ساعدوني واحتسبوا الاجر

مساء الخير ... انا عضوة جديده في هذا المنتدى الاكثر من رائع ومن زمان كان ودي اشارك فيه بس الظروف ما تسمح وبالذات اني اثق بارائكم وتجاربكم وتعجبني طريقتكم في مناقشة الامور المهم
انا عندي مشكلة مع طفلتي الاولى متعبتني ومأثرة على حياتي بطريقة غير طبيعية وصرت مقصرة في ديني وحياتي الزوجية والاجتماعيه وفي بيتي ونفسي بس ارجوووووووووووووووووووووكم رجاء خاص ان لا احد يقول اني مبالغه لان في غيركم قالوا هالشي عني ومن ضمنهم امي بس لما تركت بنتي عندها حست بالمشكلة
المشكلة ان بنتي من يوم ما ولدتها ما تنام الليل ابدا واليوم عمرها تسعة شهور ...هي اغلب نومها بعد شروق الشمس .. في البداية كنت اظن انها لسه صغبره بس بعد الشهر الخامس حسيت انها مشكلة ... عرضت مشكلتي على الدكتورة وقالت لازم تعوديها على نوم الليل حتى لو تتركيها تبكي لوحدها بغرفة يوميا لما تتعود لان نظام المناعه في الجسم يقوى باللليل والجهاز العصبي يتكون بالليل ومهما نامت بالنهار ما تعوض وحاولت مع بنتي وكانت النتيجه انها تنام ساعه على الساعه 12 والساعه 1 تصحى الى 3 وترجع تنام ساعه وتقوم ثاني ويفضل نومها متقطع الى شروق الشمس وبعدها تنام والنتيجه طبعا اني اقوم نفسيتي مدمرة من قلة النوم ومالي خلق لاي شي واعوض نقص النوم بالاكل وغير كذا صرت احيانا انام معاها النهار وتفوتني صلاة الظهر او العصر وما اشتغل بالبيت بالطريقة الصحيحه وغير كذا اصبحت علاقتي بزوجي اخويه ما في تواصل جسدي بسبب ارهاقي وارهاقه معايا من سهره معايا على بنتي بالليل واحيان يروح دوامه متاخر
وغير كذا صرت ارفض الزيارات بسبب ارهاقي وعلى طول عصبيه وما احب حتى التمشيات لاني ارجع منها مرهقه وودي انام وطبعا ما في نوم
طبعا الموضوع اطول من كذا بس هذا باختصااااااااااااااااار ساعدوني واعذروني لو ما قدرت ارد عليكم بسرعه لاني يمكن كمان شويه بروح انام بس الله يسعدكم لا تهملوني وبحاول اتواصل معاكم
ساعدوني واحتسبوا الاجر