عطر الشموع
عطر الشموع
بصي يا ستي

طبعا كلهم ممكن يروحوا جناكليس لان لوران من جناكليس مش مشوار

بصييا ستي سعر الفراخ حاليا 29 بس بيزيد حسب السوق يعني مثلا في رمضان كان 36 و دلوقتي نزل كتير 5820191-5857807

اللحوم المفروم 50 و السجق المخصوص 51 اما القطع بصراحه مش عارفه عشان انا مش بجيبها لان جوزي مش بيحب اللحمه 3588849-3588829

و السمك البوري يتراوح بين 22 و 25 برضه حسب الجو و بجيب كمان من عنده فيليه مشوي بين 30 ل 40 حسب نوع السمك و البلطي 12 و بيعمل طواجن سبيط و سمك صينيه و طبعا كابوريا و جمبري بس برضه الاسعار متغيره بس حاجته تحفه 5506668

و الشغاله عندي واحده كويسه بس برنسيسه شويه يعني انا لازم انظف باليل كل حاجه و هي تيجي تعمل على نظافه لانها على حد قولها ملهاش في البهدله و يا كدا يا بلاها شغل فانت قوليلي لو البيت عندك بتسيبيه للشغاله كله يبقى دي هتيجي مره و تخلع اصلها عملت كدا مع ناس كتير اعرفهم
اما انا فجبانه تلاقيني بخلص 50 % من الشل عشان متسيبنيش و تمشي

بصي بالنسبه للمدارس انا كنت مقدمه في هاوس اوف انجليش و الرياده بس الهاوس اوف انجليش رفضوا ابني عشان لازم واسطه و انا حاليا بعمل اتصالات و كدا و لسه مش عارفه
و الرياده هي الخيار التاني امامي
و لسه بسال كل الناس عن مدارس تانيه اقدم فيها تكون كويسه و مضمونه
بصي سمعت ان سيدي جابر للغات هايله بس متشددين شويه في مواضيع الواجبات و المذاكره

ايه تاني عايزه تساليني عليه يا قمر ؟؟

قوليلي تعرفي مثلا خياط كويس؟؟
بصي ماما جربت السوبرماركت اللي ورا القدس و بتشكر فيه و في اسعاره
roshyandhany
roshyandhany
29 الفرخة ولا الفيليه ... اكيد ماتقصديش الكيلو طبعا هههههههههههه .. والفراخ مجمدة مش كدة ؟

بالنسبة للشغالة انا مش حتنفع معايا عشان انا مش بعمل حاجة فى البيت خالص بسبب الولاد فا انا عايزة واحدة يطلع عينها ان شالله على يومين حتى .. او ادينى رقم تليفونها على الخاص وانا تفاهم معاها وبتاخد كام ؟؟ وبعدين الحاجات اللى بتعملها ايه ؟ بتسيق من فوق الوش يعنى ولا بتشيل سجاد وبتدعك حيطان ولا ايه ؟؟

بالنسبة لسيدى جابر بياخدوا 8 الاف جنيه 5 الاف تامين بتاخديهم بعد 12 سنة بعد مايخلص دراسة خالص وابقى قابلينى لو اخدتيهم وده استهبال منهم والمصاريف 3 الاف جنيه تقريبا ... فعلا الهوم وورك بتاعهم جامد اوى حتى الانتر فيو بتاعهم صعب شوية عشان بيخافوا على نسبة النجاح وسمعة المدرسة .. المشكلة انى بعد ما جازفت وقلت اطلع رخصة واتعلم السواقة وامرى لله واودى انا ابنى سيدى جابر كل يوم واجيبه طلع ان اللابتدائى والاعدادى والثانوى فى الطريق السريع ولامش عارفة اسمه ايه ؟ عند كارفور فا بصراحة خفت عليه ولاغيت فكرة سيدى جابر دى خالص

هى شكلها حترسى على الزهراء يا اما حوديه خاصة عربى الاقبال او على مبارك وامرى لله ولو ان باباه مش موافق على العربى ده خالص

