بنات وشرايكم في موقفي مع زوجي!!!وايد مقهوره

السلام عليكم
بنات ضايج صدري حيل وابي افضفض لكم والله اكتب دمعتي على خدي
زوجي وايد عصبي مرات واحنه نسولف يعصب ويقوم من القعده وعلى شيء تافه ،،،
بقولكم موقفي اليوم واهو يسولف عن اصدقاءه كان يقولي انا عندي اثنين اعرفهم وكلهم يشربون ويروحون كازينوهات الله يعافينا
بس واحد منهم يقولي انا اشرب واروج كازينوهات بس ادري اني غلطان والثاني مايعلم احد ،،هو بيكمل السالفه الا يعلق قال انا احسن اللي يعلمني ويقول انا اشرب من اللي مايقول ..وهو بيكمل قلت له لامعليش والله احسن اللي مايقول ع الاقل مايجاهر بالمعصيه ياحياتي ،،،الا قام يعصب علي فجاه صراحه انا مستغربه وضاج صدري يعني مافيها شي قلت رايي عادي قال انتي تبين تعلميني الصح والغلط ودايم اعلمج وافهمج ماقد سالتي نفسج شنو الغلط باسلوبج !! ويجيني سرب هواااش وانا سكت والله دمعت عيوني وقمت لغرفتي واحنا متفقين نطلع قام راح برا البيت بنات مره مضايقه مو اول مره يسويها دايما يدور اي شي عشان يهاوشني .،،،انا يشهد الله يابنات حيل اداريه بالسوالف وبالعكس وايد اسمعه واحترمه لمن يتحجي ...شرايكم بالموقف والله ماحس اني غلطت عادي يعني احنا نتناقش ،،،،دايما يكسر فيني الله يهديه ،،اهو طلع ودي اعطيه درس كل مره يزفني ويهاوشني اذا قلت رايي او علقت على الموضوع حتى مرات لو اعلق على شيء او سالفه يقوم يقلب علي ،،
اسوء شي انو الوحده ماتكون طبيعيه في بيتها ومع زوجها عيل مع منو؟؟!! والله يبي يحولني الاله تسمع وبس ،،،شرايكم شلون اتصرف معاه اذا رجع