيخ يكون افضل
الصفحة الأخيرة