بصى انا مش بخيط لان جسمى رفيع وبلاقى مقاساتى فى السوق والحمد لله .. وكمان مش بحب الخياطة لان حظى وحش جدا فيها .. بس اليومين دول بعمل ريجيم عشان اتخن لانى خسيت اوى عشان كنت برضع زيودة بس ربنا تاب عليا وفطمته خلاص ههههههه ... ولاد خالتى بيفصلوا بقالهم اكتر من 4 سنين عند 2 خياط حلوين اوى وشغلهم روعة ... واحد فى العوايد والتانى مش عارفة فين ممكن اسالهملك ... بس بتاع كوبرى العوايد ده روعة جدا شعله حلو اوى بيعمل الحاجة من مجلة حجاب بالظبط زى مابتقوليله عليها .. واسعاره هايلة وبيعمل كمان طرح نفس لون العباية او البدلة او التايير ويحط فيها اكسيسوريز بالقماش او التخريم او الخرز
عطر الشموع
عطر الشموع
بصي معلش السعر بتاع الفراخ للكيلو الفيليه
اما الفرخه شخصيا مش عارفه عشان محدش مننا بياكل وراك
فبجيب صدور بالعظم 4 بيعملوا 16 او 17 حسب الكيلو لا مش مجمده هي بتكون ساقعه بس لانهم بيحطوها في التلاجات يعني مبرده و ليست مجمده

بصي مظنش الشغاله هترضى و هي مش بتحب تدي حد تليفونها عشان هي اللي تقرر
مش بقوللك برنسيسه
و طبعا مش بتاعه مسح حيطان ولا تشيل الدنيا من فوق لتحت و انا اللي بعد اغسل الحيطه لو متبقعه تخيلي هههههههههه

بس للاسف انا مضطره لاني ملقتش غيرها و كمان جربت المقيمات دول من الفلاحين و عذبوني فقلت نص العمى ولا العمى كله

اهو الاقي حد يمسح الارض و البلكونات و الحاجات اللي بكرهها

بصي بالنسبه للمدارس لو بتفكري في الاقبال يبقى فكري في فيكتوريا لانهم جنب بعض اوي و اعتقد سعر فيكتوريا مش غالي حاليا و الاقبال كمان بقى فيها قسم انجليزي
roshyandhany
roshyandhany
لا ياماما لا بالنسبة للشغالة انسى دى دمار شامل هههههههههههههههه

بالنسبة للقدس والسوبر ماركت اللى فى وشه ان شاء الله اجربهم قريب لانى محتاجاهم جدا ... بالنسبة للمدارس فا فيكتوريا وحشة جدا وبنت خالتى مدرسة وكانت بتراقب فيها وفى الاقبال بتقول ان فيكتوريا الولاد اللى فيها مش مؤدبين وصايعين بيقلوا ادبهم على المدرسين وبيشربوا سجاير وينطوا من سور المدرسة

بتقول الاقبال ارحم منهم تحسى ان لبسهم نضيف وانهم ولاد ناس ومحترمين عن بتوع فيكتوريا ......... والله حاسة انى خلاص حتجنن لما لسة ولادنا ماطلعوش من البيضة وواجعين قلبنا امال لما يروحوا الكليات ولا يشتغلوا ولا يتجوزوا ويبعدوا عنا حنبقى قلقانين عليهم قد ايه ؟ رب
memsi
memsi
ماشاء الله كلام مفيد جدا جزاكم الله خيرا طيب انا حبيت اقول حاجهبالنسبه للتسلخات البيبي انا جبت لابنى سودو كريم من العزبي بجد حاجه وهم بيقضي عالتسلخات لو كانت موجوده والحمد لله من ساعت ما استخدمته مجتلوش تانى هوا ب 95 جنيه بس العلبه 250 جرام بتقعد يمكن 4 او 5 شهور يعنى لو حسبنا سعر كريم التسلخات هنلاقيها هيا هيا تقريبا
ماشاء الله كلام مفيد جدا جزاكم الله خيرا طيب انا حبيت اقول حاجهبالنسبه للتسلخات البيبي انا...
السلام عليكم يا بنات وحشتونى

حبيت اقول فعلا الكريم دة تحفة وبيقعد كتييير جدااااااااااا حتى العلبة الصغيرة منه


ودى صورته