يابنات هاالمكرونه وش يسوابها بسرعه تكفون

اختي هذي تستخدم لطبخ مكرونه اللزانيا

فيه وحده كاتبه طريقه طبخها ممكن تشوفينها

هههههههههههههههه الله يرج بليسك! طيب حطي صورتها عشان نعرف شلون تسوى؟؟

مستطيله يعني شرائح <<< اسمها لازانيا
والأسطوانيه <<< اسمها كانيلوني

اذا لازانيا الرقيقه مره الي كرتونتها لونها ازرق ممكن ماتنسلق بس تخلي الحم المفروم فيه مويه
اما الي كرتونها احمر سميكه اسلقها نص استوا واخلي الحم المفروم فيه مويه شوي من الطماط ما اخليه ينشف علشان ينضج الازانيا
واحط طبقه لازانيا وطبقه لحم مفرم بمويته وطبقه جبن شرائح واعيدها لين احط اخر طبقه بشميل

اذا كانيلوني
تنسلق<<بس انتبهي تجهزين الحشوه قبل السلق لأن مشكلتها اذا تركتيه يلصق
وتنحشى الحشوه الي تحبيها لحم دجاج مقطع صغير اومفروم وترصينها في الصينيه
وتغطينها بصوص الطماط ممكن تستعينين بصوص البيتزا الجاهز وترشينه جبن
ممكن تبدعين تستعينين بكريمة الخفق او بشميل من فوق صوص الطماطم
اهم شي الفكره وصلت



اوفيه طريقه ثانيه اخذتها من المنتدى من زمان
الحشوة عبارة عن ...
صدور دجاج مقطعة قطع صغيرة ومسلوقة
بصلة متوسطة مقطعة قطع صغيرة .... ثوم
طماطم مقطعة مكعبات صغيرة
شوي كزبرة وبقدونس مفرومين ناعم
مكعب ماجي ,,,, ملح ,,,, بهارات مشكلة ,,,,, اوريغانو

نحمس البصل والثوم في شوي زيت
بعد كذا نضيف الدجاج والماجي والملح والبهارات ونقلبهم شوي
وبعدين نضيف الطماطم ونغطي القدر ونتركهم يتسبكون شوي

بعد ما تتسبك وتذبل الطماطم نضيف الكزبرة والبقدونس
وبعدين نضيف لها علبة صغيرة من كريمة الخفق
ونغطي القدر ونتركهم يطبخون 10 دقايق
بعد كذا نصفي الدجاج من الصوص عن طريق منخل
المهم انك تحطين الدجاج في المنخل وتقلبينه وتضغطين عليه بالملعقة لين نتخلص من الصوص كله ونفرش ملعقتين الصوص في الصينية اللي راح نستخدمها

وطبعاً انا قلت ملعقتين او ثلاث على حسب حجم الصينية
المهم نرجع باقي الصوص اللي صفينا منه الدجاج للقدر ونحط عليه 1 كريمة الخفق صغيرة
ونغطي القدر ونخليهم ع النار 10 دقايق

في هالوقت اسلقي المكرونة مع ملح وشوي زيت وطبعا ماتاخذ وقت طويل في السلق يمكن 5 او 6 دقايق
وعلى فكرة لاتسلقي المكرونة من بدري علشان لا تعجن اذا خليتها وقت طويل مسلوقة
او انك اذا سلقتيها من بدري لا تصفيها من الموية الا وقت الحشو
وبعد ماتسلقيها وتصفيها خذي حبة حبة واحشيهم بحشوة الدجاج
وصفيهم بالصينية فوق الصوص ورشي عليهم شوووي جبن موزاريلا لا تكثرررين بس شوي
بعد كذا تصبين باقي الصوص اللي اضفتي له كريمة الخفق على المكرونة
وترشين فوق الصوص جبنة موزاريلا وبرضو لا تكثرين
وتدخل الفرن على نار متوسطة لمدة 10 دقايق او اكثر شوي
وبعد كذا تحمرينها من فوق شوي