ي بنات جده

اي و مقاهي 

اهلا وسهلا بك في جده اختي وقبل كل شي عشان ماتنصدمي جده بالاجازات تكون زحمه فوق المعقول 

يتبع

حياك الله تنورينا بجده
اول شي جده وقت الاجازه تكون زحمه لاتطاق والشوارع وعند الاشارات شي يخنق الله يصبرنا
بالنسبه للحدايق اذا قصدك الملاهي فيه اللي بالمولات
ومطاعم البرجر عدي واغلي كل شبر عندنا فيه مطعم همبرجر
والمطاعم عندك مطعم الكزار وشامي ورمسيس والسرايا واصيل وريم البوادي وكوشي باشي بالاضافه للمطاعم المشهوره البيك والطازج وبيتزا هت
اما بالنسبه للحفلات والفعاليات غالبا تتواجد داخل المولات مثل مول العرب والردسي مول والاندلس مول وتبدأ من بعد صلاة العشا بس مو متأكده اذا فيه فعاليات في هالاجازه الجايه او لا
المطاعم فيه بعضها لها بارتشن وبعضها لا

صحيح كلام الاخت قبلي ولاحظي ماعندنا بجده حدائق الا العامه وتكون صغيرة اما كسائحه وجاية من بعيد اختصر لك


الشلال مو حديقه منتزه على الكورنيش او مدينة ملاهي بالاصح


ولو تبغى اماكن تسلية للصغار في عزيز مول مدينة ملاهي وفي مجمع العرب يوجد مدينة كيزانيا جديده للاطفال الوحيده بالمملكه


يقضي الطفل فيها طول النهار وانتي بالمجمع


مسابح ممكن منتزه جزيرة الشراع على الكورنيش جلسات للعايله ومسابح للاطفال


وفي الشمال ابحر عندك الشاليهات وهاذي ماعندي فكرة ابدا عنها لاني ما احبها


المطاعم تقريبا كلها الا ماندر فيها بارتشين الحاجز ويكون بين العوايل والعزابيه لهم قسم لوحدهم ما يجلسوا بقسم العوايل


ومن الصعب نحدد مطاعم جده بعدد شعبها يمكن وفيها الغالي وفيها الوسط ولو تبغي شي محدد اكتبي ونرد لك ان شاء الله


واجازه سعيده لك ولعائلتك باذن الله واستري ما بتواجهين من زحمه ومن حفريات مقفله الطرق عاد

خوفتوا الناس من جده
هي حلوه لاهلها لانهم متعودين على زحمتها بس الا جاي من مدينه هاديه بيتفاجأ ان دوامنا ما يخلص لين بعد الفجر
ههههههههه