فقط للمتابعه مواضيعي أنا تطلقت !! لا إله إلا الله العظيم الحليم

بسم الله الرحمن الرحيم
بعد حمد الله سبحانه ووتعالى وشكره والصلاه والسلام على عبده ورسوله محمد صلى الله عليه وسلم
أنا تطلقت يوم الثلاثاء لي 4 أيام الحين
طبعا علشان سبب اتفه من التفاهه نفسها لاني قصيت شعر ولدي صار له 6 شهور ماوداه للحلاق كل ماقوله يرفض والولد شعره على عيونه لكن مو هذا السبب الرئيسي أنا عارفه لان امه حطتني براسها من سنتين
وانا اداري وأحاول أكسب رضاها لكن كرهتني ومسويه سحر لا تقولون لي ظالمتها أنا شفته بغرفتة نومي ولا قلت لها هذا غير الأحلام وهي قبل ما تعاديني قبل مااولد طفلي الأول كانت تقول لي فيه خرز يخلي الزوج مايشوف غير زوجته وفيه خرز يكره ويفرق وكنت أقول لها ياعمه هذا من السحر حرام وازواج بناتها على كيف بناتها وواحد
وطليقي هذا يعني يعطيها كل شي حتى اللقمه اذا طبخت شي ما يخليني اكل منه ع طول ينزله لها
اللهم نزل عليها بلاء يعجز عن دفعه أهل السموات والأرض مثل مافرقت شملي
حسبي الله ونعم الوكيل فيها
بنات ماني مصدقه اني تطلقت أنا معقوله اللي مريحته بكل شي طبخ تنظيف أولاد أهله انزلهم أكثر وحده بجماعتهم تنزل لاهل زوجها واطبخ لهم حتى القهوه وهي حسبي الله عليها اهديها علشان تكفيني شرها فلوس وعطور وصحون بس مابين كرهتني
الحين عند اهلي مدري وش اسوي من يبي يتزوجني وانام ام لطفلين والثالث بالطريق ماعندي اهل حتى الثلاجه مهي في بيتهم خربت ولا عاد يجيبون ماعندي غطى اتغطى فيه اولادي بعت خاتم ذهب عندي علشان اشري حليب للطفل الصغير وبعد صلاة العشاء رحت لسوبرماركت اللي قريبه من اهلي ادور حليب لولدي الكبير ماقليت والصيدليه بعيده من يوديني لها
وامي الله يسامحها من ثاني يوم من الطلاق قالت لي سوي الغداء ابدي بالطبخ مع ان فيه بنات غيري
خواتي بس وحده متعاطفه معي الكبيره جزاها الله خير والباقيات والله عادي اول يوم من الطلاق يتابعن مسلسلات تركيه
خواني ماحد قال لي لا تشيلي هم واولادك بعيونا
ولا احد تبرع لي ب10 ريالات
بكره حافز يخلص وين اروح
واهلي اكيد ما يتحملون عيالي خاصه الكبير سنتين كسر 4 اوكواب
اليوم جيت ابي اكنس بالمكنسه الكهرب قالت اختي لا واخذتها مني لانها كهرب وتصرف فلوس وولدي يحب يلعب فيها
وولدي ماحد يخليه يجلس على افلام كرتون او قنوات اطفال وشلون ابي اتحمل العيشه
حتى النومه انا اصير بالفراش اللي غطاه مايكفي رجولي ابكي يجوني انتي بس نايمه وانا ابكككككككككككككي
اجل لو ابطوول وش يصير
بناتتتتتتتتتتتتتتتتتتت ابي اصييييييييح وابككي ماحس فيه فرصه مابكيت كثيييرررررررر حتى البكا محرومه منه
على شين عيشتي مع طليقي احسن بمليون مررررره من عيشتي مع اهلي


بنات انا ماذكرت المشاكل اللي بيني وبينه لاني ذاكرتها بمواضيع لي سابقة