حادثة من حوادثي الله يكفينا الشر

السلااااااااااااااااااااااااااااااااااااام

اخباركم واخبار الاختبارات والبرد معكم عساكم حايسين ابوها ترى عادي الاختبارات اذا سقطتوا ترى فيه دور ثاني <<< لا يا شيخه كخخخخخخخخخخ
اما البرد فشبوا لكم حطب يالله من فضلك وتدفوا عنده <<<< يقال لي اجيب لكم حلول

بقول لكم عن حادثة صارت لي ياهي حادثة اقضت مضجعي ( ألا على فكره اقضت بالضاء ولا بالظاء << وتلوم ولدها ضعيف في الاملاء كخخخخخخخخخخخخخ )

المهم نعود للحادثة الي اقضت مضجعي (مصممه انها بالضاد) والي مضيعه طريق العوده يمكنها الرجوع للكروكي المرفق وترى الاجتماع الساعه 9 مساء لا احد يتأخر علينا <<< باين اثر الاختبارات عليها كخخخخخخخخخخخ

المهم الحادثه هذي هي اني في مره من المرات كنت عند اهلي وكانت امي الله يخليها لنا ويعطيها العافيه تبي تقوس السكر عندها فقامت اختي تقوس السكر لها فقمت انا وقلت اني احس اني ماادري وشلوني تعبانه احس بخمول وماش احس اني منيب طبيعيه فقلت بشوف السكر عندي

فيوم شفته ويالتني ما شفته كان مرتفع فانهبلت وضاق صدري يعني انا مصابه بالسكر وانا في مقتبل العمر <<<< مصدقه عمرها انها صغيره كخخخخخخخخخخخ

فرجعت للبيت وانا ضايق صدري وماجاني النوم ذيك الليله افكر في هالمرض ووش اسوي ؟؟؟ المهم اني قمت من الصبح وقومت ابو الشباب قلت يالله قم ودني اسوي تحليل سكر في المستوصف ورحت وصبحت المستوصف من الساعه 8 وانا عندهم وقلت للدكتوره حلليني قالت تراني محللتس ومبيحتس الى يوم القيامه قلت لا ابي تحليل سكر في اسرع وقت وكتبت لي تحليل وقالت تعالي بكره خذي النتيجه
ورجعت للبيت وانا ضايق صدري وافكر يعني لو صار فيني سكر يبي لي اراجع في عيادة السكر وما ادري ايش وحوسه واهم شي اني بنحرم من الحلويات بجميع انوعها :06:

ورحت واتجهت الى غرفتي واغلقت الباب ومشيت ومشيت ومشيت <<< من كبر هالغرفه كخخخخخخخخ
ومشيت متجهه الى ذلك الصندوق الذي كنت اتجه اليه وانا مسروره لكني اليوم اتجهت اليه وانا حزينه وفتحت الصندوق واخرجت ما به من حلويات وجالكسيات وباونتيات ونظرت اليها نظرة مودع والعيون تذرف بالدموع واتسائل هل حقاً اني لن انفرد بك بعد اليوم ؟؟؟
بعد ان كنت اقفل الباب علي وآكلها لوحدي دون مشاركة ابنائي خوفا على اسنانهم من التسوس <<<<< ايه هين خايفه على اسنانهم

اخذت تلك الحلويات وجمعتها كلها وخرجت من الغرفه ودخلت على ابنائي واعطيتهم كل ما معي من حلوى ووزعتها عليهم وهم ينظرون الي والدهشه تعلو محياهم ولسان حالهم يقول هل هذه حقاً امنا ام مبدله ؟؟؟؟ فقالوا لي : ما هذا يا اماه ؟؟
قلت لهم : الاترون هذه حلوى يامال منيب قايله <<< شكل الدعوه طالعه من قلب طيب لا تعطينهم وتدعين عليهم كخخخخخخخخخخخخخ
وذهبوا ليأكلوا الحلوى وهم فرحين بها ويحمدون الله و يشكرونه وانا انظر اليهم وقلبي يتقطع والود ودي لو اكلها لحالي بس وش اسوي العين بصيره واليد قصيره
ومر علي اليوم وش طوله كأنه سنه وجاء الغد وذهبت في الصباح الباكر عشان اشوف النتيجه وكاااااااااااااانت المفاجأه ولله الحمد اني سليمه ما فيني غير العافيه وقلت للدكتوره وشلون طيب التحليل الي في البيت يقول انه مرتفع قالت لا عادي يمكن كنتي توك متعشيه او ماكله حلى بس التحليل وانتي صايمه طبيعي والحمدلله
ورجعت البيت وانا فرحانه اني طلعت سليمه وقعدت اهاوش عيالي ليه ياكلون الحلويات حقتي <<<<<<<< تحسفت يالتني ما استعجلت و فرطت فيها كخخخخخخخخخخخخخ

بس مهيب مشكله رجعت الى عادتي القديمه وملئت الصندوق بالحلوى عاد خوفي على اسنان عيالي من التسوس كخخخخخخخخخخخخ


وصدق من قال الصحه تاج على رؤوس الاصحاء ما يشوفه الا المرضى
والحمدلله على العافيه والله يعافي جميع مرضى المسلمين

والسلااااااااااااااااااااااااااااااااااااااااااااااااااام