اليوم اربعه اربعه هذي اول مشاركه لي في الطبخ من مطبخي وتصويري وياويل الي بتضحك
طبقي او حلاي يا حلوات هو كيكة التفاح او فطيرة التفاح الخطير
بسم الله نبدا
اول شي المقادير
شوفو كيف تصوير المحترفين كيف مو تصويركم
مقادير العجينه
اربع بيضات
كاس سكر
نص كاس زيت
كاس حليب المراعي او الي تحبين
ملعقة اكل بكنج بودر
كاسين دقيق
مقادير الحشو
ثلاث تفاح مقشره ومبشوره
نص كاس جوز مفروم خشن
فنجال سكر بني
ملعقه كبير دارين
نخلطها مع بعض بصحن
الطريقه
نخلط السكر والبيض والزيت والحليب ثم نضيف الدقيق والبكنج بودر
ونصبها في صينيه
ثم نوزع فوقها الحشو
ادخليها الفرن واذا استوت
مدري وين اختفت صورت الصينيه بعد ما طلعتها من الفرن
المهم بعد ما تطلعينها وتبرد شوي ذوبي اربع ملاعق مربى مشمش على النار ثم صبيه فوق الكيكه
وبعدها شوي سكر مطحون ناعم على كم نقطة ماء وصبيه فوق الكيك على شكل خطوط
وهذا الشكل النهايي
وهذي قطعه مو حق اول وحده ترد حق زوجي الله يحفظه
وهذي حق اول وحده ترد
صوره من الجنب علشان تشتطون وتسونها
ابشركم خلص الفلم الهندي
بنات والله كلمة لذيذه شوي عليها ياليت تجربونها
ودعواتكم لي ولزوجي و اولادي واهلي كلهم
تسلم الايادي