مرحبا لا احلى عالم
هذاك اليوم كنا بنسير على نفاس انا وامي ومرت خويّّ
وقلنا صعبه نروح ايدينا فاضيه
المهم قلنا نشوف المقادير اللي عندنا ونصلح منها
دخلت للمطبخ انا وزوجت اخوي وطلعنا بها الصينيه
صلحنا 3 اشكال واتمنى تنال على اعجابكم
اخليكم مع الصور
واي طريقه تبونها اطلبوها وترى يابنات السر بطريقة ترتيبها بالصينيه وبعد النكهات واااااااو تذوب بالفم
ومن جنب
وهذي اقرب بكثير وتبين الاشكال بوضوح
وهذي بشكل عاااااام
يلله عاد الله الله بردود السنعه واي طريقه تبونها انا بالخدمه
اهلين لاحلى بنات
مشكووووووووووووورين على ها الردود
المهم الحلويات جدا سهله وماتاخذ وقت
الحلى الاول
اللي كانه كوب كيك
سويته ونزلته من قبل ابنزل الرابط بعد شوي
الحلى الثاني الكور البيضاء
هذا الله يسلمكم سهل وتراه من جواء 3 طبقات
كاس وربع حليب بودره
نص كاس جوز هند
كاس الاربع سكر بودره
4ملاعق حليب سايل
اصبع زبده مذابه بحراره الغرفه
جوز هند للتغطيه
شكولاتة ملتيزر
1بكت بسكوت اوريو او ست حبات مطحون ومعجون بملعقتين قشطه
نعجن المقادير الاولى كلها مع بعض
لحد ماتتكون عجينه
ثم نجيب شكولاتة الملتيزر ونلبسها بشوي من عجينة الاوريو نكورها عليها
ثم نلبس عجينة الاوريو بقطعه من عجينة جوز الهند ونكورها بيدين مبلوله بمويه ثم ندحرجها بجوز الهند
وبس
والثالث جدا جدا سهل
جيبي بسكوت ابو سمسم
و6 حبات جبن كيري
ونص علبه كبيره حليب مركز
تخلطين الجبن والحليب سواء
ثم تجيبي البسكوت تحطي من الخلطه شوي على القفى ثم تجيبي بسكوته ثانيه وتلصقينها معها ثم تغمسينها كلها بالخلطه وتصفينها بصينية فرن مفروشه بورق زبده او قصدير ثم تدخلينها لفرن حرارته عاليه بس سكري النار قبل تدخلينه ودخليه للفرن بس من شان تمسك الطبقه البيضاء عقب ماتطلعينه زينيه بشكولاته سايحه مثل الجلكسي او نوتلا
اتمنى قدرت اشرح بوضوح اي استفسار انا جاهزه
هذا رابط الحلى اللي كانه كب كيك تحصلونه الحلى الرابع من قائمة الحلويات
http://forum.hawaaworld.com/showthre...1554716&page=2
ترتيب رائع للحلى
وشكل الحلويات لذيذه تسلم الايادي