اذا كان زوجك معاه دورة شهرية عاطفية وش تسو&#16

السلام عليكم ورحمة الله وبركاته
اخواتي واقولها من كل قلبي اخواتي وحبيباتي لأني حبيتكم بصدق يابنات حواء والله يجعل محبتنا لله وفي الله
اخواتي ما بطولها وهي قصيرة لكن السالفة ومافيها اني كنت ألاحظ من زمان زوجي تجيه فترات ما يبغى احد يكلمه وما يناظرني ولا يتكلم وياي يعني كذا ممكن يومين او ثلاثة وكنت بكل صراحة استثقل دمه واحس انه مو معطيني اهتمام واجلس اقول له وش فيك ؟مين مزعلك ؟؟زعلان مني ؟؟ومن هذا الكلام... كل اللي يقوله مافيني شي .محد زعلني . ماني زعلان وكلمة ورد غطاها والصراحة هذا الشي تعبني كثير وبعد فترة من الزمن قرأت موضوع في المنتدى واكتشفت ان بعض الرجال تجيهم دورة شهرية عاطفية ينقلب مزاج الرجل فيها ويصبح صعب التعامل معاه
يعني تخيلوا يابنات انه ينام راضي علي يصحى مايتكلم وبعض الأحيان يروح العمل راضي ويرجع كأن احد وازه علي شي غريب صح سبحان الله
فاللي زوجها تجيه هذي الدورة الشهرية او اللي عندها خبرة تقول كيف اتعامل معاه؟ وجزاكم الله خيرا