وربي تعبت تعبت تعبت وتقفلت الدنيا بوجهي

ببدا في الموضوع على طول لاني من جد تعبانه نفسيا اكثر مماتتخيلون

قصتي اني كنت مطلقه فتره طويله وكنت عند اهلي حياتي جدا سيئه لا احد يسئل عني ولا احد يهتم فيني

تزوجت وحمدت ربي على النعمه كان طيب وحبوب ويحبني عشت معاه فتره بسيطه كم شهر

هو مطلق وعنده بنت

ام بنته جلست تحاول تخرب بيننا عن طريق بنتها وتتهمني باشياء وزوجي احيانا يصدق واحيانا لا

مع انه يعرف حركاتها لحد ماقدرت حسبي الله ونعم الوكيل فيها تخرب بيننا وكمان بنت اخو زوجي قالت عني كلام وتبلتني هذا وانا عند اهلي وهو صدق واتهمني بهالشي

وانا الحين باقي كم يوم واكمل شهرين عند اهلي

اهلي مسافرين مو كلهم بس الاغلبيه يعني بس باقي الوالد واخواني المتزوجين والعزاب طبعا على طول برا مااشوفهم الا نادرا ولا حتى عمره واحد قالي ناقصك شي اوديكم مكان ؟؟ حتى زوجات اخواني مسافرين لاهاليهم وانا وبنتي جالسين في الطفش والهم وشغل البيت والكرف مع انها مسكينه بس اشوفها بالاجازات بس غصبا عني ماني قادره العب معاها ولا اطلعها اصلا حتى لو احاول اطلعها مااقدر لانه مافيه احد فاضي لنا لدرجه اني امس قلت لها تبين تسافرين عند بابا قالت لا ابي اجلس عندك ياماما ( بنتي من طليقي )

تقطع قلبي بس ايش اسوي وربي حالتي صعبه ودموعي ماتجف

مع اني الحمد لله ادعي الله واحاول قد مااقدر اقول الاذكار

بس وربي تعبت زوجي يرسلي رسائل تهديد وسب وشتم ومابي يطلق الا حتى ياخذ حقه على قولته مع انه يقول مستحيل ارجعك واحلمي انك ترجعين ويمدح طليقته مع انه يعرفها زين وتعب منها حيل

وانا مابي الطلاق وربي مابي لانه لو فعلا عرف زوجي اني مظلومه اكيد بيرجعني ويعتذر مني

صارت احداث كثيره هذي الشهرين بس مابي اذكرها

كل ماسمعت ذكر او دعاء او طريقه سويتها

وبذلت الاسباب وكلمته وحلفت له وارسلت له بس هو مو مصدقني وصلح اشياء كثيره ماتوقعتها منه

ساعدوني بنات وقولو لي ايش اسوي وربي تعبانه نفسيا حييييييييل ولا ابي اشكي لاحد غير الله

بس قلت يمكن احصل حل مجرب عند وحده منكم بس لاتقولون تطلقي ومادري شنو انا عارفه انه طيب وحبوب بس ماادري ايش صار له وماحصلت سعادتي الا معاه ولا ابي ارجع لاهلي مطلقه للمره الثانيه

واللي ماعندها حل تدعيلي بالله يابنات ادعولي انا بحاجه للدعاء بظهر الغيب

نسيت اقولكم يوم دخلت اهلي بالموضوع صار كبير وصعب اكثر من الاول وصارت حريقه معاه خاصه مع الوالد




لاتنسون تدعولي بظهر الغيب يمكن فيه وحده منكم الله يستجاب لدعائها وكل وحده تقوم الليل تدعيلي تكفوووووون لاتنسوني

ادعولي انه الله يحنن قلبه عليه ويسخره لي ويزرع حبي في قلبه وينصرني على من ظلمني

بنات وربي اني بهم مايعلم فيه الا الله سبحانه وتعالي ادعووولي لاتنسوني تكفوووووون


مشرفات الله يخليكم لاتنقلونه وربي لو تعرفون اللي احس فيه تحزنون عليه اقسم بالله وضعي مااتمناه لعدوتي








تكفوووون اللي بتصلي وتقوم الليل تدعيلي الحين الساعه 2 الا ثلث والدعاء بظهر الغيب باذن الله مستجاب

وانا بعد لما اقوم اصلي بعد شوي بدعيلكم باذن الله