محشى الكرنب
المقادير
3 بصلات كبار
2 حزمة شبت، و 2 حزمة بقدونس
3 معالق كبار و مليانين صلصة طماطم
كيلو رز
كرنبة متوسطة
ملح _ فلفل _ كمون _ 3 معالق سمن كبار _3 معالق زيت
الطريقة:
تغلي ماء على النار و تحطى فية شوية كمون
وتطلعى ورق الكرنب من الكرنبة بانك تقطعية من عند الراس بالسكينة
وتحطية فى الماء المغلى يا دوب ثوانى و تطلعية فى المصفاة.
بعد كدة تقطعية حسب المقاس اللى انتى عايزاة
طريقة عمل الخلطة:
تفرمى البصلةبالسكبنة وتحطى عليها شوية ملح و تفضلى بايدك تدعكيها كويس كانك بتعصريها بين كف ايدك حتلاحظى انها طريت و نزلت شويه سائل وهو المطلوب
بعد تنقية الخضرة طبعا و غسلها كويس تخرطيها بالسكبنة على البصل و تحطى كل التوابل
و السمن و الزيت والطماطم و اخيرا
تجيبى الرز وتغسلية وتصفية كويس وتحطية على الخلطة و تخلطى كله كله كويس
وتحشى ورق الكرنب ورقة ورقة ومش كتير علشان ما ينفش
ضعى فى قعر الحلة قبل وضع المحشى شرائح طماطم تخينة تغطى بيها القعر كلة علشان المحشى اللى تحت ما يتحرقش
اغلى شوربة فى حلة و فيها معلقة زيت علشان المعلقة دى هى اللى بتدى صابع الكرنب لمعة من برة
ضعى الشوربة على الكرنب بحيث يا دوب تكون عند الصف الاول
وتحطيةعلى النار و تهزى الحلة و تسبية يادوب يغلى ويشرب الشوربة تروحى موطية النار خالص زى الشمعة لحد ما يستوى بانك تطلعى صباع و تدوقية
و بالهنا و الشفا و ممكن عند التقديم تقلبى الحلة زى ما هيا فى سرفيس
فحتلاقى شكل الطبق من فوق مرصص بحلقات الطماطم شكله حلو
ملحوظة اذا كانت الكرنبة صغيرة ممكن تفككيها بالسكينه كويس من فوق و تحطيها زى ما هيا فى الحلة حتلاحظى ان الورقة اللى حتكون جاهزة سابت الكرنبة لوحدها و بعديت عنها دة معناة انها خلصت و هكذا
am-hatem
•
واو يبنات شهيتوني المحاشي عندي احلى اكله وشفت الموضوع وانا جيعانه ايش تتوقعون يصير لي
على فكره حشوه الاخت نونو سويت فيها ورق عنب طلع ياخذ العقل
على فكره حشوه الاخت نونو سويت فيها ورق عنب طلع ياخذ العقل
الصفحة الأخيرة
المقادير
كيلو بزنجان ابيض او اسود او الاثنين
نص كيلو فلفل رومى
3 بصلات كبار
حزمة شبت، و 2 حزمة بقدونس
3 معالق كبار و مليانين صلصة طماطم
كيلو رز
ملح _ فلفل _ 3 معالق سمن كبار _3 معالق زيت
شطة حسب الرغبه
الطريقة:
ننزع قلب البزنجان بالمقورة بعد أن نضغط عليه بكفنا قليلا لتطريته
تشيلى الكاس اللى فى اعلى الفلفل بالسكينة و ينزع قلبه (البذور)
طريقة عمل الخلطة:
تفرمى البصلة بالسكبنة وتحطى عليها شوية ملح و تفضلى بايدك تدعكيها كويس كانك بتعصريها بين كف ايدك حتلاحظى انها طريت و نزلت شويه سائل وهو المطلوب نقى الخضرة( الشبت والبقدونس) طبعا و أغسليها كويس و خرطيها بالسكينة على البصل و تحطى كل التوابل
و السمن و الزيت والطماطم و اخيرا
تجيبى الرز وتغسلية وتصفية كويس وتحطية على الخلطة و تخلطى كله كله كويس
احشى البازنجان والفلفل بالخلطة بس ماتزغميش البزنجان قوى ( يعنى ماتمليهوش بالارز على الاخر خلى دايما الجزء الاخير فاضى علشان الارز كله يستوى
ضعى المحشى فى الحله ورصصية واقف بجانب بعض
اغلى الشوربة واظبطى ملحها ثم ضعيها فى حلة المحشى مع المحشى. حتى ثلثي الحلة و
بالملعقة الصغيرة ضعى داخل كل بزنجناية وفلفلاية معلقة صغيرة شوربة
ضعية على النار لحد ما يغلى تروحى مهدية النار ( متوسطة) لحد ما المحشى يستوى
وبالهنا والشفا