اللي شخصياتها شرقية أو جنوبية شرقيه تدخل

انا شخصيتى شرقية
اهم شى عندى الالتزام بالدين و العادات و التقاليد، اكره الكذب و الظلم
و اكثر شى يزعلنى انه احد ينصحنى بشى لكن هو ما يعمل بنصيحته
اشغل عقلى اكثر من عاطفتى، ارحم اللى حولى و سبحان الله ، افهم من لغة جسدهم
ما احب احد يامرنى بأى شى ، كنت عنيدة لكن الحمد لله هذه الصفة شبه اختفت
احب الاقناع بالفكرة و ما احب التبعية و انى اكون منفردة باراءى افضل من تبعية الناس لو افكارهم خالفت الدين( اصيريت عالطلاق رغم كل الناس رفضوا لكن انا و الحمد لله اصريت لانه كان يسب الدين و ما يصلى)
احب اشترى الغالى لو أطريت انى اجمع حقه لمدة طويلة اهم شى تكون جودة
اكره الكلام الكثير بدون معنى ، و صديقاتى محدودات
ما أزعل بسرعة و لو زعلت اذكر اشياء صار لها سنين و اذكرها و أزعل زيادة( لكن ارضى من حالى لانى اكره كلمة أسف لانها ما عندها معنى عندى)
ان شاء الله افدك
عندك اى سوْال ان شاء الله اقدر أساعدك

فهمت من كلامك ان زوجك شرقي جنوبي ،صح ؟
عالعموم اذا ايه بقولك الشخصية الجنوبية عموماً شخصية حساسة عاطفية، واذا كان الرجال شرقي وجنوبي ترا من الجزء الشرقي بيكون يحب يحس انه سي السيد، وشخصية غيورة غالباً الشرقي،بس طيب وبالنسبة للحرمة يحبها تكون انثثثثئ وبنظره انثئ يعني ماتصارخ حتئ لو كانت مزعوجة او زعلانة بالنسبة للشخصية الجنوبية الانثئ اذا زعلت تنزل دمعتين وبدلع تطلب اللي تبي وتقول اللي مضايقها هنا الشخصية الجنوبية ماتقاوم ،لو كان معصب يراضيها،وبالنسبة له المرأة اللي تصارخ وقوية حتئ لو ع حق يحسها ناقصة انوثتها،.يعني يحب الدلوعة بكل تصرفاتها سواءً بزعلها او حزنها، من عيوبها هالشخصية الاهمال والكسل نوعاً ما،. وبالنسبة للزعل كيف تراضيه بشوية دلع وتعتذري اذا كنتي الغلطانة،.بسس بإسلوب والله ينسئ الزعل كله،وامممم اكثر شئ يزعل الجنوبي ترا الاهمال وعدم الاحترام هذي طبعاً عند الكل ،.لا بس الاهمال ممكن يزعل الشخصية الجنوبية بس مايعبر عن زعله بهالأشياء غالباً،.بس يفرح بوجودها بحياته، والكلام الحلو له تأثيره بهالشخصية،يا اختي اقولك شغله وحطيها ببالك من تجربتي الشخصية الجنوبية مايهمه لا اكله ولا ملابسه ولا بيته انه نظيف وكذا،يعني اقصد مو زي الشمالي الدقيق عرفتي يعني مو من اولوياته بسسسس اهم شي عنده انتتييي وتعاملك معاه،لو انك تدلعيه وتعطيه عاطفة يغض النظر عن باقي الأشياء،.وبالنسبة لطرق اقناعه لما يكون متمسك بشئ الجزء الشرقي شوي فيه حب السلطة يعني غالباً فيه شغلات يحب يعاند عليها بس افضل حل تطنشي وتقولي امر وابشر هذا لانه يحب يكون سي السيد قولي امر ومشيها بعد فترة تلاقيه يطنش وماينتبه،يعني مثال اللبس لو هو معقدك بلبس ومايبغاكي تلبسي شئ معين لا ترادديه لانه يفهمها تحكم فيه لا طنشي وقولي ابشر وامر وبعد فترة افتحي الموضوع معاه واقنعيه بأسلوبك عاد وبشويه كلام حلو وراح يقتنع،.يعني بس يحب يحس انه فارض سيطرته وكلمته ماشيه وانتي اعطيه ع جوه وبعدين بتحسين كلمتك انتي اللي ماشيه من غير مايحس،وترا هالشخصية غالباً ماتحب المبادرة اذا ماكانت متأكدة ان اللي قدامه يبادله نفس الشئ يعني مايبادر بس يرحب بالمبادرة من الطرف الثاني،.واسفه ع الاطاله،.واذا عندك اي استفسار راسليني خاص لاني غالبا ما ارجع ،وبالتوفيق..،

ياربي توأمي 😔
انا جنوبيه شرقيه ونفس الكلام اللي فوق بالضبط مع بعض الاختلافات البسيطه ,,



من اسوأ صفات الشرقيين انه ماينسى الجرح والالم ,,
نسامح بس مستحيل ننسى ,,

كيف ابين له اني احتاجه وانه مسؤول عني هل الدموع تأثر فيه ولا الزعل والمقاطعه ولا الموواجهه
كيف أعرف أنه راضي عني عاجبه فيني الشي الفلاني
كيف أعرف قيمتي ععنده
عموما او غامض وكتوم وما اعرف أيش يدور براسه
ننفسي احسسه بالذنب علشان يحزن علي ويتعدل
كيف اعرف انه زعلان
أيش أكثر صفات يكرهها بالشريك
ههل ينفع معه الحن والزن ولا الطلب مره وحده
هل يحب الرسائل والاتصالات ولالا

كيف طريقة اعتذاره
وكيف تحبين يعتذر منك بالكلام انا اسفة ولا لا