أبشركم ولدت وكانت سهله والفضل لله وهذي قصتي للفايده

السلام عليكم
بعد معاناة وتعب الحمل يسر الله لي ولادتي الثانيه
وراح اكتب قصتي لتستفيد منها كل حامل وعلى وشك ولاده
كنت جدا متخوفه من الولاده لأن ولادتي الأولى كانت بطلق صناعي وجلست 12 ساعه أعاني الين كتب الله لي وولدت
وطول حملي الثاني وأنا أدعي الله إنه ييسر لي الولاده وما أكمل التاسع لانه جدا ممل ومتعب
والحمدلله أخذت من التاسع ثلاث أسابع وولدت
والقصه كالتالي
فجأه نزلت مويه خفيييفه بعد المغرب والساعه 10 تقريبا بدأ الم خفيف يروح ويجي ما توقعت والله تكون ولاده لأن الألم خفيف جدا ومجرد ما روح للحمام أعزكم الله يختفي لأنه كان مثل المغص
الين الفجر زاد الألم وحسيت إنها ولاده
شربت حليب ساخن مع زنجبيل وقرفه وقرنفل
ثم كوب حلبه مغليه مع قرفه ويانسون وعسل وعند الساعه التاسعه صار الألم شديد
صحيت زوجي وأخذت شنطتي وقبل لا اروح للمستشفى شربت زعفران بمويه
وحليت نص كاس مويه دافيه بعسل
وتوكلت على الله ورحت للمستشفى وطول الطريق كنت أشم حلتيته وآكل تمر
والحمدلله والله يا بنات تيسرت مع الدعاء والإستغفار وقراءت سورة الزلزله يسر الله لي الولاده ساعتين وأنا والده والحمدلله
وجبت بنوته
همتكم أبي إسم حلو لي الآن 16 يوم وما سميتها محتارة بين سارا وجمانه رغم إني ماني مقتنعه فيهم كثير.